YEREMIA 3:8 - Biblía Axweesantá Hhohho' ar Mungú 2004

⁸ Múk Yuda fuqtá múk Israeli kudá' inkihhimu wásl gana ga/aa/áy, inooínaadá' aníng naa sií'. Ala hhaeekaá lamuuse awa Yuda naa da'ayuti'iiká, nina tlayé' niri fuqtá ayé'.

YEREMIA 3:8 Iomraidhean Croise

2 QOM'I 21:11

Dinkwa nee tihe inós wa/angwduú gawaá gongoama' kudá' munguaá hatlá' kiwa sluufmiisi guna tleéhh gawaá tlom'aá Yuda, múk Yerusalemu guri inkihhimu wasleerár áy, nee múk Yuda guri qwaareés.

ISAYA 50:1

AAKOÓ MUNGÚ i kaahi, «Slaambare/idá' aayorhúng aníng ngiwa talaákár i haniís i amá? Laqaá aníng kuungá' heé nuy weeriís a heemá oo aníng i iinuús? Ga/aawaak, kuungá' tunduna weeriís as tlakweemaahúng. Aayorhúng kinga guús as dakuúsarhúng.

YEREMIA 2:19

Tlakweemahúng awa kilá' kuungá' nu muxiyá', nee kuungá' lo'o nu eér as aníng iwa geexeeré'. Gimsé' xuaak, ka ló'wa tlaakw nee a gár slahh'eemiis, anuú AAKOÓ MUNGÚ, Munguúhúng, bira geexeeré', nee ilaiwa/amer'eé' bara hingesé' baraá muunerhunge. Anuú Aakoó MUNGÚ Aleesleemusmo tí ngina oó'.

YEREMIA 3:1

Barnaxes hee hareerós gaa talaákárií haniís, inós guri geexeér, hhawaatuú hatlá' gari duúx, iqo kí/a dír heedaaduú geera? Yaamu kiqo ló'wa meetagaasiikáhe nee tlehhmuusíng? Kuungá' tsaatu'uumár yaariir aga tlehhé' nee mulqér yaariir, hám daxta niqo tsuwá amor'eénií ki/á'a?

YEREMIA 33:24

«Xáy kuúng aga axaskáhe mukwí iwa kaahi, ‹AAKOÓ MUNGÚ marayká' tsár aa tsawaár gaa sií'.› Inooín muk'eé' nguna waaqaaiyé', dir'ine tari xoororooká.

YEREMIA 5:7

Xáy, tlakweemaahúng adór ngir gurtlaw? Mukók aníng iga sií' nee lo'o ngiri /ayiyé' ar munguaá lama. Qoomár inooín ngiwa /aymiís niri aaxiyé', nina baraá fúqtí tlayé', baraá maraá tsaatuuse ngiri dalaa/iyé'.

ESEKIELI 16:46

«Hho'oorók ar ur a Samaria, tidár bihhaá /iya, dinkwa nee hhaeewók. Hho'oorók ar niina a Sodoma, tidá' bihhaá basa, dinkwa nee dasuwós.

ESEKIELI 16:47

Kiíng naa dír lohduuín ngaa harki/ká eeharahaduwo, laqaá naa qoomoó slasla/aruín harki/ká. Har afiqoomár niinawe kiíng ana ló'wa hhiturút ta ak inooine baraá tlehhmi'iiwók sleémeero.

ESEKIELI 16:51

«Ala Samaria tam tlaqtá tlakweemaá adór kók gaa tlehhká. Kiíng muruú yaariír oo buhhtamís ugwa tléhh ta inooine. Barnaxes tlakweemaawós in alqoomeemesa nee awa hhaeewók, tlakweemaaín a gaarooká ta koge.

ESEKIELI 23:44

Umuú heewo gana i daqáy adór hhawaataá doó /ameenír sli'imuso'ór kakawá'. Adoorí an adoodá' taa tleéhh dír Ohola nee Oholiba, /ameenadár tsaatuuse.

ESEKIELI 23:9

Gawaá adoorihe aníng inós ngiri haniís dabaá sla'aaruuseerós tidár Ashuru, tidá' inós aa ló'wa slá'.

HOSEA 3:4

Asma múk Israeli deelór yaariire i waawutmoó kon'aaká, laqaá heé úr, laqaá ilahhooár muruú ta tsu/i, laqaá /aampa, laqaá naifeéra laqaá tam slaqsa'aá munguii'ín.

DABE 24:1

«Barnaxes hhawaata /ameeni gaa duúx, aluuwo gari sií', asma gár muunaáwose i slaiiká gaa tléhh, naagáy gari talaákárí haniís, gari guús dír do'ose, aluuwo /ameenidá' iri diyaa/át,

DABE 24:3

hhawaatuuduú tsár birnga duúx, aluuwo gari talaákárí haniís, gari guus dír do'ose, laqaá barnaxes hhawaatuuduú tsár gaa duux aa gwaá',