YEREMIA 29:25 - Biblía Axweesantá Hhohho' ar Mungú 2004

²⁵ AAKOÓ MUNGÚ Aleesleemusmo, Munguú Israeli, i kaahi, «Barwiito'o aga ya/áp ar umuuwók amór yaamuloousér Yerusalemu, nee dír kaahamusmo Sefania garmoó Ma'aseya, nee dír kaahamuusér Mungú sleémeero. Baraá barwiito'ooro gár ta gooín dír Sefania a tí,

YEREMIA 29:25 Iomraidhean Croise

2 WAAWITÁ 19:14

Waawutmo Hesekia barwito'o gana dír mukdá' taa ya/aáw wa sláy, gari soomuús. Ngiwa hhe'eés iri dáh baraá doó AAKOÓ MUNGÚ, gari qaás dír geeraá AAKOÓ MUNGÚ.

2 WAAWITÁ 19:9

Nee waawutmo ngiwa axaás adór Tirhaka waawutmo Kushi nir hi'iít iwa slaqwarár ay amoorós, inós muu guri malé ya/aáw amór Hesekia iwa kaahi,

2 QOM'I 32:17

Waawutmoó Ashuru sleeme barwito'o gana gooín ar AAKOÓ MUNGÚ, Munguú Israeli, nguwa /oosliislín iwa kaahi, «Adoodá' munguaá xoordaá hatlá' muk'ín ngura harslaaqatiyé' ba/amisaro gawaá dabaeene, an adór Munguú Hesekia mukós ba/amisaro ngur aleeslayká gawaá dabaaeene.»

NEHEMIA 6:17

Slám baraá deeloodae múk urén oo Yuda, Tobia kuna barwadaá yaariír i huwahuúw, nee awa Tobia ngiri slaslayé'.

NEHEMIA 6:19

Slám hhooeemaawós ngina dir'eéní aainé' nee axweesante'eé' ngina amoorósí ki/imaamisiyé'. Tobia sleeme aníng ina barwadaá dae tlaqúwí gooaaín.

NEHEMIA 6:5

Aluuwo Sanbalati lawaalmoowós nguna malé ya/aáw sagaáwa kooane, nee barwár taa tseegiiká ngin dákwár kón.

YEREMIA 29:1

Kaangwí an axweesanoó barwito'odá' Yeremia aa gooín amór Yerusalemúr wa alé dír bariise nee kaahamuusér Mungú, aaruuse nee dír muu sleémeero, kudá' waawutmo Nebukadnesa a yaamaá Yerusalemúr wa loohatís ay Babuloni.

YEREMIA 29:29

Kaahamusmo Sefania barwito'oodá' gana dír geeraá aarusmo Yeremia wa soomuús.

YEREMIA 37:3

Waawutmo Sedekia Yehukali garmoó Shelemia dinkwa nee kaahamusmo Sefania garmoó Ma'aseya gina ya/aáw amór aarusmo Yeremia nguwa baya', «Atén ti aleefiriin dír AAKOÓ MUNGÚ, Munguúrene.»

YEREMIA 52:24

Aluuwo Nebusaradani geeraharusmoó xuumuusér waawutmo, Seraya, kaahamusmoó úr oo Mungú, nee Sefania, alee/isusmoó kaahamusmo, dinkwa nee xuumuuse tám ar afkú do', giri ar tláy.

Tlehhema'aá ya/Abuuse 9:2

Barwadaá i huwi baraá gixsár Damasko, awa taa gooín amór maraá saaliingw, giri firín, as múk loohír Mungú gaa eehar oo aa sláy nguwa tsegiiti, nee nguwa huwi baraá Yerusalemu, ta hhawaate laqaá /ameena.