YEREMIA 3:9 - Biblía Axweesantá Hhohho' ar Mungú 2004

⁹ Tsaatu'uuma dir'ine a gár ta hhasliitiiká, yaamu ngiri meetagaasiyé', tsaatu'uuma ngina tleehhiyé' tlaa/e nee xaai ngiwa haratlintati'iya'.

YEREMIA 3:9 Iomraidhean Croise

ISAYA 57:3

Ala kuungaá diirií tseewuwaare', kuungaásaá na/aá da/aluuso'o, xwaylár fuquso'o nee tsaatuso'o.

ISAYA 57:6

Tlaa/aá natsatsaa'á' ina tsawdité' baraá xatsoó wa ale. Tlaa/eeká tari muruú slahhaá' baraá lohduuhunge. Ilahhooár wahaangw una tsipipi'iimisé' nee oo balaango. Xáy muruuwí aníng iqo sla'atísi?

YEREMIA 10:8

Inooín sleémeero ki iimibo/ nee a daktana, asma slaqsi'iidá' a xaa'aá tawo.

YEREMIA 16:18

Aníng li/oó dakumisuuín nee oo tlakweemaine un buú' sagaáwa tsár, asma yaamu nga meeta gaasiyé' ar tuaá munguii'ín kudá' naa aáhh, yaamuueé' ngaa dalaa/iyé' muruuín kudá' ni waka.»

YEREMIA 2:27

Kuká' an kudá' xa'anoó babaawá', «Kuúng a baabuúeé',» nee tlaa/anoó, babawá', «Kuúng atén tina laqwál.» Ala inooín intlerhhuuín ngwa amor'eé' xu'usiyé' nee gitsee/er'ín nga amor'eé' xu'usi'iiká. Ala qoomár slahh'amaayeero i kaahiya', «Tlawáng ti /is.»

YEREMIA 2:7

Aníng kuungá' nuri huúw baraá yaamaá hhooa, as mamaá yaamuudá' kiwa /aga' nee tawa hota' ar diihhooa. Ala tawa hardaté' yaamuudá' ina hhitiindé', nee aalir'eé' kari slasla/aresé'.

YEREMIA 3:2

Axáy ilaawoge sagér tlom'i xuxueek. Dii a diimá ar kuungá' nee inooín tawa alqati'iiká? Mulqeerók ana daamaraán bihhaá loohír wa aleeró adór Ma/araábuduú baraá xaanxaay. Yaamu iga meetagasé' ar tsaatu'uumarhúng tidá' slasla/aruuwo aa harwaarahh.

ESEKIELI 16:17

Tlaa/eedá' hhohho' awa sahaábu nee awa peésa kudá' naa dirók i haniís, ina ar tleér kiri slaqsa'aá hhawaate tléhh as tawa fuqusa' nee inooín.

ESEKIELI 23:10

Mukwí inós gana tlaba' duúx, gari /aankweetsií geexáy. Na/iiwós kina ohín, nee inósár kilá' kari gaás ar paánga. Sakwasleemár aa sleér tari intsaahhasa dír /ameenár hatlae.

ESEKIELI 23:21

«Oholiba slasla/aruuwók una slá', kudá' kiíng tawa /amaatliito'o qoomár iwa baraá yaamá Misri, qoomaadá' múk Misri nee kiíng tawa alqaté', iseemiwós kudá' ninakw kiri kwatmiít.

ESEKIELI 23:3

Qoomár inooín tawa dasuú /amaatliite tawa yaamaá Misrír hooti, inooín tana fquús, asma tana ya/án iseemaaín kiwa kwatmiiti nee daaqaay, nee kiwa harneeti inooín niri sli'imuuse tleehhitiyé'.

HOSEA 2:2

Aayorhúng harhheehhe'eesaak, asma inós a harer'eeneeká nee aníng sleeme a hhawaatuuwoseeká. Harhheehhe'eesaak tsaatu'uumarós ngi meer, aníng mawa ga/aw, nee iseemaawós mingiwa ilatleerí múkár tleemís.

HOSEA 4:12

Muk'eé' i gurbu'utá firiirín dír xa'ano. Inooín kin geeraharahaar nee iigu'utuú hhara, asma inslawoó fuqi inooín gaa qwaareés, Munguúín nguri mayé' nay fuqtá ayé'.

Yoeli 1:19

Aá AAKOÓ MUNGÚ, án kuúng un i /aa/amiím, asma asla gitsór baraá darma gaa /ák, nee tsángw asla xaai sleémeero awa baraá qamu gaa faák.

HABAKUKI 2:19

Tsaxwaawós heedaadá' xa'anoó babáw, ‹Tlawáng›, laqaá kudá' tlaa/ár afaa wasl ga babáw, ‹Sihhiitáng›. Xay, muruusíng kuúng u intsaahhatísi? Qaytsiít, kwaa sliík ar sahaábu nee ar muqslár peésa, ala i hiinsluú kon'aaká baraaine.»

Matayo 5:32

Ala án a kah, hee bar hareerós gaa guús, ala as tlehhemuú fuqtooká, /ameenidá' aa fuqús as hhawaatuudá'. Nee heé /ameenidá' taa guús gaa duux, heedaádá' sleeme aa fuquús.»