YEREMIA 31:13 - Biblía Axweesantá Hhohho' ar Mungú 2004

¹³ Daqaní dasuuín i ni/ín nee tari qwalalaa/, masoomba nee múk aa diimaadini ta qwalalaa/. Aníng tsuunqumisuuín un warqeés tawa qwala/, in gurkwa/ás nee in qwal/atís kitángw gurhaamiro.

YEREMIA 31:13 Iomraidhean Croise

ESRA 6:22

Deelór ur ar mikaátér taa sluuftisiiká kari tleéhh ar qwala/ ar afiqoomár deelo faanqw, asma AAKOÓ MUNGÚ inooín gina qwal/atís nee muunuú waawutmoó Ashuru guri warqeés as múk Israeli nguwa slai, inooín giri ale/iís as ngiwa /uurií qaasi baraá gadiyér tlehhmuú doó Munguhe, Munguú Israeli.

NEHEMIA 12:27

Qoomár koo/ír Yerusalemu kawa paraatlár wa slai múk tlahhoó Laáwi kuna leelehhiít umuúqo dír i diri'iia, as niwa hardihiya' Yerusalemu deelór ur ar koo/i kawa paraatli as Mungú kawa sluufmiisi, nee tawa daai ar mitingiraay nee ar mariímba nee ar gindaandoori.

NEHEMIA 12:43

Baalaarihe inooín ilahhooár muruú ta tsu/i kana haniís tari ló'wa qwalaá/. Asma Mungú gina ló'wa qwal/aás ar qwal/uú úr, /ameena nee na/iiwo sleeme tari qwalaá/. Bar/uú qwala/ oo baraá Yerusalemu kuri amór saáw wa axamiís.

ESTA 9:22

Asma deeloorí an deelór múk Yahudi amohhooa ngiwa slayé' dír wakuuser'ine, nee an slahhángw gurhaami kawa warqeés tawa qwala/, nee an deelór tsuunqumis kuwa warqeés tawa deelór ur. Múk Yahudi kuna ádbáy deeloorí ngiwa oohiya', ngiwa deelór ur tleehhiya' nee ar qwala/, nee qeemuú dimbadimbé kuwa hanmiisi dír muu nee dír narkuute.

WARA'AMI 126:5

Múk aa dahaasíngw ay ar hhirhheeri, ngu bu'uná' ar bara/.

WARA'AMI 148:12

Kuungaá masoombár daaqaay, nee ar dasu, bariise nee na/ii!

WARA'AMI 149:3

Umuuwós ngu xirfayeesiye' ar ni/ima, nee kuwa i daai ar mitingiri nee gidaandoori.

WARA'AMI 30:11

Kuúng niwa hardát tsuunqumisueé' una warqés tari bara/. Inqwaruú tsuunqumis una dúx iri qwal/atís.

ISAYA 12:1

Baalaadae kuúng an o', «AAKOÓ MUNGÚ án kuúng u sluufmiís, asma tam geeraawo aníng iga i buuhhi, buhhtaawók iga meér, nee aníng iga gurkwa/ás.

ISAYA 35:10

Mukdá' AAKOÓ MUNGÚ aa ba/amís i wayaa' nin hardihiyá' ay Siyoni ar daa'ángw bara/, qwal/uú alhhe'eesay wásl i baraá muner'ín. Inooín nin hootiyá' ar qwala/ nee bara/, gurhaami nee /ifooro ni faakiyá'.

ISAYA 51:11

Naagáy mukdá' AAKOÓ MUNGÚ aa ba/amís ni wayaa', nin hardihiyá' Siyoni ar daa'ángw bara/, qwal/uú alhhe'eesay wásl i baraá muner'ín. Inooín nin hootiyá' ar qwala/ nee bara/, gurhaami nee qununu/aay ni faakiyá'.

ISAYA 51:3

Asma AAKOÓ MUNGÚ Siyoni ga gurkwa/as, wa/angwdá' sleémeero a hhiturumiit un amohhe'eés. Darmuuwós un adór Edeni tleéhh, xaanxaywós un adór asalmoó AAKOÓ MUNGÚ tleéhh, qwala/ nee bara/uuwo niri deerutiyá' baraawose sluufaay nee afór daa'aangw kari baraawósí axaas.

ISAYA 60:20

Tsee/amaáhúng i baloó dahiiká, nee slahhaangók i dahiiká. Asma AAKOÓ MUNGÚ an gwa/aateemawók kudaá daqisleém. Deelór tsuunqumisuuwók i fák.

ISAYA 61:2

Nee kurkú gurtleemuú AAKOÓ MUNGÚ nguwa oo', nee deelór li/aay bua oo Munguúrén, nee kudá' tsuunqumisá' sleémeero ngiwa gurkwa/as.

ISAYA 61:3

Kudá' tsuunqumiisá' baraá Siyoniro. Slamángw /ayo nguwa slaya' kitángw da/araro. Di/tá qwala/ ngiwa haniis kitángw tawa tsuunqumiisi. Tlabaá xirif ngiwa haniis kitángw muneesi'imaawo. Daqaní inooín kin bay «Ti'itaawér hota ganaa'. Dahaasíngw AAKOÓ MUNGÚ, as kahhó' inós kuwa xirfayeesi.»

YEREMIA 31:4

Aníng kuúng un male tleéhh, nee kuúng adoodá' aáng tay diri' kay i kí/, aá Israeli, kuúnguudá' hhoohhoó'. Kuúng xoosladár ni/ima kari male taatáhh as tawa ni/iin ar qwal/uú úr oo bara/.

YEREMIA 33:11

afór qaseengw nee ar bara/ a malé axasá', nee afór ni/imár /ayla, nee afór daa'ángw múk ilahhooár sluufoó huwahuúw dír doó AAKOÓ MUNGÚ ar kah, ‹AAKOÓ MUNGÚ Aleesleemusmo sluufmiisaak, asma AAKOÓ MUNGÚ ku hhoó'. Sla'aarirós ar warqawaaká in kumaamít ay alhhe'eesay wasle.› Aníng yaamuuká' i diihhooar'ín tidár aángií ki/ís. Anuú AAKOÓ MUNGÚ tí ngina oó'.»

SEKARIA 8:19

«Gwaawitór slahhángw tsiyáhh, nee ar slahhángw kooán, nee ar slahhángw faanqw, nee slahhángw mibaangw, a deelór tawa naagisi qwala/ nee bar/uuwo, nee a deelór ur dír múk doó Yudawo, gawaá adoorihe looeema nee wayda sla'aak.»

Yohana 16:22

Ala dirhunge a adoorí sleeme, a gurhaamutá', ala án kuungá' nu malé ár, nee munerhúng iri qwalá/, nee qwal/uuhúng heé gu hingeés i kaahh.

HAR'OHUUSE 21:21

daqaní ilakaaharu ku ló'wa tlehhá'. Dasuú Shilo birna tsee/ií ti'iít qoomár deelór ure barta ni/ín, kuungá' ta baraá qamaá sabiíbu wa ti'itá', umuú heewo dasi ngi oohi tawa hareerós. Aluuwo ta ki/á' baraá yaamaá Benyamini.»