YEREMIA 3:6 - Biblía Axweesantá Hhohho' ar Mungú 2004

⁶ Qoomár waawuti'iimár waawutmo Yosia AAKOÓ MUNGÚ aníng ina báy, «Xáy aga aándi adoodá' múk Israeli kudá' inkihhimu wásl aa tleéhh? Ina geexayé' niri tsa/ané' gawaá umuúqo ságw tloomaro nee umuúqo dír gamuú xa'anoó loo/o naa/e as tsaatu'uuma ngiwa tleehhiya'.

YEREMIA 3:6 Iomraidhean Croise

1 WAAWITÁ 14:23

Inooín sleeme kiteeraá ilahhooa kawa hanmiis kina tleéhh gawaá gongoama', nee uheemiwo, nee slaqsa'aá munguaá ta bay Ashera ngina tleehhiyé' gawaá gongoama' nee baraá gam'ér umuúqo xa'anoó loo/o naa/a.

2 QOM'I 34:1

Waawutmo Yosia waawuti'iimár Yuda ngiwa iimu/ún kureeriiwós a dakaát, ina waawuti'ín baraá Yerusalemúr wa alé, kureeri mibeeri tám nee wak.

WARA'AMI 106:39

Gawaá adoorihe nari daba' tlakweemiisiyé' as tlehhmi'ii'ín, inooín naa inkihhimu wasleesiyé' dír Munguhe nari fuquusiyé'.

ISAYA 57:3

Ala kuungaá diirií tseewuwaare', kuungaásaá na/aá da/aluuso'o, xwaylár fuquso'o nee tsaatuso'o.

ISAYA 57:7

Kuungá' qateenoohúng iga hhafé' gawaá sagér tlom'aá tlet. Ilahhooár muruú ta tsu/i kari amoodá' i haniisár eeré'.

YEREMIA 1:2

Yeremia axweesantá AAKOÓ MUNGÚ ngiwa axaás, Yosia garmoó Amoni, waawutmoó Yuda qoomaadae kureeri ngaa /aáy a mibaá nee tám baraá waawuti'iimaro.

YEREMIA 11:10

Inooín tlehhmi'idá' tlakw awa baabi'ii'ín ngina i ki/iyé' tlehhtuuwo, kudá' axweesante'eé' nga si'iye' eeharto. Inooín munguaá hatlá' ngina harahhifiyé' nee ngina sagadiyusiyé'. Múk Israeli nee oo Yuda alqadoodá' aníng naa oó' dír baabi'ii'ín ngaa geexayé'.»

YEREMIA 17:2

Qoomár muk'ín bar kiteeri'ín kudaá ilahhooa gi inslasláy, nee munguúín kuduú /ameeni ta bay Ashera, kudá' taa qaás dír umuúqo xa'anoó naa/a, nee gawaá gongoama',

YEREMIA 3:8

Múk Yuda fuqtá múk Israeli kudá' inkihhimu wásl gana ga/aa/áy, inooínaadá' aníng naa sií'. Ala hhaeekaá lamuuse awa Yuda naa da'ayuti'iiká, nina tlayé' niri fuqtá ayé'.

YEREMIA 31:22

Ta baabaqaamamisa' ay xaylá, kuungaákaá inkihhimu wasl? Asma aníng gár dimbé, ar /aben daanduú yaamuwo aga tleéhh, ‹/Ameeni hhawaata gu xuún.› »

YEREMIA 5:11

Asma múk Israeli nee oo Yuda naa ló'wa inkihhimu wasleesiyé' dir'eene. Anuú AAKOÓ MUNGÚ tí ngina oó'.

YEREMIA 7:24

Ala inooín aníng iga ilaiwa/i'iiká laqaá axweesante'eé' nga iiárií qaasi'iiká. Inooín nina hootiyé' ar adoodá' sager'ine i slaiya', nee muner'ín tidá' gawden ngina eehariyé', inooín nina alií ki/iyé' kitángw tawa geerií kumiiti hhooeema tlehhtuwo.

ESEKIELI 16:31

Dír iimu/úngw umuúqo loohiro nee /aantani ana tléhh, nee wa/aamér munguaá hatlá' kiwa ilahhooárí hanmis baraá umuúqo gixsaro. Ala sli'imarók nar tsaatuusér ta bu'uun ti slay'aaká, asma kiíng peésár muu a ohiindaaká.

ESEKIELI 16:35

«Hám daxta kiíngasír tsaatuso'o, axweesante'eé' iiárií qaaseek, Anuú AAKOÓ MUNGÚ.

ESEKIELI 20:28

Asma qoomár ngiwa huúw baraá yaamuudá' naa inooín i alqadiím ngiwa haniis, umuúqo tloomár tleere ngiwa ariyé', laqaá xa'anoó loo/ór naa/ koóm, inooín nguna ilahhooárií gaasiyé' as aníng iwa hayloórí leehhiya', amooqaáqae ta ilahhooár mooyángw tsuú' hanmiis nee ar tsipipi'iimisuuwo.

ESEKIELI 23:11

«Hho'oorós Oholiba adoorí gana aán, ala inós ina ak harwaaráhh tlehhma'aá fuqto, tlehhmi'iiwós ki ak tlakw ta awa hho'oorós Oholaro.

ESEKIELI 23:4

Dasír ur ka bay Ohola, nee ar niina ka bay Oholiba. Naagáy sleémeero nay kwe'eé' tleehhitiyé', na/iieé' awa daaqaay nee awa dasuuwo ngiri laqwaaliyé'. Ohola a gixsár Samaria nee Oholiba a gixár Yerusalemu.

HOSEA 11:7

Muk'eé' aa maariít iga si'iyé', handá' ki ateetín tawa ki/i amór Kuduú Gawa, tam heé wák i kaahh oo inós gu xirfayeemiís.

HOSEA 4:13

Inooín ilahhooár muruú ta tsu/i kan gawaá tlom'ií wá hanmaamiis. Nee ilahhooár da/a/aangw kan gawaá sagér tlom'ií wa hanmiis, baraá guruú xaa'aá ti'ita nee oo ta bay libúa nee ta/eewiro, asma mahhtirós ka hhoohhoo'. An gár dasuuhúng is fuquusi, nee /ameenár taa duxuút is duuxór gaamis as iwa tsee/aá wá hi'iimit.

HAR'OHUUSE 2:17

Ala inooín har'ohuuseerí nga iiárií qaasi'iiká. Asma Mungú nguna geexayé', nee munguaá hatlá' ngay sluufmisuú aa'ayé'. Inooín nina warqayé' ar gaanslaay, lohdaá baabi'ii'ín naa eehariyé', ngiri mayé'. Baabi'ii'ín AAKOÓ MUNGÚ nguna ilaiwawa/iyé', ala inooín adoorí nga tleehhi'iiká.