YEREMIA 30:15 - Biblía Axweesantá Hhohho' ar Mungú 2004

¹⁵ Ahaá baré a /aa/amiindá' as inkahhi'iihúng, inkahhi'iihúng i baloó huungu/iiaaká. Aníng kuungá' nuna adoorí /iís, asma dakuúsarhúng ka ló'wa ur. Tlakweemaahúng ki ló'wa yaariir.

YEREMIA 30:15 Iomraidhean Croise

ESRA 9:13

Nee alaá tí sleémeero taa sleeri as tlehhmi'iirén kudá' tlakw nee as tlakweemaarén kudá' ur, ala kuúng Munguúrén taa muxká ar adoodá' atén wa hariim as tlakweemaarén, nee mukrén oo niiná nguri meetís.

YOBU 34:29

Mungú bira xasliít heé gu áw a heemá? Bar gitsee/aawós ngaa luú/ heé gi kiís a heemá?

YOBU 34:6

Aníng geeraawo a mak hota ganaá', ala tina lamusmo tleéhh. Aníng ti dakuús wásl tam inkahhi'iieé' i hungagu/iaakahe.›

WARA'AMI 107:17

Bahh'alé tana daktu'umiít asma dee/aanuín, niri slahhahhaiyé' as tlakweemaaín.

ISAYA 1:6

Iimír tsa/oó yaaér wa oohang ay gawaá saga, slafiingw i kaahh baraadae, ala aqo har inkahhi'iidá' tseeru'umiitá', kudá' taa tseegiiká, laqaá kaa malhhasiiká, laqaá kaa dí/tár slikiiká.

ISAYA 5:2

Gana doosla hhe'eés, tlaa/e sleémeero giri hingeés. Baraadae sabiíbuudá' taa tsawaár guri hamareés. /Aampár xuuma gari baraá tla/angwdií tleéhh, nee bohóngw sabiíbu kuwa tsoo/iti guri foól. Naagáy sabiíbu guna dán iwa laqwaali, ala sabiíbuudá', sabiíbuú sla/a guri laqwaál.

YEREMIA 11:13

Múk Yuda, munguiihúng ki yaariir adór gixsaduhúng. Nee kiteeraá ilahhooarhúng ki yaariir adór lohdaá Yerusalemu, kudá' taa tlehhé' as mureekesayduú Ba'ali kuwa ilahhooár mooyángw tsuúií da/a/aanda'.

YEREMIA 15:18

Ahaá waáy, gár slahh'amueé' is kumaamiti, inkaahhay'eé' mis hungaagu/ká, baré maasáy ga hungu/umisiiká? Ahaá, mis diqay tláq adór duxuú ma'aywós kahaakaahá'?»

YEREMIA 2:19

Tlakweemahúng awa kilá' kuungá' nu muxiyá', nee kuungá' lo'o nu eér as aníng iwa geexeeré'. Gimsé' xuaak, ka ló'wa tlaakw nee a gár slahh'eemiis, anuú AAKOÓ MUNGÚ, Munguúhúng, bira geexeeré', nee ilaiwa/amer'eé' bara hingesé' baraá muunerhunge. Anuú Aakoó MUNGÚ Aleesleemusmo tí ngina oó'.

YEREMIA 30:12

Anuú AAKOÓ MUNGÚ a kah, «Inkaahhi'iihúng ki baloó huungu/usiiká, gweehhinghúng i baloó huungu/iiká.

YEREMIA 30:14

Sla'aaruuserhúng sleémeero kuungá' naa gunqaarés, kuungá' nu baloó gár i xuiiaaká. Aníng kuungá' naa slaáhh adór wakusmo, kuungá' tundu muux ar gurtleemu wasle, asma dakuúsarhúng ka ló'wa ur, tlakweemaahúng ki ló'wa yaariir.

YEREMIA 30:16

Ala kudá' sleémeero kuungá' nu hhaamiisár wa sla'á' ki hhaamiis. Wakuuserhúng sleémeero kar tláy baraá loohaay, kudá' kuungá' naa gaa wa hayohiye', muruuín ku hayoh sleeme. Kudá' kuungá' naa slakaatiyé' aníng in slakaát.

YEREMIA 30:17

AAKOÓ MUNGÚ i kaahi, aníng kuungá' nu slaqwa hhooárí ki/ís nee inkahhi'iihúng i hungu/uús. Tam kuungá' tunda bayi, ‹Múk taa kwaáhh, gixsár Siyoni, tidá' ta amohhe'eemisiiká.› »

YEREMIA 46:11

Kuungá' múk Misri, tlawsé' ay Gileadi, xa'anoó maasáy leelehhaak, asma maasoó yaariír una tlehhaahhité', kuungá' gár nu hungu/uus i káhh.

YEREMIA 6:13

Inooín sleémeero iimír na/aá ninákw wa tleemu ay múk urén slaasláwár ganaa'aaká ngi tawo slaiyá'. Tam aaruuse nee kaahamuusero umuú heewo gaa a lama gan tlaaq.

WA/AA/I 1:5

Gixaarós kan baliit nee wakuuseerós, wakuuseerós aa slawiín, asma AAKOÓ MUNGÚ inós gana slahh'eemiís as tlakweemaawós kudá' yaariir. Na/iiwós wakuuse gira tleér baraá loohaay.

WA/AA/I 2:13

Kuungaá múk Yerusalemu, gár nu baw, gár nur alqoomees? Kuungaá múk Siyoni gár nur alqoomees, as kahhó' nuwa gurkwa/as? Asma adór tundura hhitín ka ló'wa ur, heé kuungá' huungu/uusaro nu aleesláw a heemá?

WA/AA/I 3:39

Ahaá waáy, gár heé slaáf is qununu/i burkwa muúx as tlakweemaawós?

WA/AA/I 4:13

Tí sleémeero ina tleehharút as tlakweemaá aaruuseerós nee dakuúsár kaahamuuseerós. Inooínaadá' múk hhó' ngwa tawo tsu/iye' baraá tla/ángw gixsa.

MIKA 1:9

Inkahha'aá Samaria i baloó hungu/iaaká, múk Yuda sleeme inkahhi'iidá' gaa sláy, naa hardihiyé' ay afér maraá Yerusalemu, didár muk'eé' i dirii'i.

MIKA 7:9

Aníng tlakweema ina tleéhh. Gawaá adoorihe buhhtaá AAKOÓ MUNGÚ in saqiqtliím ala alé ay dír i aleekalaa/i. Inós sakwasleemar'eé' gan tleehh aluuwo, as hariímar'eé' ngiwa slaw. Aníng i tsee/á i duux amór gwa/aateema, adór inós ira ba/amís ngay ár.

NAHUMU 3:19

Heé iinkaahhaywók ngu tse'eemiís i kaahh, iinkaahhaywók kwisíng i tsu/uut, kudá' sleémeero kangók ngwa axaasiyé' tsa/ii'ín ngin slahhiyá. Asma heé taa slahh'eská ar tlakweemaawók kudaá daqisleém a heemá?