YEREMIA 31:2 - Biblía Axweesantá Hhohho' ar Mungú 2004

² Anuú AAKOÓ MUNGÚ a kah, «Mukdá' naa dír tsu/utár wa /uy, qeemu ngwa slayé' baraá xaanxaywo, qoomaadá' múk Israeli dír huungu/uusa kawa leelehhiít.

YEREMIA 31:2 Iomraidhean Croise

WARA'AMI 78:52

Aluudae mukós guna geeraharaahaár adór bee/aangw. Guna de'én adór daqtá baraá darma.

WARA'AMI 95:11

Gawaá adoorihe aníng nari buúhh, lo'o ngari /aáy nari oó', «Mukwí i dahiiaaká baraá amohhooar'eéni ale.»

TI'INAANGW 1:16

«Qoomár bar /ameenár múk Ebraniár asla aeerá', barnaxes a na/oó garma kuna xwaylúy gaasaak, ala bar na/oó dasi mu gaasara'.»

TI'INAANGW 1:22

Aluuwo Farao mukós sleémeero guri ádbáy iwa kaahi, «Umuúqo na/oó garma oo tindi laqwaali nee /ameenír múk Ebrania /aytisaak baraá yaaér Nili, ala bar a na/oó dasi mu /aytisaara'.»

TI'INAANGW 12:37

Xoorór Israeli aai giri iimu/uún dirká ta bay Ramesesír wa alé ay Sukoti. Faarór hhawaate kilooín a kume tsiire lahhoó'.

TI'INAANGW 2:23

Alaá qoomár deelór yaariir iwa waaráhh, waawutmoó Misri iri gwaá'. Xoorór Israeli slahh'amuú úr guri sleér baraá lawaali'iimaro, tari /aa/amín. /Aa/eeín niri hardihiyé' amór Mungú.

TI'INAANGW 33:14

Mungú iri oó', «Anínguú kilá' ti koomaán nee kuúng, aníng kuungá' u amohhooár i haniís.»

TI'INAANGW 5:21

Ga/aawuuseedá' Mose nee Aroni giri beér, «AAKOÓ MUNGÚ kuungá' nu i qayti, nee qaa/aywí ngu tsati, asma atén kuungá' taa tli/isé' dír geeraá Farao nee geeraharuuseero, kuungá' kiri pa/ángwií hanisé' as atén tiwa tsu/iya'.»

YEREMIA 2:2

«Tláw ay amór yaamuloouusér baraá Yerusalemu, ki beer, adoorí an tidá' AAKOÓ MUNGÚ i kaahi, ‹Aníng inkihhimuduú qoomár kuúng tawa masoomo un insláw, adoodá' ira slá' geerií aleeró adór múk ti duuxór wa slaá'. Ina eehát baraá xaanxaywo, baraá yaamuudá' taa dooslikahe.

ESEKIELI 20:35

Aníng kuungá' nu huúw baraá xaanxoó xoordu, nee amoodae nuri sakwasleemuút.

HOSEA 11:4

Aníng ina geerahaár ar gurtleemu, ngiri uuruúx ar sla'aari, taaqwantadár gawaá isooín ngiri hingeés, aníng ana xupuú' ngiri /aymiís.

FAARO 10:33

Naagáy tari tláy didár tloomár AAKOÓ MUNGÚ wa ale, deelo tám ta baraá aai, sandakmoó alqadór AAKOÓ MUNGÚ ku geeraaín wa loohiis deelo tám as dír xafay'ín kuy tleehhi kawa laqan.

FAARO 14:20

AAKOÓ MUNGÚ Mose guri báy, «Iga gurtláw adoodá' kara firiín.

Matayo 11:28

«Qwalaasé' amor'eé' kuungá' sleémeero awa daawiimitá' nee awa huwa aa al iiloouúr, án kuungá' nu hungu/uús.

DABE 1:30

AAKOÓ MUNGÚ, Munguúhúng kudá' kuungá' nu geerahaar inós kuungá' nu aleeslaaqw adoodá' aáng aa dír geeraahúng wa tleéhh baraá yaamaá Misriro, nee

DABE 1:33

kudá' kuungá' naa geerahaar baraá loohiro, nee nuri diírí sláy ar kuungá' heémarhúng kay tlehha'. Xweeraawo nuna geerahaár ar asla nee tlaatla/aango ar huunki as kuungá' nuwa loohírí laqan.

DABE 12:9

Asma aga dati'iiká didá' tawa hungu/usa, nee baraá yaamuudá' ta ala', kudá' AAKOÓ MUNGÚ, Munguúhúng, nuy haniisi.

DABE 2:7

«Gimsé', inslawaak adór AAKOÓ MUNGÚ, Munguúhúng kuungá' nura tsuúq baraá umuú gaaro ar taa tlehhi'i. Kuungá' nuna de'én qoomár tawa baraá xaanxaywí úr wa tongaanusa'. Inós ina hoót dinkwa nee kuungá' har afiqoomár kureeriiká' mibeeraá tsiyahhe, nee kuungá' gár nuwa /aaruur i káhh.

DABE 8:16

Slám inós an kudá' kuungá' naa /aymiis maánaro qoomár tawa baraá xaanxaay, muruú /aymaadá' baabi'iihúng ta baloó xuiiká. Adoorí gana tleéhh as kuungá' nuwa niinaweesi, niwa iiari as nuwa xuxuui, nee alhhe'eesaywo nuwa hhooeemáy tleehhi.

YOSHUA 1:13

«Kuungá' axweesanoó Mose sagadiyusmoó AAKOÓ MUNGÚ nuwa hara'ayín inslawaak, kudá' nuwa báy, ‹AAKOÓ MUNGÚ, Munguúhúng dír ti hungu/usa' ngi haniis, nee yaamuuká' ngi kuungií haniis.›