YEREMIA 29:21 - Biblía Axweesantá Hhohho' ar Mungú 2004

²¹ «Daanduú Ahabu garmoó Kolayawo, nee daanduú Sedekia garmoó Ma'aseya, kudá' kuungá' nu aaru'uumár lamtí kaahá' ar umuueé'. Anuú AAKOÓ MUNGÚ Aleesleemusmo, Munguú Israeli, inooín i haniís gawaá dabaá waawutmo Nebukadnesa oo Babuloni. Inós inooín gin tsuu/ dír ilaahúng wa alé.

YEREMIA 29:21 Iomraidhean Croise

YEREMIA 20:4

Asma AAKOÓ MUNGÚ i kaahi, ‹Qaytsiít aníng kuúnguú kilá' u de'eérí tleés, mulqeerók kari dae tláq. Inooín kin tsuu/ ar paánga, nee wakuuser'ín dír ilaawók wa alé. Múk Yuda sleémeero un haniís baraá dabaá waawutmoó Babuloni, inós bahh'ale gin loohatis ay Babuloni, nee bahh'ale gin tsuu/ ar paánga.

YEREMIA 20:6

Nee bartoge kuúng Pashuri, nee múk do'oge, tundu loohatis ay Babuloni. Tari qatlá', tunday amoodií foliit dinkwa nee mulqeerók tidá' taa aaru'uumár lámtií aaiín.› »

YEREMIA 23:14

Ala baraá aaruusér Yerusalemuro xisluú dae tlaáq ugwa ár. Inooín in fuquusiyá' nee i /aysenaá tlaaqiyá', mukdaádá' tlakweemaá tlehhiít ngun muunií qaminá', as adoorí heé tlakweemaá mamáw i kaahh. Inooín sleémeero dir'eene an adór múk Sodoma, yaamuloouuser'ín a múk tlákw adór múk Gomora.»

YEREMIA 29:15

«Asma kuungá' a kata', ‹AAKOÓ MUNGÚ aaruuseerén ngaa yaamaá Babulonír wa sláy.›

WA/AA/I 2:14

Aaruuserhúng gár daanduhunge aa aán, a iigu'utuú lama nee oo al/ayma. Tlakweemaahúng ngaa geehhoeesi'iiká, as kahhó' kiwa meera'. Ala aarír lama ngina kuungá' babayé', tidá' kuungá' nu qwaareemiis.

2 Petro 2:1

Ala tam qoomaadae sleeme aaruusér lama i deer baraá tla/ángw muko. Tam baraahunge sleeme intsaahhatuusér lama i hardát. Inooín intsaahhasár hhiita ngin dahaasiyá' ar baraá naaqo, tam Aakoodá' inooín gaa tlaaxw nguri sa tlaankiyá'. Gawaá adoorihe inooín tin baraá qwanáy harakeemisiyá' ar adoorí.