YEREMIA 30:11 - Biblía Axweesantá Hhohho' ar Mungú 2004

¹¹ Anuú AAKOÓ MUNGÚ a kah, «Asma aníng nee kuungá' a dinkwa as nuwa ba/amis. Aníng xoordu sleémeero i hhaamiís, kudá' aníng kuungá' nuy diyaá/. Ala aníng kuungá' nu hhaamisaaká. Kuungá' nun tawó muúx ar qoomoó gan'amu, ala a tawo watla'aaká burna muxiiká'.»

YEREMIA 30:11 Iomraidhean Croise

2 SAMUELI 24:12

«Tláw, kaangwí ooeek dír Daudi ku beer, ‹AAKOÓ MUNGÚ gár i kaahi a tí, muruú tám ngwa dirógií haniís, kuúng gár wák tsawaareek, daqaní aníng ngi tleéhh.› »

WARA'AMI 6:1

AAKOÓ MUNGÚ, án mi iigahhaataar ar buhhtaawók, ar buhhtaawoge án mi muxaar.

TI'INAANGW 34:7

Aníng sla'aarir'eé' ar warqawaaká an komkaakoóm ay nángw sagaáwa kumér kúm, aníng múk iringér koóm nee tlakweema nee dakumisuuwo un gurtlatláw. Ala heé tlakusmo u harafaaraaká tawa adór heé gana'amuú koóm, aníng li/oó tlakweemaá xwayliité un buú' dír na/ii'ín, nee na/aá nangw'ín tam ay nángw sagaáwa tám laqaá tsiyáhh.»

ISAYA 43:25

Anínguú kilá' an kudá' tlakweemaahúng gi hamtliít as aníng kilooeé'. Aníng tlakweemaahúng i baloó inslawaaká.

ISAYA 8:10

Áx ti kiloohúng hara'ayiinde' ala nuqo gaa wa bu'ká. Tam ado a qoomeesa'a, ala ar ya/aam i káhh. Asma Mungú i dinkwa nee atén.

YEREMIA 1:19

Inooín tan slaaqw nee kuúng, ala u baaliaaká, asma aníng nee kuúng a dinkwa as uwa ba/amis. Anuú AAKOÓ MUNGÚ tí ngina oó'.»

YEREMIA 1:8

Kuúng inooín mi da'ayumitaar, aníng a dinkwa nee kuúng as uwa ba/amis. Anuú AAKOÓ MUNGÚ tí ngina oó'.»

YEREMIA 10:24

Aá AAKOÓ MUNGÚ, aníng qwatsáng ar adór ganaa' ala ar buhhtawooká, as kahhó' mawa qwaár.

YEREMIA 15:20

Dír mukwihe, aníng kuúng un koo/ír gawit tleéhh ar taa tleéhh ar muqslír sirdaa/aat. Inooín kuúng un mak i slaqwarárí ayá', ala u baaliaaká. Asma aníng nee kuúng a dinkwa as uwa /iis nee uwa ba/amis. Anuú AAKOÓ MUNGÚ tí ngina oó'.

YEREMIA 4:27

AAKOÓ MUNGÚ i kaahi, «Yaamu sleémeero i xaanxay tleéhh, ala sleémeero i ak hhitiimaaká.

YEREMIA 5:10

Tlawsé', waaraahhé' ar baraá qamuuwós awa sabiíbu, umuú gaaro hhitimaak, ala ma ak faaka hhe'eesara'. Haleemiiwós na tsataak, asma awa AAKOÓ MUNGUHEEKÁ.

YEREMIA 5:18

«Ala tam adoorihe baraá deeloorí sleémeero aníng kuungá' nu ak hhaamisaaká. Anuú AAKOÓ MUNGÚ tí ngina oó'.

WA/AA/I 3:22

Sla'aarír warqawaaká ar AAKOÓ MUNGÚ i baloó fakká, gurtleemuuwós i baloó alhhe'eesoó konká.

ESEKIELI 11:13

Qoomár niwa aaririim, Pelatia garmoó Benaya iri kahhuút. Aníng niri yaamií huú', niri gurúr qaát, niri /aá/ ar afór ur niwa kah, «Aá Aakoó MUNGÚ, xáy, paanaywí oo múk Israeli aa meet aqo un tsuwa fáka?»

ESEKIELI 6:8

«Tam adoorihe aníng panaay u geexáw, bahh'ale tsaxwa ngi /ayiyá', kuká' tari diya/aat baraá yaamaá dimbadimbé.

HOSEA 11:9

Aníng buhhta i máw, múk Israeli u malé qwaareesár awaaká. Asma aníng a Mungú, aníng a heewooká. Aníng an kudá' hhoohhoó' baraá tla/angwhunge, aníng nu hhaamisár awaaká ar xarasleemaeé'.

TLAHHOÓ LAÁWI 26:44

ala baraá tisíng sleémeerowo qoomár inooín tawa baraá yaamaá wakuuser'ín i dirii'i, aníng i kwahhaaká, laqaá i aahhaaká, tam ngiri ló'wa hhaamiís, nee alqador'eé' ngiri kwaáhh. Asma aníng an AAKOÓ MUNGÚ, Munguúín.

Matayo 1:23

«Ga/aaweek, /amaatliito'o i tsít, na/oó garma gu xwayluúr, umuuwós kuri bay Imanueli.» gídaabárós, «Mungú i dinkwa nee atén.»

Matayo 28:20

Muruudá' sleémeero naa kuungií intsaahhatimís, dir'ínií intsaahhatisak ku oohi. Ga/aawaak aníng a dinkwa nee kuungá' deelo sleémeero ay alhhe'eesoó yaamu.»

Tlehhema'aá ya/Abuuse 18:10

Asma aníng nee kuúng a dinkwa. Heé kuúng u i haratláw nee u gaa laáq i kaahh, asma aníng muk'eé' ku yaariír baraá gixsarihe.»

DABE 4:31

Asma AAKOÓ MUNGÚ, Munguúhúng, an Munguú gurtleemuú koóm. Inós kuungá' nu si'iiká, nu hhaamisiiká, laqaá alqadoorós ga gunqaresiiká, tidá' aa lo'ór wa /aáy dír bariiserhúng.

2 Timoteo 4:22

Aako muunaáwók ngu de'en. Tsuuqa masók i dinkwa nee kuungá'.