YEREMIA 3:23 - Biblía Axweesantá Hhohho' ar Mungú 2004

²³ Looeemaawo taa kiloorén al/ayaán tawa munguaá hatlá' sluufmisuú awaán gawaá sagér tlom'i. Looeemaawo ba/amár múk Israeli amór ni dahh a amór AAKOÓ MUNGÚ, Munguúrén.

YEREMIA 3:23 Iomraidhean Croise

WARA'AMI 3:8

Ba/ama dír ni dahh a amór AAKOÓ MUNGÚ, tsuuqaawók masók i gawaá mukók.

WARA'AMI 62:7

Ba/ama nee xirfueé' amór i dahhiya' a amór Munguúeé'. Mungú an adór tlaa/ár aníng i baaq, nee un ii goów.

AXWEESANOÓ SAGALOOA 21:31

Faras kun amohhe'ees as slaqwara, ala baali ar AAKOÓ MUNGÚ.

ISAYA 10:20

Slám malé alé baraá deeloodae penoó aa meet oo múk Israeli, mukdá' niiná naa /uy oo doó Yakobo, inósuudá' gaa muux ngu harahhifiaaka, ala aqo AAKOÓ MUNGÚ, Kudá' Hhoohhoó' oo Israeli, ngun harahhifiyá' ar looeema.

ISAYA 12:2

Ga/aawaak, Mungú an ba/amar'eé', inós un harahhiíf, sleeme a da'ayumitaaká. Asma AAKOÓ MUNGÚ an /uuruueé' nee daa'angw'eé', inós an ba/amusmooeé'.»

ISAYA 43:11

Aníng kilooeé' an AAKOÓ MUNGÚ, ba/amusmoó hatlá' i kaahh aqo har án kilooeé'.

ISAYA 44:9

Muu sleémeero kudaá slaqsa'aá munguaá tlehhiít a gár tawo ló'wa ale, muruuwí ta saqwalaala/i gár ngiwa bui i káhh. Mukdaáduú munguiiká lamabu'uumá' inooín a taampu nee gár i xuiya' i káhh. Inooín ki mureekees.

ISAYA 45:15

Aá Munguú Israeli, ba/amusmo, looeemaawo kuúng a Mungú, ilaawo tu ar'aa'ariiká.

ISAYA 45:17

Ala AAKOÓ MUNGÚ xoorór Israeli ga ba/amis ar ba/amár alhhe'eesay wasl. Kuungá' tundu murekesiiká nee tundu amoqwaaresiiká ay kureeraá kureér.

ISAYA 45:20

Kuungaásingá' xoorór aa met, dinkwaárií burumburiité', hardahaaré' daqaní ni tseewurá'. Mukdaáduú murslaaqatuú gufteeraá loohiís i xu'utír konká, nee tan munguú hatlá' firiirín kudá' ba/amisaro gi aleeslawaaká.

ISAYA 63:1

«Heewí a heemá oo Edomúr daáhh? Kwí Bosrár daáhh oo tlabaawós tseere aa leér. Heé tlabaá xirif ngaa dahaas a heemá? Kuqá' a heemá oo hi'iít ar /uuruwós oo yaariír?» «A anuú AAKOÓ MUNGÚ kudá' gan'amuú káh, kudá' aleesleemuú ba/ama gu koóm.»

ISAYA 63:16

Asma kuúng an baabuúrén, tam Abrahamu atén ti xuiikahe nee tam Israeli ti tsatsahhankahe. Kuúngú AAKOÓ MUNGÚ an baabuúrén, kuúng an gweerusmoorén, iimír aange umuuwók an kwí.

YEREMIA 14:8

Kuúng kilók an harahhifór múk Israeli, kuúng an ba/amusmoorén qoomár slahh'amaayero, ahaá, kuúng baré a adór dahaaymo baraá yaamuurene, a adór heé waaraáhh oo aa qaat xweeraá wake.

YEREMIA 17:14

AAKOÓ MUNGÚ án hungu/uusáng, daqaní aníng a hunguú/. Ba/amisáng, daqaní aníng a ba/ám, asma kuúng an xirfuueé'.

YEREMIA 17:2

Qoomár muk'ín bar kiteeri'ín kudaá ilahhooa gi inslasláy, nee munguúín kuduú /ameeni ta bay Ashera, kudá' taa qaás dír umuúqo xa'anoó naa/a, nee gawaá gongoama',

YEREMIA 3:6

Qoomár waawuti'iimár waawutmo Yosia AAKOÓ MUNGÚ aníng ina báy, «Xáy aga aándi adoodá' múk Israeli kudá' inkihhimu wásl aa tleéhh? Ina geexayé' niri tsa/ané' gawaá umuúqo ságw tloomaro nee umuúqo dír gamuú xa'anoó loo/o naa/e as tsaatu'uuma ngiwa tleehhiya'.

YEREMIA 31:7

Asma AAKOÓ MUNGÚ i kaahi, «Daaé' ar qwala/ as múk Yakobo, ururu'uumisé' asma xoorór ur, kaangwí ilahanisaak, baraa/é' tawa kata', ‹AAKOÓ MUNGÚ mukós gwa ba/amís, mukduú Israeli aa meet.›

ESEKIELI 20:28

Asma qoomár ngiwa huúw baraá yaamuudá' naa inooín i alqadiím ngiwa haniis, umuúqo tloomár tleere ngiwa ariyé', laqaá xa'anoó loo/ór naa/ koóm, inooín nguna ilahhooárií gaasiyé' as aníng iwa hayloórí leehhiya', amooqaáqae ta ilahhooár mooyángw tsuú' hanmiis nee ar tsipipi'iimisuuwo.

HOSEA 1:7

Ala múk Yuda u gurtláw. Aníng AAKOÓ MUNGÚ, Munguúín, in ba/amís. Slám i ba/amisaaká ar ga/ale, laqaá ar paánga, laqaá ar slaqwara, laqaá ar faras, laqaá ar múk faras ngwa i tsa/an.»

Yohana 4:22

Kuungá' oo ta sluufmisa' u xua'aaká. Ala atén Mungú ta sluufmisaan u xuaán. Asma ba/ama amór ni dahh a amór múk Yahudi.