YEREMIA 30:20 - Biblía Axweesantá Hhohho' ar Mungú 2004

²⁰ Na/ii'ín aqo adoodá' aáng tay dirii'i, dinku'uumar'ín geeraaeene ka gawdes. Aníng mukdá' sleémeero inooín gi baramaanuusá' in muúx.

YEREMIA 30:20 Iomraidhean Croise

WARA'AMI 102:18

Tí gooimaak asma qartá xaw, as múk ta aluú wa laqwaali AAKOÓ MUNGÚ nguwa xirfayemisi.

WARA'AMI 102:28

Na/aá mukók kudá' u sagadiyuús amohhooa ngin ar hootiyá'. Na/aá i laqwaaliya' nin saxareemár kumiitiyá' geraawoge.

ISAYA 49:26

Mukdá' kuúng u baramaanuús, aníng un /aymiís ar fu'unaá slaqooín i oonitís ar tseerduuín adór múk a oonimiit ar difaái. Daqaní umuúqo heé slafa gari xuu' adór aníng tar AAKOÓ MUNGÚ, Gweerusmoowók, Ba/amusmoowók kudá' /uuruú koóm oo Yakobo.»

ISAYA 51:22

AAKOÓ MUNGÚ Munguúwók, kudá' mukós aleekal/aám, i kaahi, «Ga/aawaak, án slooqomoodá' nura oonitís ugwa hingeés. Kuungá' slooqomooduú buhhtaaeé' u wata'aaká.

ISAYA 54:14

Hotaá ganaa'á' in ar hotaatiín, kiíng ti sawees dír baramaaniro, nee dír dae tlaquuwo, ma da'ayumitaar gár kiíng i harasaap i káhh.

YEREMIA 2:3

Múk Israeli a múk hhohhó' dír AAKOÓ MUNGUHE, xwaylarós tidár baris. Heé gi gár tlaákw i tleéhh i hhitiruut, amotlakwe ga sláy.› Anuú AAKOÓ MUNGÚ tí ngina oó'.»

YEREMIA 30:16

Ala kudá' sleémeero kuungá' nu hhaamiisár wa sla'á' ki hhaamiis. Wakuuserhúng sleémeero kar tláy baraá loohaay, kudá' kuungá' naa gaa wa hayohiye', muruuín ku hayoh sleeme. Kudá' kuungá' naa slakaatiyé' aníng in slakaát.

YEREMIA 32:39

Aníng inooín in muunuú wák i haniís nee loohír wák, as kahhó' aníng iwa ilaiwawa/iya' umuú daqto, as kahhó' aníng inooín ngiwa hhooeemáy tleehh nee na/ii'ine.

WA/AA/I 5:21

Aá AAKOÓ MUNGÚ, atén ti amoorók i ki/is, daqaní atén ni ki/aán, atén ti adoodár aáng i ki/is.

SEKARIA 10:6

Aníng doó Yuda un /uurií qaás, án doó Yosefu u ba/amís, án inooín i ki/ís ayaaín asma iga gurtleemuú wa ár, inooín kwaáo' inaqo baloó kwahhiiká, asma aníng a AAKOÓ MUNGÚ, Munguúín. Aníng firor'ín a axaás.

SEKARIA 10:8

Aníng muk'eé' un ateét nguri dinkwaárií burumbuúr, asma iga tuú/, inooín niri adoodár aángár tlahhiyá'.

SEKARIA 8:5

Nee lohdaá gixsa ni hatsiyá' daaqaay nee dasuuwo, ta baraadá' wa neet.› »