YEREMIA 29:18 - Biblía Axweesantá Hhohho' ar Mungú 2004

¹⁸ Aníng in aldáh ar slaqwara, nee giyeé nee tiqtír pu/i. Inooín ngiri adór gár ta waki tleéhh baraá waawuti'iima sleémeero ar yaamuwo. Inooín tari gár ta lu'umisi, nee gár waa/oo/amór huwahuuw nee gár ta waaqaaqai baraá xoordu sleémeero kudá' ngay guusi.

YEREMIA 29:18 Iomraidhean Croise

2 QOM'I 29:8

Gawaá adoorihe AAKOÓ MUNGÚ múk Yuda nee oo Yerusalemu guna i daa/atúy buhhtaawo, nee tidá' Mungú ngay tleéhh, muu guri kwisltís, nee sleémeero giri dae tsát, kiri niqimís. Tí sleémeero kuungá' aga aandé' ilaahunge.

WARA'AMI 44:11

Atén tina meér tawa adór bee/ángw ta tsu/utár ay. Tiri diyayaá/ baraá xoordaá hatlá'.

ISAYA 65:15

Mukdá' naa tsawaár umerhúng ganar lu'umis nee Aakoó MUNGÚ kuungá' nun tsuu/, ala sagadiyuuseerós gan umuú /abén i tsaat.

YEREMIA 15:4

Aníng inooín in gár dae tlaaq tleéhh dír waawuti'iima sleémeero ar daanduú yaamuwo, asma tlakweemaadá' Manase garmoó Hesekia aa tleéhh baraá Yerusalemuro, qoomár tawa waawutmoó Yuda.

YEREMIA 18:16

Yaamuuín nga yaamaá dae tlaaqá' tleehhiyé', ki niqín daqisleém. Umuúqo heewo oo aa baraadár waaraahhi in waa/oo/, saga guri muumukuus.

YEREMIA 19:8

Aníng gixsarí a dír de'e tlaaq tleéhh, nee gár ta waaqaseesen. Umuú heé waaraahha adoodá' birnga ár, iri da'ayuut nee gari waaqasén as slahh'amuudá' gaa slay.

YEREMIA 24:10

Aníng inooín in hhaamiís ar slaqwara, nee qwari nee tiqtír pu/i ay dír nay hhana' baraá yaamuudá' aníng naa haniís dir'ín nee dír baabi'ii'ín.› »

YEREMIA 24:9

Aníng inooín in gár dae tlaaq tleéhh baraá waawuti'iima sleémeero ar daanduú yaamuwo, inooín kiri niqín nee kiri waaqaqaa', nee kiri waaqaseesén nee kiri lu'umis umuúqo dír ngi loohatisi baraá yaamuwo.

YEREMIA 25:9

aníng daxta xoordu sleémeero awa /iikú dahhá', dinkwa nee sagadiyusmooeé' Nebukadnesa, waawutmoó Babuloni, ngin huúw as yaamuuká' ngiwa ii haraatlaya' nee múk baraakií dirií', dinkwa nee xoordaá inslaawaay sleémeero. Inooín aníng in hhaamiís ló'wa alé, nee ngiri gár dae tlaaq tleéhh, kiri waaniqín, nee kiri waaqaqaa' ay alhhe'eesay wasle.

YEREMIA 26:6

naagáy aníng do'owí un adór kuduú Shilór wa hhitiím, nee gixsarí an adór gixsár taa lu'ús tleéhh dír xoordu sleémeero awa daanduú yaamuwo.› »

YEREMIA 27:8

Ala barnaxes xooro laqaá waawuti'iima dabaawós gaa haniská dír Nebukadnesa waawutmoó Babuloni, inooín aníng i tsuú/ ar slaqwara, nee qwari, nee tiqtír pu/i, ay dír aníng inooín ngay hhaamiis ar dákw Nebukadnesa. Anuú AAKOÓ MUNGÚ tí ngina oó'.

YEREMIA 29:17

Anuú AAKOÓ MUNGÚ Aleesleemusmo a kah, ‹Qaytsité', aníng slaqwara an huúw, nee qwari, nee tiqtír pu/i. Aníng i adór /aantsito'ór aa kufut tleéhh, tam /ayma ga ya/aandaaká.

YEREMIA 29:22

Mukdá' taa loohatís baraá yaamaá Babuloni Yerusalemúr wá alé, barta lo'ór huwahuuw tari kaahi, ‹AAKOÓ MUNGÚ masók un adór Sedekia nee Ahabu tleehh, kudá' waawutmoó Babuloni a baraá ásltí daá/.›

YEREMIA 32:24

«Ga/aaweek, múk Kaldayo gixsa gaa harweér ar ufér hhape, as kawa haraadahi nee kawa hayoohi, asma mukwí kuna baraá dabaá múk Kaldayo i qaás ar slaqwara nee giyeé nee tiqtír pu/i. Tidá' kuúng taa kát, ga/aaweek, naa hardát nee ilaawoge aga aán.

YEREMIA 34:17

Hám daxta, anuú AAKOÓ MUNGÚ a kah, As kuungá' aníng iwa iialooeesi'iiká, as lawaaleedá' kawa gwedi'iiká. Ar ló', aluuwo aníng kuungá' nu gweér, aníng kuungá' nu gweér as tunduwa tsu/i ar paánga, nee giyeé nee tiqtír pu/i. Aníng xoordu sleémeero i dae tsaát, qoomár birnga axaasiyé' tidá' ni tleehh.

YEREMIA 42:18

«Anuú AAKOÓ MUNGÚ Aleesleemusmo, Munguú Israeli a kah, ‹Adoodá' buhhtaaeé' nee adoodá' nira qa/iít dír yaamuloouusér Yerusalemu an adoodá' nir buuhh dír kuungá', barnaxes aga tleeré' baraá yaamaá Misri. Kuungá' tari adór gár taa ló'wa aáhh, nee ar dae tlaaq, nee ar ta lu'umisi nee ar ta niqisi. Kuungá' yaamuuká' i baloó malé aanda'aaká.› »

YEREMIA 44:12

Aníng múk Yuda kudaá meet, kudá' tleemuú slaá' baraá yaamaá Misri in ar tláw, nee ngiri hhaamiís sleémeero, múk urén nee na/aá ninakwe ki tsuu/ ar paánga laqaá ar qwari. Inooín tari adór gár taa aáhh nee ar dae tlaaq, nee gár ta lu'umisi nee ar ta waaqaaqai.

YEREMIA 44:22

AAKOÓ MUNGÚ tlehhmi'iihúng kudá' tlákw sa qitluuwo gina harslaaqaát, nee muruuhúng kudá' ta waki taa tlehhaahhité', gawaá adoorihe yaamu niri deewaiyé', nee niri xaanxay tleehhitiyé' tari adór gár taa lu'ús, tam heé gi hoot i kaahh, adoodá' hám laarí i dirii'iya'.

ESEKIELI 12:15

«Qoomár bira diyaá/ baraá tla/ángw xoordaá hatlá', nee yaamaá saaw, an didá' aníng iwa tsaahhiya' adór tar AAKOÓ MUNGÚ.

ESEKIELI 22:15

Aníng kiíng i tlatlahhaás baraá xoordu sleémeero, nee iri kwakwaáhh baraá yaamaá xoordaá hatlá' i aleeró. Slasla/aruudá' baraawók i dirií' un qwaareés.

ESEKIELI 23:46

«Ala anuú Aakoó MUNGÚ a kah, Daqtá múk yaariír ti húp, ki dae tsati nee daqaari'iimar'ín ka hayoohi.

ESEKIELI 36:19

Ina diyaá/ baraá tla/ángw xoordaá hatlá', ngiri tsiyayaáx baraá yaamaá hatlá'. Inooín ina sakwasleemuút ar har qoomoó tlehhmi'ii'ín.

ESEKIELI 5:15

«Kiíng tari gár waaqa'atiit, nee gár mureekeemiis, adór slaqsoó gár buhhtamis dír tlahh'i kudá' iga harweeriye', qoomár sakwasleemár buhhtaeé' kudá' xaraaslá' bara boo/eés daanduuwoge. Anuú AAKOÓ MUNGÚ tí ngina oó'.

ESEKIELI 6:8

«Tam adoorihe aníng panaay u geexáw, bahh'ale tsaxwa ngi /ayiyá', kuká' tari diya/aat baraá yaamaá dimbadimbé.

TLAHHOÓ LAÁWI 26:33

Nun tsiyayaáx baraá tla/ángw xoordu, nee nuri paangadúr ayá', yaamuuhúng niri darma tleehhiyá' nee gixsaduhúng niri hhituruutiyá'.

AMOS 9:9

«Qaytsiít, aníng hara'aya a oó' múk Israeli kuwa haritleesi baraá xoordu sleémeerowo ar adoodá' angaáno kur haritlemamiisi ar iimpe, as kudá' ganaa'a'aaká ngiwa ohiim.

MIKA 6:16

Adoorí in tleehharút asma kuungá' hara'aydaá tlakw awa waawutmo Omri ina oté', nee tlehhmi'i sleémeero awa doó garmaawós, waawutmo Ahabu, ina eehadé'. Kuungá' loohir'ín kari eehadé'. Gawaá adoorihe aníng yaamuuhúng i hhitiím, nee kuungá' tari waaqa'atitá'. Múk xoordaá hatlá' sleémeero nuri waaqaa'.»

SEKARIA 7:14

Ala án inooín in diyaá/ ar bambaao baraá tla/ángw xoordaá inooín ni xuiaaká. As adoorí yaamuudá' naa geexayé' niri deewaaiyá', tam heé tla/angwdár waaraáhh iri kaahh, asma yaamuudá' sla'atimisá' kaa deewa'ameérí geexáy.»

SEKARIA 8:13

Nee adoodá' kuungá' tara adór múk lo'ór koóm tleehhité' baraá xoorduuwo, aá múk doó Yuda nee doó Israeli, adoorí an adór nur ba/amis, kuungá' tay tsuuqa tleehhitá', ma da'ayumitaara' ala kuungá' na pihhé'.»

FAARO 5:27

Ma'aydá' bar ngaa wát, nee barnaxés taa slasla/arés nee aa inkihhimu waslés dír hhawaatuwose, ma'aydaá lo'o ngi slahha'muú úr i huwiyá', slaqwtós iri xir'imít nee guruuwós oo xwayla iri hhitirut. /Ameenirí tari /ameenír lo'o aa /ák baraá tla/ángw muko.

Luka 21:24

Inooín ki tsuu/ ar paánga, kiri lohatis baraá yaamuuine, kay huuw baraá xoordaá dimbadimbé. Gixsár Yerusalemu kay i iwiit nee xoordaá hatlá' ay dír qoomár xoordu i bo/.»

DABE 28:25

«AAKOÓ MUNGÚ wakuuserók ga /uurií haniis, kuúng uri bál slaqwaraaro. Kuúng nee inooín tin dogá' ar loohír wák, ala kuúng tari gop ar lohdu faanqw. Kuúng turi aahh baraá waawuti'iima sleémeerowo.

DABE 28:37

Kuúng tari heé ta aahhi nee heé ta niqin ar axweesanoó bó/ nee oo ta waaqaai baraá tla/ángw muu sleémeero oo yaamuudá' AAKOÓ MUNGÚ kuúng uy huwi.

DABE 28:64

«AAKOÓ MUNGÚ kuúng un diyaa/ baraá tla/ángw xoordu sleémeero iimír bihhaá wák awa yaamu ay bihhaá hatlá'. Amoodae munguaá hatlá' awa xaai nee tlaa/e kiri sagadiyús, awa kuúng ta xu'uká, laqaá baabi'iiwók.