YEREMIA 3:25 - Biblía Axweesantá Hhohho' ar Mungú 2004

²⁵ Gimsé' atén gár tiwa hariím an yaamií qaataán as mureerén, nee masók mureekesayrén ti tuuntuuk, asma tlakweema iga tleehhaán dír AAKOÓ MUNGÚ, Munguúrene, atén nee xwayliteérene. Iimír masoombi'iimarén wa tleemu ay laarí atén afór AAKOÓ MUNGÚ, Munguúrén, aga iialooeesaniiká.»

YEREMIA 3:25 Iomraidhean Croise

WARA'AMI 106:6

Atén nee xwayliiteérene tlakweema iga tleehhaán, iringeé aga tleehhaán, atén aga dakuusaán.

WARA'AMI 106:7

Taati'iirén qoomár iwa baraá Misri, waa/oo/amoodá' Mungú aa tlehhiít kaa gaárí xuiiká. Yaareemaá sla'aarirók ar warqawaaká ngaa inslay'iiká. Ala Munguúdá' úr ngway aahhiyé' tawa afaá tlawtá Shamu dirii'i.

WARA'AMI 109:29

Wakuuser'eé' ka tsi'isi, mure ngi tsiitiye' adór tlawú wa ale.

AXWEESANOÓ SAGALOOA 13:18

Heé intsaahhatisa ga sla'aaká kun oh nee narakw nee waasla'amu, Ala heé gurbu'uungw gu alqaytsimiít ku ilaiwawaa/.

AXWEESANOÓ SAGALOOA 5:13

Afór mukdá' aníng iga intsaahhatimis masa iialoeesiiká, tam kudá' aníng iga iia' /utliye' isa iiárií qaasiiká.

ISAYA 48:8

Kuungá' kaangwí ugwa axasi'iiká, sleeme ugwa xui'iiká. Iimír iimu/uungo iaahúng i xaaxay'aaká, asma aníng a xuú' adór kuungá' tara naagisé' al/aymaaro, nee iimír xwaylarhunge tunduna báy, dee/anuuse.

ISAYA 50:11

Ga/aawaak, kuungá' sleémeero awa asltá oohamiisá', awa tsaa'aaso ngaa oohiye', gimsé' hi'iimité' ar gwa/aateemaá asltahúng, nee ar tsaa'asorhúng tisíng taa oohisé' Aníng kuungá' gár nuy tleehh a tí, kuungá' tundu yaamií hhaaf ar slahh'ama.

YEREMIA 11:13

Múk Yuda, munguiihúng ki yaariir adór gixsaduhúng. Nee kiteeraá ilahhooarhúng ki yaariir adór lohdaá Yerusalemu, kudá' taa tlehhé' as mureekesayduú Ba'ali kuwa ilahhooár mooyángw tsuúií da/a/aanda'.

YEREMIA 12:13

Muk'eé' angaáno nguna dahaasiyé', ala gár naa buiyé' a slaamboqáy. Inooín ilakaaharu nguna mak tleehhiyé', ala aqo tawo. Asma buhhtaeé' kudá' xaraasla'a bu'úngw taa sláy a mure.»

YEREMIA 14:20

Aá AAKOÓ MUNGÚ, tlakweemaarén nga ooaán, nee tlakweemaá baabi'iirén ngina ooaán, asma atén kuúng ugwa tlakweemií tleehhaán.

YEREMIA 14:7

Muk'eé' iga i /aá/ tawa kaahi, «Tam tlakweemaarén i lamaabu'uná' daandeemorene, AAKOÓ MUNGÚ atén kuúng ti alee/is as kuúng kilók, dee/aanurén ku úr, atén kuúng ugwa tlakweemáy tleehhaán.

YEREMIA 2:17

Kuungá' múk Israeli tí ana kiloohúng leelehhité'. Aníng ina geexeeré', anuú AAKOÓ MUNGÚ, Munguúhúng kudá' naa geerahaar baraá loohiro.

YEREMIA 2:19

Tlakweemahúng awa kilá' kuungá' nu muxiyá', nee kuungá' lo'o nu eér as aníng iwa geexeeré'. Gimsé' xuaak, ka ló'wa tlaakw nee a gár slahh'eemiis, anuú AAKOÓ MUNGÚ, Munguúhúng, bira geexeeré', nee ilaiwa/amer'eé' bara hingesé' baraá muunerhunge. Anuú Aakoó MUNGÚ Aleesleemusmo tí ngina oó'.

YEREMIA 2:2

«Tláw ay amór yaamuloouusér baraá Yerusalemu, ki beer, adoorí an tidá' AAKOÓ MUNGÚ i kaahi, ‹Aníng inkihhimuduú qoomár kuúng tawa masoomo un insláw, adoodá' ira slá' geerií aleeró adór múk ti duuxór wa slaá'. Ina eehát baraá xaanxaywo, baraá yaamuudá' taa dooslikahe.

YEREMIA 2:26

Adoodá' fisusmo burkwa óh ir murumaamiti, an adór múk Israeli tar muruuti. Inooín kilooín nee waawitaáine, nee geeraharuuser'ín, nee kaahamuuser'ín, nee aaruuser'ine.

YEREMIA 20:18

Ahaá waáy, aayor'eé' gár isa laqwál? Xáy, tina xwaylúyi, as slahh'amu nee gurhaami ngiwa slaw? Nee niwa hoot ar hotaá mure?

YEREMIA 22:21

AAKOÓ MUNGÚ ina axweés nee kuungá' qoomár tawa baraá diihhooa, ala kuungá' tari oé', «U iiárií qaasanaaká.» Adoorí an adoodá' tar hotaatinda' iimír tawa masoomba. Kuungá' afór AAKOÓ MUNGÚ aga iialooesi'iiká.

YEREMIA 3:13

Kuungá' tlakweésarhúng kilós na hhu'uu'umaak, tidá' anuú AAKOÓ MUNGÚ, Munguúhúng, iwa ahhé', nee munguaá hatlá' kiwa slaé' sluufmisuuwo dír umuúqo gamuú xa'anoó loo/o naa/e, nee afor'eé' kari iialooesi'iiká. Anuú AAKOÓ MUNGÚ tí ngina oó'.

YEREMIA 31:19

Asma alaá atén tawa dee/aanuutaán ana hhu'uu'umaán, alaá tiwa intsaahhatís ana gurhamuutaán, tari mureekesuutaán tari amoqwaaraán, mureekesoó iimír masoombi'iimarén tin alkomkaakón.›

YEREMIA 6:26

Tlabaá guniyadu dahasaak, muk'eé', nee ta gwangwara'amitá' baraá da/arár wa aleeró. Tsuunqumisé' ar /aa/aá uren, adór heé na/aywós oo wák aa gwaa'. Asma heedá' nu hhaamiís ni gaanslár hardah.

YEREMIA 7:19

AAKOÓ MUNGÚ i kaahi, «Mukwí heé i buhhtamiisi a anínge baré? Aasla'áy inooín ti kilooín slahh'eemisiyá' as amoqwaqwadingw'ín.»

YEREMIA 8:14

Xaysé', gár ta daamaramaan diirihe? Burumburiité' baraá gixsadaá koo/i gawden ta hhaamaán baraadá'. Asma AAKOÓ MUNGÚ, Munguúrén gaa qoomeés atén tawa hhaamaan. Ta ma'aá qarkwí haniís asma kuwa sadakusaán.

YEREMIA 9:18

Inooín ni gaanslár hardihiyé' tawa tsuunqumisi as atén, hhirhheeri baraá ilaarene ni baráy gororoxotiye', hhirhheeri ni baraá ilaarén wa ti'imitiye'.

WA/AA/I 5:16

Muruudá' aáng tira diidi'iimisaán aa faák, tsaxwaarén asma tlakweema iga tleehhaán.

WA/AA/I 5:7

Baabi'iirén tlakweema ngina tleehhiyé', hám inooín i kahhiyá', hamí atén an slahhahha'aán as dakuúsár inooín naa tleehhiyé'.

ESEKIELI 2:3

iwa báy, «Xáy kuúng heé, u ya/aáw amór múk Israeli, xoorodá' a múk aa dee/anuut, tidá' aníng iga ahh. Inooín aníng iga sadakumamisiyé' ay laarí, adoodá' aáng baabi'ii'ín naa tleehhiyé'.

ESEKIELI 36:32

Ala xuaak, adoorí a tleehhaaká as kuungá'. Anuú Aakoó MUNGÚ tí aga oó'. Múk Israeli gimsé', muruuté' nee ta amoqwaqwadiindá' asma tlehhmi'iihúng kudá' tlakw.

ESEKIELI 44:13

Inooín i male i tseewuy'aaká as iwa sagadiyusiya' adór kaahamuuse, laqaá xooslar'eé' tidá' hhohho' ngi malé kwatimitiaaká, laqaá tidá' ak ló'wa hhohho'. Ala inooín ki mureekees nee tlehhmi'ii'ín kudá' slasla/aren naa tlehhiitiyé'.

ESEKIELI 7:18

Inooín tlabaá guniyadu ngiri tsiitiyá', dae giri eér. Inooín niri muruutiyá' nee sager'ín sleémeero kari deeqw.

DANIELI 12:2

Múk yaariír kudá' aáng aa qaro qaatl, nin waaslee/, bahh'alé slafíngw alhhe'eesay wásl ngu slayá', nee bahh'alé mure nee waqaaqa' ngin slayá' ay alhhe'eesay wasle.

HOSEA 9:10

Aníng múk Israeli nguwa sláw, a adór sabiíbuú darma. Taati'iihúng ngiwa ár ki afhhamít adór mamaá /aantsí awa har geera. Ala tawa hardáh Ba'al-peori, tiri paraatliyé' dir'eene as Ba'ali nguwa sluufmisiya'. Aníng inooín ina aáhh adór Ba'alír ale, kudá' i slaiya'.

SEFANIA 1:17

Aníng muu ngun slahh'amaayér i huúw, bar ta hi'iimiit tay adór taampu, asma AAKOÓ MUNGÚ ngwa tlakweemaá i tleehhiyé', tseerduín kin adór teerír wá ku'uus, nee fu'unay'ín nay adór /o/odu tleehhitiyá'.

Rumi 6:21

Qoomaadaádae gár taa sleeré' a milá? Gár taa sleeré' a muruuwí hám ta sa murumitá'aáke. Ala alhhe'eesoó muruuwí a gwa'ara.

HAR'OHUUSE 2:2

nee kuungá' al'axweesani ma tleehhara' nee yaamuloouusér yaamuuká'. Kiteeri'ín awa ilahhooa kawa hanmiisi na fee/aak.› Ala afor'eé' kay axasi'iiká. Xáy, adoosíng gár kasa tlehhé' a milá?