YEREMIA 30:10 - Biblía Axweesantá Hhohho' ar Mungú 2004

¹⁰ AAKOÓ MUNGÚ i kaahi, «Kuungá' ma da'ayumitaara' kuungaásingá' tlahhoó Yakobo awa sagadiyuuser'eé', kuungá' Israeli, ma amoqwaqwadimara'. Asma aníng kuungá' nu amór saáwá ba/amís, nee na/iihúng ngi ba/amís baraá yaamaá ki loohatisi. Kuungá' múk Yakobo ni watlá' tari hotá' ar wayda. Heé kuungá' nu dae tsaát i kaahh tamu wák.»

YEREMIA 30:10 Iomraidhean Croise

IIMU/UUNGW 15:1

Alaá kaangwihe Abramu axweesantá AAKOÓ MUNGÚ gari axaás ar baraá iigu'utu, i kat, «Abrámu, ma da'ayumiitaar, aníng a baqmoórók. Slaasláwarók ka ló'wa ur.»

ISAYA 14:3

Bál anuú AAKOÓ MUNGÚ kuungaá múk Israeli barna amohhooárí haniís baraá slahh'amuuhunge, nee baraá tlaahhiro nee lawaali'iimár gawit ar taa /agi'i,

ISAYA 35:9

Baraadae diraangw i kaahh, tam makiito'ór xaraasl i baraadár waarahhká, makaá adoorí baraadae ki baloó ariiká, ala loohidá' múk gar ohiím a har mukdá' taa ba/amís kilooín.

ISAYA 43:5

Ma da'ayumitaara', asma aníng a dinkwa nee kuungá'. Aníng xwaylarhúng ngi da/aáw wa ki/ís. Aníng kuungá' nu burumbuúr bihhaá /uwaá wa ale.

ISAYA 44:1

Ala daxta kuungaá múk Yakobo iia qaasaak, sagadiyuuser'eé', múk Israeli kudá' naa tsawaár.

ISAYA 44:2

AAKOÓ MUNGÚ kudá' kuungá' naa tleehh, kudá' kuungá' naa buqumbuqun baraá guruú aayooro nee kudá' nu alee/iís, i kaahi, «Ma da'ayumitaara', kuungaá múk Yakobo, sagadiyuuser'eé', Yeshuruni kudá' aníng naa tsawaár.

ISAYA 46:11

Aníng deelaqaasi an iimír da/aáwí ateét. Heé sufueé' gu xuú' un amór yaamaá saáwá huúw. Tí aníng aga oó' nee an boo/eés, tidá' naa qoomeés aqo an tleéhh.

ISAYA 46:13

Deelór nuwa ba/amis ngi tseeweés. Ka saweeká. Deelór nuwa ba/amis i tligká. Gixsár Siyoni an ba/amís as múk Israeli kuduú xirfuueé'.»

ISAYA 49:12

Ga/aawaak, muk'eé' ngu amór saáw wa ki/ís, bihhaá /iya nee /uwaawo, nee amór yaamaá Sinimuwo.

ISAYA 49:25

Looeemaawo AAKOÓ MUNGÚ i kaahi, «Tam haasaánguú heé migusmo ku hayoh tam haasaánguú heé xaraásl kuqo hayoh. Asma mukdá' nee kuúng ti tlampa'aamisá' nee aníng ti tlampa'aasaán, nee aníng na/iiwók i ba/amís.

ISAYA 54:4

Ma da'ayumitaar ti mureekesiiká, ma amoqwaqwadimaar ti male waaqaaiiká, asma mureekesayduú masoombi'iimarók u gunqaarés, tam /oosliislíngw tawa kwaalo'o u baloó insleeraaká.

YEREMIA 23:3

Naagáy aníng bee/angw'eé' kudá' aa meet un burumbuúr baraá yaamu sleémeerowo, amoodá' ngway diyaá/, ngiri ki/ís baraá qawtanti'ín. Inooín niri laqwaaliyá', niri dooginá'.

YEREMIA 23:4

Aníng de'eemuusér hatlá' ar gi amohhe'eemiis an sláw, inooín niri malé da'ayumitiaaká, laqaá niri malé amoqwaqwadina'aaká, nee tam ar wák i qwatká.» Anuú AAKOÓ MUNGÚ tí ngina oó'.

YEREMIA 23:6

Qoomár waawuti'iimarose múk Yuda ku ba/amis, nee múk Israeli i saxareemár hoot. Inós umuuwós ku bay, ‹AAKOÓ MUNGÚ an gan'amuurén.›

YEREMIA 23:8

Ala inooín bar lo'o ka /aay tan ooi, ‹Adoodár AAKOÓ MUNGÚ ir hotaatin, kudá' múk Israeli ngwa /iikú wá duux, nee gwa baraá yaamu sleémeeró wá geerahaar, amoodá' aáng ngay diyaá/. Aluuwo inooín tari baraá yaamuuín wa hoot.› »

YEREMIA 29:11

Asma anuú AAKOÓ MUNGÚ a xuú' gár ni kuungá' i qoomeemeés i deer. Gár nuy qoomeemeés a wayda, ala a amotlakweerooká, kuungá' masók harahhifo a sleerá' aluuwo.

YEREMIA 29:14

Aníng kuungá' i sleerá'. Aníng diihhooarhúng ngi ki/ís, nee nuri burumbuúr baraá xoordu sleémeerowo, nee umuú diiro amoodá' nay diyaá/. Nuri ki/ís amoodá' nay diyaa/i, amoodár yaamaá nuy loohatís. Anuú AAKOÓ MUNGÚ tí ngina oó'.›

YEREMIA 3:18

De'emaadae múk Yuda nee oo Israeli ti haragwaa', sleémeero niri yaamuudaá bihhaá /iíkwí tlayá', niri hardihiyá' baraá yaamuudá' aníng naa aalír wa haniís dír baabi'ii'ín.»

YEREMIA 30:3

Asma ga/aaweek, deelo i hardát ar muk'eé' oo Israeli nee oo Yuda nguwa diihhooár i ki/is. Aníng inooín in ki/ís baraá yaamuudá' naa taati'ii'ín i haniís, nee inooín ngiri aaliyá'. Anuú AAKOÓ MUNGÚ tí ngina oó'.»

YEREMIA 30:7

Tsaxwa, deelór slahh'amaaye i hi'ít, deelór ta adór tír qoomeesi i káhh, an qoomár slahh'amuú yaariír dír muk'eé' oo Yakobowo. Tam adoorihe inooín baraadae ki ba/amis.

YEREMIA 33:16

Deeloodae yaamaá Yuda ki ba/amis, nee awa Yerusalemu i hootiyá' ar saxareema. Gixsarí umuuwós kuri bay, ‹AAKOÓ MUNGÚ an gan'amuurén.›

ESEKIELI 16:52

Kiíng murér tlakweemaawók an kilók gagát. Tlakweemaawók ki ak ló'wa tlaakw ta awa hhaeewók awa dasuuwo, sleeme an lak ooaan kwaáo hhaeewók awa dasu tlakweemaá ta kon i kahhiyá', nee laqaá tam dakuúsar'ín, bar an kiíng ar qoomeesaán. Gimáy daxta, muruút nee waaqa'amawók ooheek, asma adoorihe gár i laqaqaan a hhaeewók kwisíng in tlakweemaá kon'aaká.»

ESEKIELI 38:11

‹Aníng a slaqwarár áw amór yaamuudá' koo/ír kooma'aaká, yaamuuká' muk'ín in waydúr hoot. Inooín sleémeero dír ta hooti a baraá gixsadaá koo/ír kooma'aaká nee awa afer'ín taa tsegitiiká ar gadaádár peehhír afkú do' tsegit.

DANIELI 12:1

«Qoomaarihe Mikaeli, malaykamoó úr kuduú xuumusmoó mukók ni hardah. Qoomaadae slahh'amuú ló'wa yaariír i iimu/ún baraá yaamuwo oo aa baloó deerutiiká iimír xoordu niwa iimu/uné'. Ala qoomaarihe baraá mukoge, mukdá' taa ume gooín baraá kitaábuú slafiingw ku ba/amis.

HOSEA 2:18

Qoomaadae al'axweesani ngiri oó' nee makaá sla/a nee tsir/ór gawaá doori, slám nee naanagár baraá hhape, as miwa slahh'eesiyé', ga/ale nee paánga ngay geeqáw nee xoslaá hatlá' awa slaqwara ngiri hingeés baraá yaamuwo. Aníng kuungá' nuri tsuúq, tari hotá' ar wayda.

HOSEA 2:20

I sa'axweés ar inkihhimu, kiíng AAKOÓ MUNGÚ kuri xú'.»

HOSEA 6:11

Kuungaá múk Yuda, qoomár bu'uungw aga qoomeés, qoomár bar muk'eé' kudá' taa tsegiít ngwaa ki/ís.

Yoeli 2:21

«Qámu, kuungá' ma da'ayumitaara', qwalaala/é' nee baraa/é', asma AAKOÓ MUNGÚ muruú urén gwaa tleéhh.

MIKA 4:9

Waáy, kiíng ma har tsimaahhús? Ahaá, waawutmoowók i káhhi? Hara'ayusmoowók aa qwaári? Nee slahh'amaaye iga óti adór slahh'amaayér asltá xwayla?

SEKARIA 3:10

Umuú heewo dirhunge inslaawmoowós gun iigu'uus iwa hardihi dír gamuú xa'anoowós oo sabiíbu nee oo /aantsihe as wayda kuwa saqwalaala/i nee amohhooa.› Anuú AAKOÓ MUNGÚ tí ngina oó'.»

Yohana 12:15

«Múk gixsár Siyoni, ma da'ayumiitaara', Qaytsité', waawutmoohúng naa hardáh, aa tsa/án gawaá daanduú gwarendmoó daqwaay.»