YEREMIA 30:9 - Biblía Axweesantá Hhohho' ar Mungú 2004

⁹ Aqo AAKOÓ MUNGÚ, Munguúín ngun sagadiyuusiyá', nee waawutmoó tlahhoó Daudi kudá' ni tsawaar ngun sagadiyuusiyá'.»

YEREMIA 30:9 Iomraidhean Croise

WARA'AMI 89:49

Aáko, sla'aarirók ar warqawaaká ar iimír qaro i amá? Aáko, al'axweesantadá' taa al'axwés ar inkihhimuuwók dír Daudi, i amá?

YEREMIA 23:5

AAKOÓ MUNGÚ i kaahi, «Ga/aawaak, baala ni hardát ar aníng harma/itá hota ganaa' ngiwa doó Daudi wa duux, inós iri waawuti'ín ar sagalooa, inós giri geerahaar ar sakwasleemár ganaa' nee ar hotaá ganaa'á' baraá yaamuwo.

YEREMIA 29:11

Asma anuú AAKOÓ MUNGÚ a xuú' gár ni kuungá' i qoomeemeés i deer. Gár nuy qoomeemeés a wayda, ala a amotlakweerooká, kuungá' masók harahhifo a sleerá' aluuwo.

YEREMIA 30:21

Geeraharusmooín kun baraá tla/angw'ín wa sláy, waawutmooín ku sláy baraaine, inós aníng u dir'eénií tseeweés, inós niri tseewúy. Asma heé dir'eénií tseewúw ar /uuruuwós tumu wák i kaahh. Anuú AAKOÓ MUNGÚ tí ngina oó'.

YEREMIA 33:15

Deeloodae nee qoomaadae aníng halmír hota ganaa' an baraá xwaylár Daudi wá harma/atís. Inós giri geerahaar ar sakwasleemár ganaa' nee ar hotaá ganaa'á' baraá yaamuwo.

HOSEA 3:5

Aluuwo múk Israeli i kii/, AAKOÓ MUNGÚ Munguúín kway leelehhiit, nee Daudi waawutmooín. De'emaá alhhe'eesaywo niri ki/iyá' amór AAKOÓ MUNGÚ nee hhooeemawós ar ilaiwa/ame.

Matayo 2:2

Iri ó', «Waawutmooduú múk Yahudi taa laqwaál i amá? Asma atén tsatsee/irós ana araán da/aáw wa ale. Nee atén nguna xirfayeemisuú awaán.»

Luka 1:69

Ba/amusmoorén oo /uuruú koóm ngwa sláy baraá tlahhoó lawaalmoowós Daudi wa ale,

Tlehhema'aá ya/Abuuse 13:23

Baraá xwaylár heewihe, Mungú Ba/amusmo Yesu ngwa haniís dír múk Israeli, adoodá' ngira qaroó geerií al'axweés.

Tlehhema'aá ya/Abuuse 13:34

Qoomár Mungú inós nguwa waasle/atís baraá múk aa qaátl wa ale, as miwa malé kií/ baraá hhitiru'uuma, adoorí gana oó', ‹Án tsuuqa ngi kuúng i haniís, tsuuqadá' hhoohhoo' nee awa haraxu'utír koomá', kudá' naa al'axweés dír Daudi.›

Tlehhema'aá ya/Abuuse 2:30

Slám inós a aarusmo, nee lo'oodá' Mungú aa /aáy inós ga xuu', tidá' kah, ‹Baraá xwaylaroge heé wák u waawutmoó wa qaás.›