YEREMIA 3:1 - Biblía Axweesantá Hhohho' ar Mungú 2004

¹ Barnaxes hee hareerós gaa talaákárií haniís, inós guri geexeér, hhawaatuú hatlá' gari duúx, iqo kí/a dír heedaaduú geera? Yaamu kiqo ló'wa meetagaasiikáhe nee tlehhmuusíng? Kuungá' tsaatu'uumár yaariir aga tlehhé' nee mulqér yaariir, hám daxta niqo tsuwá amor'eénií ki/á'a?

YEREMIA 3:1 Iomraidhean Croise

WARA'AMI 106:38

Tseerér múk dakuús wásl kana tawo ku'uús, tseerér daaqay'ín nee dasuuín, kudá' taa ilahhoár wa tsuú/ dír slaqsa'aá munguaá múk Kana'ani, yaamu kiri tsixitúr áy.

ISAYA 24:5

Yaamu kaa meetagaás nee mukdá' gi hoót, asma hara'ayár Mungú ngina hhitiné', nee kaahirós ngina si'iyé', nee alqadoodár alhhe'eesay wasl ngiri si'iyé'.

YEREMIA 2:20

Iimír aáng kuúng taqwantók aga geeqeér nee piíngu kuri kwáhh amór saaw, tari ó', «Aníng kuúng u sagadiyuusaaká.» Gawaá tlom'aá tlede nee umuú gamuú xa'anoó loo/o naa/e munguaá hatlá' ina ii xupaapú' adór tsaatuso'o.

YEREMIA 2:23

Xáy, adór hám tar o', «Aníng ti slasla/areeká, munguaá Ba'ali iga eehariiká.» Qaytsiít, tlakweemadá' taa tléhh baraá xatstaqá' wa aleeró, ga/aaweek adoodá' taa amorqá' wa tléhh. Kuúng a adór damár ar angamía buka ar /akuutár slaa', tidá' ti'iim amooqá' nee tiqae,

YEREMIA 2:7

Aníng kuungá' nuri huúw baraá yaamaá hhooa, as mamaá yaamuudá' kiwa /aga' nee tawa hota' ar diihhooa. Ala tawa hardaté' yaamuudá' ina hhitiindé', nee aalir'eé' kari slasla/aresé'.

YEREMIA 22:20

Kuungá' múk Yerusaleému, tsa/amé' gawaá Lebanoni, /aa/é', aforhunge tsee'é' amór Bashanír wa alé, /aa/é' amór tloomár Abarimu wa alé, asma sla'aaruuseerhúng sleémeero kaa hhaamiís.

YEREMIA 3:22

Ki/aaré' kuungá' na/aá inkihhimu wasl, aníng inkihhimu waslerhúng a huungu/uús. Kuungá' a kata', «Ga/aaweek atén naa ki/aán amoorók asma kuúng an AAKOÓ MUNGÚ, Munguúrén.

YEREMIA 3:9

Tsaatu'uuma dir'ine a gár ta hhasliitiiká, yaamu ngiri meetagaasiyé', tsaatu'uuma ngina tleehhiyé' tlaa/e nee xaai ngiwa haratlintati'iya'.

YEREMIA 31:22

Ta baabaqaamamisa' ay xaylá, kuungaákaá inkihhimu wasl? Asma aníng gár dimbé, ar /aben daanduú yaamuwo aga tleéhh, ‹/Ameeni hhawaata gu xuún.› »

YEREMIA 4:1

AAKOÓ MUNGÚ i kaahi, «Aá múk Israeli, kuungá' bar ki/imaá sla'á', amor'eé' ni ki/aaré'. Muruudá' aníng i buhhtamís dír ilaeene bur ugwa hingesé' nee bar kumita'aaká toonganuuwo.

YEREMIA 4:14

Kuungásingá' Yerusalemu, tlakweemaá baraá munerhúng hhohhoeesaak as tunduwa ba/amisi. Ay xaylá muruú tlákw ku aldakwaakuta' baraá munerhunge?

WA/AA/I 1:2

Inós xweeraawo in /aa/amaamiín as slahh'amu, hhirhheeri nin gororoxeeliná' gawaá tlaaqarmaawo, baraá tla/ángw sla'aaruuseerós sleémeero oo gaa gurkwa/as i kaahh tumu wák. Inós kaa al/aáy nee mulqeerós sleémeero, inooín naa wakuuseerós tleehhitiyé'.

ESEKIELI 16:26

Slám ana fuqús nee múk inslaawaywók oo Misri, kudá' naa hatsiye' ilatleeriro, tari ak naagís sli'imaaro, buhhtaaeé' kiri dúk.

ESEKIELI 16:30

«Anuú Aakoó MUNGÚ aa kah, Kiíng gár i gaamiis a hheehhár fuqi kilós. Asma fuqi ana i xupú' tam murér niiná a ara'aandaaká.

ESEKIELI 16:35

«Hám daxta kiíngasír tsaatuso'o, axweesante'eé' iiárií qaaseek, Anuú AAKOÓ MUNGÚ.

ESEKIELI 33:11

Mukwí baweek, ‹Adoodá' anuú Aakoó MUNGÚ nir hotaatima, gwa'arár heé tlaákw aníng a saqwalala/aaká, ala gár ni slaa' masók heé tlaákw tlehhma'aá tlakw gin máy, as iwa hooti. Tlakweemaahúng hhu'uu'umaak, nee muruudá' tlákw mawaak tlehhtuwo. Múk Israeli, ahaá waáy, mas qatlór slá'?›

HOSEA 1:2

Wa'aá geeraawo AAKOÓ MUNGÚ ina axweés dír múk Israeli ar afkú Hosea. AAKOÓ MUNGÚ Hosea guna báy, «Tláw, harér tsaatuso'o duuxeek, nee na/aá tsaatuuse kiwa sleer, asma ayaawí tsaatu'uumár yaariir gaa tleéhh ar AAKOÓ MUNGÚ kuwa geexáy.»

HOSEA 2:2

Aayorhúng harhheehhe'eesaak, asma inós a harer'eeneeká nee aníng sleeme a hhawaatuuwoseeká. Harhheehhe'eesaak tsaatu'uumarós ngi meer, aníng mawa ga/aw, nee iseemaawós mingiwa ilatleerí múkár tleemís.

MIKA 2:10

Quutlé', tlawsé', asma diirí a dír amohhooarhungeeká malé alé. Asma slasla/areemaahúng yaamuuká' ngaa qwaareesiyé', eeít, ar qwaareemisuú iló' ló'wa alé.

SEKARIA 1:3

Gimáy daxta ki beer, AAKOÓ MUNGÚ Aleesleemusmo i kaahi, ‹Amor'eé' ki/aare', aníng ni kií/ amorhúng.

Matayo 5:31

«Adoorí sleeme kaa oó', ‹Hee bar hareerós gaa guús, ngi talaákár i haniisi.›

DABE 22:21

inooín dasiidá' ka huwi ay dír afkú doó baabuúwós nee hhaawaataá baraá gixsadá' ngi tlaqutiye' ar tlaa/e ay dír i gwa', asma gár alsi'ím gaa tléhh baraá Israeliwo qoomár iwa doó baabuúwós i diri'. Adoorí an adoodá' tlakweema kir hingeesa' baraá tla/angwhunge.

HAR'OHUUSE 19:2

Aluudae /ameenirí iri kumít baraá fuqtá wa ale, heeduú tlahhoó Laáwi gway geexeér, iri wátl amór doó baabuúwós baraá Betilehemúr Yuda, iri amoodá' wa hót slahheeri tsiyahhe.