YEREMIA 31:4 - Biblía Axweesantá Hhohho' ar Mungú 2004

⁴ Aníng kuúng un male tleéhh, nee kuúng adoodá' aáng tay diri' kay i kí/, aá Israeli, kuúnguudá' hhoohhoó'. Kuúng xoosladár ni/ima kari male taatáhh as tawa ni/iin ar qwal/uú úr oo bara/.

YEREMIA 31:4 Iomraidhean Croise

2 WAAWITÁ 19:21

AAKOÓ MUNGÚ daanduú Senakeribuwo i kaahi, ‹Dasír Siyoni kuúng ugwa waaqá', nee ugwa ló'wa waniqís, nee dasír Yerusalemu kuúng ugwa aluú wa qoongo'ós,

WARA'AMI 149:3

Umuuwós ngu xirfayeesiye' ar ni/ima, nee kuwa i daai ar mitingiri nee gidaandoori.

WARA'AMI 30:11

Kuúng niwa hardát tsuunqumisueé' una warqés tari bara/. Inqwaruú tsuunqumis una dúx iri qwal/atís.

WARA'AMI 51:18

Siyoni hhooeemií tleehheek ar gurtleemuuwók, koo/ír Yerusalemu tleehheek.

WARA'AMI 69:35

Asma Mungú gixsár Siyoni ga ba/amis, nee gixsadaá Yuda gi malé tleehh, nee sagadiyuuseerós iri baraadá' wa hót, yaamuudá' tari kooín.

ISAYA 14:1

AAKOÓ MUNGÚ múk Yakobo gu malé gurtláy, nee xoorór Israeli gari malé tsawaar. Inooín giri ki/is baraá yaamuuín kudaá kilá', xoordaá hatlá' niri haragwaaiyá' dír múk Yakobo, tari alhoot.

ISAYA 30:32

Umuúqo slahhtá AAKOÓ MUNGÚ dír múk Ashururo tin alkoomaakoná' nee afór puunda nee ar seésero. Inósuú kilá' in slaaqw nee múk Ashuru ar adór dae tlaaq.

ISAYA 37:22

AAKOÓ MUNGÚ waawutmoodá' gun babay, ‹Gixsár Siyoni tidár dasír maa/i kuúng una waaqá' uri niqiín, Gixsár Yerusalemu tidár adór dasír hhoohhoo' sagós guna mumukumís aluuwók wa ale.

YEREMIA 1:10

Qaytsiít, laarí aleesleemu ngwa haniís daanduú xoorduwo nee waawuti'iimaro as kiwa tu/uun nee kiwa giqeer, aleesleemuú kiwa hhitiin nee kiwa qwaares, nee aleesleemuú kiwa tlehh nee kiwa sihhtis.»

YEREMIA 14:17

AAKOÓ MUNGÚ aníng ina báy, as muu nguwa kángw baw daanduú gurhaamir'eene nee nay oó', «Masók hhirhheeraá ilaaeé' nin wa/aminá' tlaatla/aangw nee xweeraawo, masók an kumaamiít /aa/eewo, asma muk'eé' kwa ló'wa hariiáy, nee kwa ló'wa slahh'eés.

YEREMIA 18:13

AAKOÓ MUNGÚ i kaahi, «Gawaá adoorihe, axáy xoordu sleémeero yaahasaak, kángw adór kwí heé gwa axaas iqo deéro? Múk Israeli adór ló'wa slasla/aar gaa tleéhh.

YEREMIA 24:6

Aníng i ló'wa de'eém daqisleeme, nee ngiri ki/ís baraá yaamuuká'. Aníng inooín i malé tleéhh, i baloó fee/aaká. Aníng inooín i dahaás adór balaangw, ala i tu/umaaká.

YEREMIA 31:13

Daqaní dasuuín i ni/ín nee tari qwalalaa/, masoomba nee múk aa diimaadini ta qwalalaa/. Aníng tsuunqumisuuín un warqeés tawa qwala/, in gurkwa/ás nee in qwal/atís kitángw gurhaamiro.

YEREMIA 31:21

Loohirók tí alhooreseek, kikiár u geerahaar slahheek, ma sagaqwaaraar loohidá' ur ooharo, tidá' taa ót qoomár tawa tlatleer. Aá Israeli, kií/, amór do' ii ki/eek baraá gixsaduuwók.

YEREMIA 31:38

AAKOÓ MUNGÚ i kaahi, «Deelo i hardát ar gixsár Yerusalemu kawa malé /abeesi tleehharo as AAKOÓ MUNGÚ, iimír /Aampár Hananeli ay dír Afkuduú dír Koo/i niwa warqeér.

YEREMIA 33:7

Múk Yuda nee oo Israeliro u malé diihhooárí haniís. Aníng inooín in gawdeés, ngiri adoodár aáng i ki/ís.

YEREMIA 46:11

Kuungá' múk Misri, tlawsé' ay Gileadi, xa'anoó maasáy leelehhaak, asma maasoó yaariír una tlehhaahhité', kuungá' gár nu hungu/uus i káhh.

WA/AA/I 1:15

«Aako slaqwaruuser'eé' sleémeero gana waaqasén, inós dinku'uuma gana ateét niwa amor'eéní haratleer, as kahhó' masoombar'eé' kawa hhaamisi. Aako múk Yuda guna kal/aa/án adoodá' sabiíbu kur kal/aa/an.

WA/AA/I 2:13

Kuungaá múk Yerusalemu, gár nu baw, gár nur alqoomees? Kuungaá múk Siyoni gár nur alqoomees, as kahhó' nuwa gurkwa/as? Asma adór tundura hhitín ka ló'wa ur, heé kuungá' huungu/uusaro nu aleesláw a heemá?

AMOS 5:2

Xoorór Israeli a adór /amaatlito'ór aa hu', nee i baloó sihhitaká. Inós kaa kilós geexáy baraá yaamuuwós i alé, nee heé ga gáwtí tleés i kaahh.

AMOS 9:11

«Baalaarihe aníng doó Daudi kudá' aa huu' u tleéhh, nee koo/idá' aa hhitirut an tleéhh, aníng sluhhaywós kudá' aa huhu'un u sihhtís, gixsadá' an malé tleéhh ngay adoodár aángií ki/ís.

Luka 15:23

Awuú aa wahhaar huwaare', ku gasá'. Atén daqaní a /ayiimaán tay qwalaala/aán.

Tlehhema'aá ya/Abuuse 15:16

‹Aluuwo aníng ni kií/, nee doó Daudi ngway malé tleéhh, kudá' aa huu'. Nee wa/aameedá' aa met ngiri inkií/ tleehhamooro, ngway /abeemaá i ki/ís.

HAR'OHUUSE 11:34

Qoomár Yefta iwa waátl baraá slaqwararo amór do'ós baraá Mispárí ale, dasiirós guna al'eér ar neeto nee daa'aangw, i hara mitingaroó tsingili'imís. Dasiirí aayorose a wak, na/oó hatlá' i kaahh. Yefta na/oó hatlá' oo garma laqaá oo dasi gu konká.