YEREMIA 31:12 - Biblía Axweesantá Hhohho' ar Mungú 2004

¹² Nin hardihiyá' ar afór daa'aangw gawaá tloomár Siyoni. Nee hhooeemaaeé' kin saqwalalaa/, anuú AAKOÓ MUNGÚ. Hhooeemaaeé' kudaá balaangw nee difaái nee di/i, tidá' ni hanmaamiis, nee bee/aangw nee hikwa. Inooín an adór asalmoó taa eemamiís ar ma'aay, inooín gár kiwa /aár i káhh.

YEREMIA 31:12 Iomraidhean Croise

WARA'AMI 130:4

Ala dír kuunge gurtleemuú tlakweema i deer, as kahhó' atén kuúng uwa ilaiwawa/aan.

ISAYA 1:30

Kuungá' a adór ti'ituú loo/oorós kaahaakah, nee a adór asalmoó ma'aá koomaaká.

ISAYA 35:10

Mukdá' AAKOÓ MUNGÚ aa ba/amís i wayaa' nin hardihiyá' ay Siyoni ar daa'ángw bara/, qwal/uú alhhe'eesay wásl i baraá muner'ín. Inooín nin hootiyá' ar qwala/ nee bara/, gurhaami nee /ifooro ni faakiyá'.

ISAYA 51:11

Naagáy mukdá' AAKOÓ MUNGÚ aa ba/amís ni wayaa', nin hardihiyá' Siyoni ar daa'ángw bara/, qwal/uú alhhe'eesay wásl i baraá muner'ín. Inooín nin hootiyá' ar qwala/ nee bara/, gurhaami nee qununu/aay ni faakiyá'.

ISAYA 52:8

Afór xuumuuseerók iiárií qaaseek, i dinkwár wa dá' ar qwala/, asma adoodá' AAKOÓ MUNGÚ nira kií/ Siyoni ilaaínaá kilae ngaa ariyé'.

ISAYA 58:11

Daqaní umuú daqto anuú AAKOÓ MUNGÚ kuungá' nun geeraharahaár, nuri diihhooár i haniís, nuri /uurií doóg. Kuungá' tari adór asalmoó ta eemamisi, adór duxuú ma'aay kudá' baloó /oomaaká.

ISAYA 60:20

Tsee/amaáhúng i baloó dahiiká, nee slahhaangók i dahiiká. Asma AAKOÓ MUNGÚ an gwa/aateemawók kudaá daqisleém. Deelór tsuunqumisuuwók i fák.

ISAYA 65:19

Aníng Yerusalemu an saqwalalaá/, nee muk'eé' un sabaraá/. Baraadae afór tsuunqumis ka baloó axasiiká, nee /aa/aá slahh'amaaye i baloó ki/iaaká.

YEREMIA 3:14

«Ki/aaré', kuungásingá' na/aá inkihhimu wasl, asma aníng an Aakoohúng. Aníng umuú heewo u leéhh dír umuú gixsaro, nee múk tsár baraá umuú tlahhaywo, ngiri huúw ay tloomár Siyoni. Anuú AAKOÓ MUNGÚ tí ngina oó'.

YEREMIA 31:24

Nee múk Yuda nee gixsadu sleémeero, nin dinkwár wa hootiyá' nee doosluuse nee de'eemuuse nee daqooroó hikwaaine.

YEREMIA 31:25

Kudá' naa slaaqamiitiye' slaaqamayer'ín aa fák, kudá' naa diqay tsatmiitiye' i /uurií haniís.

YEREMIA 31:4

Aníng kuúng un male tleéhh, nee kuúng adoodá' aáng tay diri' kay i kí/, aá Israeli, kuúnguudá' hhoohhoó'. Kuúng xoosladár ni/ima kari male taatáhh as tawa ni/iin ar qwal/uú úr oo bara/.

YEREMIA 31:6

Asma qooma i hi'ít ar xuumusmo iwa ateeti gawaá geetuú tlom'aá Efraimu, iri ooi, Gusé', a tsa/amán ay Siyoni amoodá' AAKOÓ MUNGÚ, Munguúrén, i dirii'i.»

YEREMIA 31:7

Asma AAKOÓ MUNGÚ i kaahi, «Daaé' ar qwala/ as múk Yakobo, ururu'uumisé' asma xoorór ur, kaangwí ilahanisaak, baraa/é' tawa kata', ‹AAKOÓ MUNGÚ mukós gwa ba/amís, mukduú Israeli aa meet.›

YEREMIA 32:15

Asma AAKOÓ MUNGÚ Aleesleemusmo, Munguú Israeli i kaahi, «Maraay nee qamu nee qamaá sabiíbu ki malé tlaxún baraá yaamuukae.»

YEREMIA 33:12

AAKOÓ MUNGÚ Aleesleemusmo i kaahi, «Diirír xaanxaay ar múk koomaaká laqaá makaay nee baraá gixsaduín sleémeerowo, diirí an qawtantá de'eemuuse daqooray'ín oo bee/aangw nguwa de'een.

YEREMIA 33:13

Baraá gixsadaá yaamaá tlom'i, nee gixsadaá Shefela, nee baraá gixsadaá xaanxoó Negebu, nee baraá yaamaá Benyaminiwo, nee baraá yaamaá iisaapoó Yerusalemuro, nee baraá gixsadaá Yudawo, muu bee/angw'ín gu malé fadiit. Anuú AAKOÓ MUNGÚ tí ngina oó'.»

ESEKIELI 17:23

Eeít, aníng a haátl gawaá ságw tloomár tleer ar múk Israeli, as /ayo nee mamu ngiwa laqwal. Inós tay xa'anoó hhoohhoó' oo sahhti, tsir/ór kal'aá yaariir iri mahheetús baraá gamnaangós wa alé, slám mari ngiri tleehhiyá' gawaá haleemaawós.

ESEKIELI 20:40

Asma aníng gawaá tloomar'eé' tidá' hhoohhooe, tidá' tleraantleer ar yaamaá Israeli, aníng Aakoó MUNGÚ a kah, Kuungá' sleémeero awa múk Israeli in didá' wa sagadiyusá'. Amoodaádae aníng kuungá' nu ilaaóh, nee nuri daám iwa ilahhooár i huba', nee ilahhooár hhohho' tidá' taa tsawdé'.

ESEKIELI 34:14

In huúw dír qawtantá hhoohhoo' gawaá tlom'aá tledaadet awa yaamaá Israeli, kudá' qawtantá hhoó' koomá'. Inooín niri tlahhsiya' baraá xatstá hhoohhoo', eeít, inooín qawtantá hhoo' ngi slayá' gawaá tlom'aá Israeliwo.

ESEKIELI 36:30

Aníng mamaá xaai nee balángw qamu i tlahhás, as mutunduwa murekeés ar giyeé tidá' tla/ángw xoorduuwo.

HOSEA 3:5

Aluuwo múk Israeli i kii/, AAKOÓ MUNGÚ Munguúín kway leelehhiit, nee Daudi waawutmooín. De'emaá alhhe'eesaywo niri ki/iyá' amór AAKOÓ MUNGÚ nee hhooeemawós ar ilaiwa/ame.

Yoeli 3:18

«Slám de'emaadae tlom'i difaáidá' tsuu' ngi taxmisiyá', nee ilwa nin gawaá dindirmaá wa wa/aminá', yau sleémeero awa Yuda ma'aywo nin hatsiyá', nee kutli nin baraá doó AAKOÓ MUNGÚ wa ti'ít, xatstá Shitimu gari eemís.»

HAGAI 2:19

Xáy, dahaasiingw i baraá kuuntírií káhhi? Nee sabiíbuusíng, laqaá /aantsí, laqaá komamaánga, laqaá xaa'aá seituúni gár naa laqwaaliyé' i káhha? Ala iimír laarí wa tleemu án kuungá' nu tsuúq.»

SEKARIA 8:12

Asma didae wayda i deeruut, sabiíbu /ar'i giri slaslaax, yaamu sleeme bu'uungw'ín ngu duuxiyá' nee tluwaay iri tluuw, aníng mukwí aa meet un muruuwí sleémeero i haniís as nguwa aaliya'.

Yohana 16:22

Ala dirhunge a adoorí sleeme, a gurhaamutá', ala án kuungá' nu malé ár, nee munerhúng iri qwalá/, nee qwal/uuhúng heé gu hingeés i kaahh.

Rumi 2:4

Laqaá kuúng hhooeemaá Mungú kudá' yaariir nee qiqtliingós nee daamaaraangós, in waqaaqá'a? A xu'ukáhe adór hhooeemaá Mungú kuúng ur uuruxuná' as tawa hhu'u'uun?

Geehhoeemaá 21:4

Inós hhirhheeri sleémeero gi fiits gawaá ilaaine. Nee slám gwa'ara didae i káhh, tam tsuunqumis, nee tam /aa/e, nee slahh'eemis sleeme i kaahh. Asma muruuduú geera aa qaroó waaraáhh.»

Geehhoeemaá 7:17

Asma Deelmoó bee/i kwí tla/ángw kitángw aleesleemuú i dirií', inós inooín gi de'én, giri geeraharahaar didár kutloó ma'aá slafíngw koóm i dirii'i. Nee Mungú hhirhheeri'ín sleémeero gi fiits baraá ilaaine.»