YEREMIA 31:10 - Biblía Axweesantá Hhohho' ar Mungú 2004

¹⁰ Kuungá' xoórdu, axweesantá AAKOÓ MUNGÚ iiárií qaasaak, ilahaniisaak dír ayeemaá sawene, kudaá iisaapoó tlawi, tawa kata', ‹Aníng muk'eé' oo Israeli una diyaá/, ala daxta un burumbuúr nee un geerahaár, adór de'eemusmo bee/aangós ngur geeraharhaahari.›

YEREMIA 31:10 Iomraidhean Croise

IIMU/UUNGW 10:5

Xwaylar'ín an iimu/úngw mukdá' sleémeero bihhaá tlawtá wa hoót. Mukwí an xwaylár Yafeti. Inooín tana doogaagín, tari hoót, umuú tlahhaywo nee yaamuuín nee tsifrir'ín nee xooror'ín.

WARA'AMI 147:2

AAKOÓ MUNGÚ gixsár Yerusalemu gan tlehhiit. Múk Israeli, kudá' aa diyaa/aat gun burumburín.

WARA'AMI 23:1

AAKOÓ MUNGÚ inós an de'eemusmooeé', gár aníng iwa /aaruw i káhh.

WARA'AMI 72:10

Waawituú Tarshishi nee múk yaamaá kaahaar oo baraá tla/ángw tláwtií dirií', koódi ngi huwiye', waawituú baraá Sheba nee Seba qeemuú i kona' ngu haniisiye'.

AXWEESANOÓ SAGALOOA 27:23

Makaywók kudá' ta de'een harmagahheek, hikwaawók amohhe'eeseek.

ISAYA 24:14

Panaydá' aa meet iri tseeamín, iri daa' ar qwala/, tari tseeamín iimír /uwá wa alé as aleesleemuú AAKOÓ MUNGÚ.

ISAYA 27:12

Baalaadae AAKOÓ MUNGÚ balaangós gu slaahh iimír yaaér Eufratér wá tleemu, ay digmuú yaamaá Misri. Kuungaá Israeli tunduri wakeetín burumburiingo.

ISAYA 40:1

Munguúhúng i kaahi, «Muk'eé' gurkwa/asak, inooín gurkwa/asak.

ISAYA 40:11

Daqtós gan /aymiis adór de'eemusmoó wa ale, nee deeloó bee/aangw gun gawaá dabaawósií oh, giri gawaá da/eewawósár loohiis, bee/ángw du'umiís idaahharo gun tseegiis.

ISAYA 41:1

Mungú i kaahi, «Kuungaásingaá ayeemaá afaá tlawi, xasliité', iia qaasaak, xoordu /uuruú /abén ngu slayá'. Ni tseewuye' as kangw'ín nguwa ooiya', Daqaní ni ooiye', ‹Qwalaas dinkwa as sakwasleema.›

ISAYA 42:10

Daa'ángw /abén daa'aak dír AAKOÓ MUNGÚ, hhapeemo sleémeero xirfuuwós ngu daaiye'. Gimsé' tlawi i /orotl nee umuúqo gár baraadá' i diriia, ayeemaá sawen nee yaamuloouuser'ine.

ISAYA 42:4

Inós i diqay tsatitiiká laqaá i munesi'iiká. Ay dír sakwasleemár ganaa' ngay gawdeesi baraá yaamuwo. Yaamaá sawen hara'ayaarós ngin daamaraná'.

ISAYA 48:20

Hám daxta tlawé' Babulonír wa ale, /akumiité' yaamaá Kaldayór wa ale. Kaangwí alki/itaak ar tseeór qwala/, kaangwí ooaak, afoorí ya/aawaák ay ku/uyaá yaamu, ta oa', «AAKOÓ MUNGÚ múk Yakobo kuduú sagadiyuuseerós gwaa ba/amís.»

ISAYA 54:7

«Ar har afiqoomár niinawe ina máw ala ar gurtleemuú yaariire aníng kiíng i ki/ís.

ISAYA 60:9

A miringér baraá ma'aay tidá' yaamaá afaá tlawtá daahh, kinga geerahaár nee miringér Tarshishi. Tidá' na/iiwók ngaa amór saáwa ki/is, peésar'ín nee sahaábu ngi koná' as daanduú umuú AAKOÓ MUNGÚ, Munguúhúng, nee daanduú Kudá' wák oo Hhoohhoó' oo Israeli, asma inós kuungá' nuna xirfayeés.

ISAYA 66:19

«Aníng laya an qaás, baraá tla/angw'ín, dir'ine awa na meetiye' ngiri huúw baraá xoordu, amór Tarshishi, nee amór Puti, nee amór Ludi kudá' ga/aldaá xuá' tlaqutuwo, nee amór Tubali, nee amór Yowani, amór ayeemoodá' sawen awa afaá tlawi kudá' handá' kangw'eé' ngwa axasi'iiká nee xirfuueé' ngwaa ari'iiká. Amoodae muk'eé' xirfuueé' guri alki/iit dír xoordu.

YEREMIA 23:4

Aníng de'eemuusér hatlá' ar gi amohhe'eemiis an sláw, inooín niri malé da'ayumitiaaká, laqaá niri malé amoqwaqwadina'aaká, nee tam ar wák i qwatká.» Anuú AAKOÓ MUNGÚ tí ngina oó'.

YEREMIA 25:22

Waawitá sleémeero oo Tiro nee Sidoniro, nee waawitá sleémeero oo afaá Tlawtá Tla/aangw.

YEREMIA 3:15

«De'eemuusér aníng i iialooeemiis ngi kuungá' i sláw, múk kuungá' nu /aymiís ar xu'uti nee tsaahha.

YEREMIA 50:17

Múk Israeli, a adór bee/ángw ta slakaati nee diraangw kudá' ta tlatlahhaás. Geeraawo kina hhaamiís nee waawutmoó Ashuru, nee hám daxta Nebukadnesa waawutmoó Babuloni kudá' gaa fadu giqaaqay.

YEREMIA 50:19

Múk Israeli u ki/ís baraá qawtanti'ín, nee angamír'ín kari gawaá tloomár Karmeli nee Bashanír wa de'én, muruú /aymár bu'uút nguri slayá' gawaá tlom'aá Efraimu nee Gileadiro.»

ESEKIELI 11:16

«Ala mukwí baraá looháy dirií' ku beer, Anuú Aakoó MUNGÚ a kah, Tam naa huwi baraá tla/ángw xoordaá hatlá', nee tam naa diyaa/i baraá yaamaá hatlá', tam adoorihe qoomaarír kilae aníng a dinkwa nee inooín, amoodá' i diri'iia'.

ESEKIELI 20:34

Aníng kuungá' nun duúx baraá xoordaá hatlá' wa aleeró, nee nuri burumbuúr baraá yaamuudá' nuy diyaa/i, ar dakw'eé' oo ló'wa /uuruú koóm, ar xarasleema nee buhhtaeé'.

ESEKIELI 34:12

Adoodá' de'eemusmo bee/aangós kudá' aa diyaya/aat ngur leelehhaahhiti, an adoodá' aníng bee/angw'eé' ngur leelehhiit. Un haraaki/ís umuú dír iqo diyaa/ati, bál huunkáy nee ma/amír a kiqiti.

ESEKIELI 37:24

Sagadiyusmooeé' Daudi inooín gin sawaawuti'ín, eeít, kiri de'én nee de'eemusmoó wák. Inooín daber'eé' ngin harmagaahhiyá' nee kaahir'eé' ngin oohiyá'.

ESEKIELI 5:10

Baraadá kilá' gixsaro xwayliité na/ii'ín awa kilá' gi /ák, nee na/ii xwayliitér'ín ngi /ayiyá'. Sakwasleemar'eé' a boo/eés daanduuhunge, nee panaydá' aa meet nguri diyaá/ bihhe sleémeerowo.

ESEKIELI 5:2

Ala gixsár Yerusalemu barka hhe'eés harweeraro, ufuú wák oo se'eengók, baraá ufeedá' tame, da/eek baraá gixsár i alé. Ufuú hatlá' paángaro tlaaqeek, gixsa tir harwet. Ufuú tám kuduú alhhe'eesáy ku tsiyayaáx ar fur'a. Aníng paángar'eé' a aluú wa geeleéhh as nguwa diyaa/.

DANIELI 11:18

Aluuwo iri warqáy yaamaá yaariir awa afaá tlawi giri i haratláy nee giri baal. Ala slaqwarusmoó dahaaymo inós gu baal nee daara/aangós iri furguu/, waawutmoó /iya tsi'itós guri i kí/.

TLAHHOÓ LAÁWI 26:33

Nun tsiyayaáx baraá tla/ángw xoordu, nee nuri paangadúr ayá', yaamuuhúng niri darma tleehhiyá' nee gixsaduhúng niri hhituruutiyá'.

MIKA 2:12

«Ala múk Yakobo sleémeero un dinkwaárií burumbuúr, Nee panaydá' aa meet oo múk Israeli un haraki/ís, in dinkwaárií qaás tay adór bee/ángw baraá sluma, tay adór daqtá bee/aangw ar baraá qawtántí dirii', yaamuuhúng niri malé hatsiyá' múk tsimaahhuusa as qwala/.»

MIKA 4:6

AAKOÓ MUNGÚ i kaahi, «Baalaadae aníng kudaádá' soopiím un haraki/ís. Aníng kudaádá' taa guús un ki/ís, nee kudaádá' aníng naa slahh'eemisi sleeme.

MIKA 5:4

Inós in sihhiit nee daqtós gari de'én ar /uuruú AAKOÓ MUNGÚ nee ar aleesleemuú waawuti'iimár umuú AAKOÓ MUNGÚ, Munguúwós. Mukós iri saxareemár hoot, asma inós uraay guri sláy baraá yaamu sleémeero.

SEFANIA 2:11

AAKOÓ MUNGÚ inooín gin ló'wa dae tsaat. Inós munguaá hatlá' sleémeero baraaká' yaamuwo gin hhaasúy. Daqaní xoordu sleémeero inós nguri i tumbarara'amitiyá' umuú heewo dirós tidá' i dirii'i.

SEFANIA 3:19

«Ga/aawaak, qoomaadae kudá' sleémeero nu baramaanuusá' aníng in muúx. Ala kudá' soopimá' in ba/amís, nee awa taa kwaáhh in burumbuur. Murer'ín an warqeés tawa xirif nee in iia tleereés baraá yaamu sleémeero.

SEKARIA 10:8

Aníng muk'eé' un ateét nguri dinkwaárií burumbuúr, asma iga tuú/, inooín niri adoodár aángár tlahhiyá'.

SEKARIA 2:6

AAKOÓ MUNGÚ i kaahi, «Gimsé', guwaaré' amór yaamaá /iikú wa alé, amoodá' aníng kuungá' nuy tlatlahhaás badu sleémeero.

SEKARIA 9:16

Nee AAKOÓ MUNGÚ Munguúín gi ba/amis bal deeloodae, asma inooín a daqtós, inooín niri qwiirii/iyá' baraá yaamuwo adór tlaa/aá taa slamángw ar parootuús.

Luka 12:32

«Ma da'ayumitaara', kuungaá daqtá niina. Asma Baabuúhúng gaa slaá' waawuti'iimadá' ngiwa haniisi.

Yohana 10:27

Bee/angw'eé' afor'eé' ga iiárií qamín. Aníng u xuú', nee inós aníng i eeharahaar.

Yohana 11:52

Ala as xooroorí kiloseeká. Nee tam as mukdá' Mungú gu haratlintií' baraá xoorduuwo nguwa burumburi as tawa wák tleehhiti.

DABE 30:4

Tam geera kuungá' tunda diyaa/i baraá ku/uyaá yaamu awa saawá', AAKOÓ MUNGÚ, Munguúhúng nun burumbuúr nuri ki/is.

DABE 32:26

Aníng ana oó', ‹Inooín in diyaá/ ay amór saaw, kiri inslayká nee muu gawaá daanduú yaamuwo.›