YEREMIA 31:7 - Biblía Axweesantá Hhohho' ar Mungú 2004

⁷ Asma AAKOÓ MUNGÚ i kaahi, «Daaé' ar qwala/ as múk Yakobo, ururu'uumisé' asma xoorór ur, kaangwí ilahanisaak, baraa/é' tawa kata', ‹AAKOÓ MUNGÚ mukós gwa ba/amís, mukduú Israeli aa meet.›

YEREMIA 31:7 Iomraidhean Croise

WARA'AMI 106:47

Ti ba/amis, AAKOÓ MUNGÚ, Munguúrén, ti dinkwárí ki/is baraá múk xoordaá hatlae. Daqaní kuúng un sluufisaán as umuuwók kudá' hhoohhoó', atén tay xirfuutaán as xirfuuwók.

WARA'AMI 126:2

An qoomár atén qaseengo tawa hhaamaán, nay baraa/aán ar qwala/. Xoordaá hatlá' nari ooiyé', «AAKO mukós gwa gár ur i tleéhh.»

WARA'AMI 14:7

Masók ba/amár múk Israeli ni Siyonír dáhh! AAKOÓ MUNGÚ hariímár mukós birnga ki/ís, múk Israeli iri qwalalaa/, xwaylár Yakobo iri bará/.

WARA'AMI 28:9

AAKOÓ MUNGÚ, mukók ba/amiseek, kudá' kók sleémeero tsuuqeek. Kuúng ta de'eemusmooín, inooín gagariimeek ay kureerisleém.

WARA'AMI 67:1

Mungú ti gurtlay nee ti tsuuqi, nee atén ti ila'ari.

WARA'AMI 69:35

Asma Mungú gixsár Siyoni ga ba/amis, nee gixsadaá Yuda gi malé tleehh, nee sagadiyuuseerós iri baraadá' wa hót, yaamuudá' tari kooín.

ISAYA 1:9

Barnaxes AAKOÓ MUNGÚ Aleesleemusmo, atén taa panáy meetisiiká, atén aga adór Sodoma tleehhitaán, a slaqamís nee Gomora.

ISAYA 11:11

Slám baalaadae Aako dakós gu malé tlees as mukós kudá' meet baraá Ashuru nguwa ki/isi, nee kuduú baraá Misri, nee baraá Patrosi, nee oo baraá Kushi, nee oo baraá Elamu, nee oo baraá Babuloni, nee oo baraá Hama'ati, nee kudaá baraá ayeemoodaá afaá tlawi.

ISAYA 37:31

Panaydá' aa meet baraá tlahhoó Yudawo in doogín, niri tlahhiyá' adoodár xa'ano dee/ár ngur yaamií sihhaahhin nee gawto na/ii ngir ló'wa laqwaali.

ISAYA 37:4

Dooqa AAKOÓ MUNGÚ, Munguúwók /aymi'iidaá geeraharusmoodá' gaa qo axaás, kudá' aakoowós waawutmoó Ashuru naa ya/aáw as Munguú slaáf nguwa niqisi. Nee doóqa AAKOÓ MUNGÚ Munguúwók inós gu iigahhaat daanduú /aymi'iidá' aa axaasi. Gawaá adoorihe mukwí aa meet aleefiriimang.› »

ISAYA 44:23

Kuungaá doóri, daaé', asma AAKOÓ MUNGÚ tí gana tleéhh. Kuungaá ilo awa baraá yaamu, kuungaá tlóm'i, daaé' ar qwala/. Kiíngasír gara, nee xaa'aá baraasí diriiá', daaé', asma AAKOÓ MUNGÚ múk Yakobo gwaa ba/amís inós xirif guri sláy baraá yaamaá Israeliwo.

ISAYA 52:8

Afór xuumuuseerók iiárií qaaseek, i dinkwár wa dá' ar qwala/, asma adoodá' AAKOÓ MUNGÚ nira kií/ Siyoni ilaaínaá kilae ngaa ariyé'.

ISAYA 61:9

Xwaylar'ín iri iia tleeruúr baraá xoorduuwo, nee na/ii'ín baraá tla/ángw muko sleeme, umuúqo heé inooín gaa ari gari tsaahh, adór inooín tar múk taa tsuúq nee AAKOÓ MUNGÚ.»

YEREMIA 20:13

AAKOÓ MUNGÚ i daa'aak, AAKOÓ MUNGÚ xirfayemisaak, asma inós heé liitlakusmo gwaa ba/amís dír dabaá múk tlakwe.

YEREMIA 23:3

Naagáy aníng bee/angw'eé' kudá' aa meet un burumbuúr baraá yaamu sleémeerowo, amoodá' ngway diyaá/, ngiri ki/ís baraá qawtanti'ín. Inooín niri laqwaaliyá', niri dooginá'.

YEREMIA 3:23

Looeemaawo taa kiloorén al/ayaán tawa munguaá hatlá' sluufmisuú awaán gawaá sagér tlom'i. Looeemaawo ba/amár múk Israeli amór ni dahh a amór AAKOÓ MUNGÚ, Munguúrén.

YEREMIA 31:12

Nin hardihiyá' ar afór daa'aangw gawaá tloomár Siyoni. Nee hhooeemaaeé' kin saqwalalaa/, anuú AAKOÓ MUNGÚ. Hhooeemaaeé' kudaá balaangw nee difaái nee di/i, tidá' ni hanmaamiis, nee bee/aangw nee hikwa. Inooín an adór asalmoó taa eemamiís ar ma'aay, inooín gár kiwa /aár i káhh.

WA/AA/I 1:1

Gixsarí geeraawo muko haats, adór ira kilós mét. Tidá' geeraawo ur baraá xoorduuwo, adór ira kwaali'ít. Inósadár dasír waawutmo baraá tla/ángw gixsaduuwo, adór ira adór kwaalo'o tleehhít.

ESEKIELI 6:8

«Tam adoorihe aníng panaay u geexáw, bahh'ale tsaxwa ngi /ayiyá', kuká' tari diya/aat baraá yaamaá dimbadimbé.

HOSEA 1:7

Ala múk Yuda u gurtláw. Aníng AAKOÓ MUNGÚ, Munguúín, in ba/amís. Slám i ba/amisaaká ar ga/ale, laqaá ar paánga, laqaá ar slaqwara, laqaá ar faras, laqaá ar múk faras ngwa i tsa/an.»

Yoeli 2:32

Nee umuúqo heé umuú AAKOÓ MUNGÚ gwaa ateet, ku ba/amis. Asma gawaá tloomár Siyoniro nee baraá Yerusalemuwo múk ba/ám i deer. Nee baraá kuká' naa meetiye', awa AAKOÓ MUNGÚ i ateetin i dayá', adoodá' AAKOÓ MUNGÚ ngira oó'.»

AMOS 5:15

Tlehhma'aá tlakw aahhaak, awa hho' sla'aak, sakwasleemár gan'amu tleehhaak baraá tlahh'iihúng awa kwasleemaro. Doóqa AAKOÓ MUNGÚ, Munguú Aleesleemusmo guruuwós i tláy as panoó múk Yosefu.

MIKA 2:12

«Ala múk Yakobo sleémeero un dinkwaárií burumbuúr, Nee panaydá' aa meet oo múk Israeli un haraki/ís, in dinkwaárií qaás tay adór bee/ángw baraá sluma, tay adór daqtá bee/aangw ar baraá qawtántí dirii', yaamuuhúng niri malé hatsiyá' múk tsimaahhuusa as qwala/.»

MIKA 7:18

Munguú adór kuúng i deéro? Asma kuúng tlakweemaá mukók kudá' aa meet in gurtleér, nee dakuúsar'ín an hingeemís. Kuúng buhhtaawós i alkomkakondaaká deelo sleémeerowo. Ala gár ta ló'wa sla' a sla'aarír warqawaaká,

SEFANIA 2:9

Gawaá adoorihe adoodá' anuú AAKOÓ MUNGÚ aleesleemusmo hotaatima, Munguú Israeli yaamaá Moabu i adór Sodoma tleehhitiyá', yaamaá Amoni niri adór Gomora laqiyá' Yaamuuín te'és ngin alti'iit nee boh'ér diwto, kiri dewa'ameérií máy ay kureeraá kureér. Muk'eé' kudá' aa meet giri haasaáng wá hayoh, nee panayduú muk'eé' giri aal.»

Rumi 11:5

Adoorí an adór hám ta i diriiaan qoomaarihe. Tam hamí múk niiná i deer oo aa meet, kudá' Mungú aa tsawaár as gurtleemuuwós.

Rumi 9:27

Nee aarusmo Isaya ina axweés sleeme daanduú múk Israeliwo, iri tseé' iri oó', «Múk Israeli tam ku yaariire adór hhasángw afaá tlawi, ala múk ba/ám baraaine ku niiná.

DABE 28:13

AAKOÓ MUNGÚ Munguúwók kuúng un heé baaliliím tleehh, un baloó niinaweesiiká, nee kuúng daqisleém un heé gawa tleehh, u baloó baráy ki/isiiká. Inós adoorí ngi kuúngií tleehh, barnaxes kuúng hara'ayár AAKOÓ MUNGÚ, Munguúwók, tí laarí ni kuúngií hara'ayiyiim aga ót nee kari boo/és ar ilakaahara,

DABE 32:43

Kuungá' xoorúdu, mukós xirfayeemisaak, kuungá' mungúi, inós sluufmisaak, asma inós li/oó tseerdaá sagadiyuuseerós gu buu', li/aay gun buu' dír wakuuseerós nee mukdá' inós gu ahhiít gu sakwasleemuut, inós mukós nee yaamuwose gi gi hheehhee'ees.