YEREMIA 29:14 - Biblía Axweesantá Hhohho' ar Mungú 2004

¹⁴ Aníng kuungá' i sleerá'. Aníng diihhooarhúng ngi ki/ís, nee nuri burumbuúr baraá xoordu sleémeerowo, nee umuú diiro amoodá' nay diyaá/. Nuri ki/ís amoodá' nay diyaa/i, amoodár yaamaá nuy loohatís. Anuú AAKOÓ MUNGÚ tí ngina oó'.›

YEREMIA 29:14 Iomraidhean Croise

1 QOM'I 28:9

Daudi Solomon guri báy, «Kuúng garmaaeé' Solomon, Munguú baabuúwók xueek, inós sagadiyuuseek ar muunaáwók sleémeero nee ar tsáp. Asma AAKOÓ MUNGÚ inslawoó muu sleémeero gun tsee/aarín, nee umuúqo gár ta qoomeemesi gan tsatsahhán. Barnaxes kuúng inós ugwa leeléhh u sleér, ala bar ugwa sí', inós un geexáy ay alhhe'eesay wasle.

WARA'AMI 126:1

AAKOÓ MUNGÚ tiwa malé ki/ís Siyoni, a adór tlata direne.

WARA'AMI 126:4

Aá AAKOÓ MUNGÚ, mukrén kudá' taa tseék baraá yaamaá hatlá' ki/isang, adór ma'aá taa wa/ás baraá xaanxoó Negebu.

WARA'AMI 32:6

Daxta umuúqo heé inkihhime, kuúng u firín qoomár tuwa slaslay. Qoomár tsaxwaá yau niwa doowatsiné', ala inós ma'aay ngu i hardihiaaká.

WARA'AMI 46:1

Mungú a dír guwayrén nee an /uuruurén adoorí atén aga araán, baraá slahh'aamuurene inós atén tina alee/iís.

ISAYA 14:1

AAKOÓ MUNGÚ múk Yakobo gu malé gurtláy, nee xoorór Israeli gari malé tsawaar. Inooín giri ki/is baraá yaamuuín kudaá kilá', xoordaá hatlá' niri haragwaaiyá' dír múk Yakobo, tari alhoot.

ISAYA 43:5

Ma da'ayumitaara', asma aníng a dinkwa nee kuungá'. Aníng xwaylarhúng ngi da/aáw wa ki/ís. Aníng kuungá' nu burumbuúr bihhaá /uwaá wa ale.

ISAYA 43:6

Aníng bihhaá /iya in baw, ‹Muk'eé' geemawaak.› Bihhaá basa ngiri baw, ‹Muk'eé' mu ila/amara'.› Daaqay'eé' amór saáw wa ki/isare' nee dasuueé' amór alhhe'eesoó yaamuú wa ki/isare'.

ISAYA 45:19

Aga axweesiiká ar naaqo baraá yaamaá giwtír wa ale. Aníng xwaylár Yakobo aga bawiiká, ‹Aníng leelehharé' tawo ale.› Aníng a AAKOÓ MUNGÚ kudá' looeemaá káh aníng muruú ganaá' un oiím.»

ISAYA 55:6

AAKOÓ MUNGÚ leelehhitaak qoomaarí iwa deér firirimaak qoomaarí kuwa tseéw.

YEREMIA 12:15

Alaá ngiwa hingemiís in malé gurtláw, umuú xoorooro an ki/ís dirós nee baraá yaamuuwós.

YEREMIA 3:14

«Ki/aaré', kuungásingá' na/aá inkihhimu wasl, asma aníng an Aakoohúng. Aníng umuú heewo u leéhh dír umuú gixsaro, nee múk tsár baraá umuú tlahhaywo, ngiri huúw ay tloomár Siyoni. Anuú AAKOÓ MUNGÚ tí ngina oó'.

YEREMIA 30:10

AAKOÓ MUNGÚ i kaahi, «Kuungá' ma da'ayumitaara' kuungaásingá' tlahhoó Yakobo awa sagadiyuuser'eé', kuungá' Israeli, ma amoqwaqwadimara'. Asma aníng kuungá' nu amór saáwá ba/amís, nee na/iihúng ngi ba/amís baraá yaamaá ki loohatisi. Kuungá' múk Yakobo ni watlá' tari hotá' ar wayda. Heé kuungá' nu dae tsaát i kaahh tamu wák.»

YEREMIA 30:18

Anuú AAKOÓ MUNGÚ a kah, «Aníng diihhooár hotaá doó Yakobo a ki/ís. Nee hotaaín i gurtláw, nee gixsa ka tleehh gawaá taangoorós, doó waawutmo ku tleehh didá' aáng i dirii'i.

YEREMIA 30:3

Asma ga/aaweek, deelo i hardát ar muk'eé' oo Israeli nee oo Yuda nguwa diihhooár i ki/is. Aníng inooín in ki/ís baraá yaamuudá' naa taati'ii'ín i haniís, nee inooín ngiri aaliyá'. Anuú AAKOÓ MUNGÚ tí ngina oó'.»

YEREMIA 31:16

AAKOÓ MUNGÚ i kaahi, «Daxta /aa/e maweek, hhirhheeriiwók fiitseek, asma bu'utu u sleér daanduú gadiyeéroge. Na/iihúng ni watliyá' baraá yaamuudá' saaw awa wakuuserhunge.

YEREMIA 31:17

Harahhifo a sleerá' baraá deelór hi'iita, nee na/iihúng nin watliyá' baraá yaamuuín awa kilá'. Anuú AAKOÓ MUNGÚ tí ngina oó'.

YEREMIA 31:23

AAKOÓ MUNGÚ Aleesleemusmo, Munguú Israeli i kaahi, «Qoomár múk Yuda bura diihhooárí ki/ís, inooín baraá yaamaá Yudawo nee gixsadaá Yudawo tari malé ooi, ‹AAKOÓ MUNGÚ nu tsuuqi, aá yaamuloouusér hota ganaa', i tsuuqi kiíng tloomár hhoohhoo'.›

YEREMIA 51:10

AAKOÓ MUNGÚ gaa tsaáhh adór dakuús kar koomaanaaká. Gusé' baraá Siyoni gadiyér AAKOÓ MUNGÚ, Munguúrén a alki/itaán.

YEREMIA 8:3

Panaay sleémeero oo daa'awtá mukwí tlákw umuú dír i dirii'i gwa'ara kari fitlín ta slafiingo. Anuú AAKOÓ MUNGÚ Aleesleemusmo tí ngina oó'.»

ESEKIELI 37:21

Kibeeto, Anuú Aakoó MUNGÚ a kah, Aníng múk Israeli ngu ki/ís baraá xoordudá' nay tlay'i, in burumbuúr bihhe sleémeerowo, ngiri ki/ís baraá yaamuuín i alé.

ESEKIELI 39:25

«Gawaá adoorihe anuú Aakoó MUNGÚ ana oó', Hám daxta múk Israeli, xwaylár Yakobo in gurtláw ngiri dihhooar'ín i ki/ís. Aníng umuú daqisleeme gár ni slaa' a umuueé' kudá' hhoohhoó' kuwa ilaiwawa/i.

AMOS 9:14

Aníng muk'eé' kudá' aáng taa loohatís ngun ki/ís baraá yaamuuín, inooín gixsaduín kudá' taa geexáy ngin tleehhiyá' ngiri hootiyá', sabiíbu ngu dahaasiyá' baraá qamuuín, nee difaáir'ín ngiri wahaná'. Inooín qamu ngin dahaasiyá' ngiri balángw wa /ayiyá'.

MIKA 4:12

Ala laatí xoorduuká', inslawoó AAKOÓ MUNGÚ ngu xuiaaká, tam gár i tleehhamór wa slai ngaa tsaahhi'iiká. AAKOÓ MUNGÚ inooín ngina adór angaáno wa haraki/ís, oo taa burumbuúr as kuwa slahhan.

SEFANIA 3:20

Qoomár aníng kuungá' burna baraá yaamuuhúngií ki/ís, bál burna dinkwaárií burumbuúr, Baalaadae aníng kuungá' nun iia tleereés nuri xirfayeés. Baraá tla/ángw xoordu sleémeerowo, awa baraá yaamuwo. Bál diihhooarhúng birnga ki/ís, kuungá kilá' ilahunge kari aandá'. Anuú AAKOÓ MUNGÚ tí ngina oó'.»

Rumi 10:20

Aluuwo Isaya aa qiítl /aymi'iiká' ngiwa oó', «Múk aníng leelehhiitaaká, aníng ina sláy, nee múk aníng yaahamiisaaká, aníng tina dir'íní geehhooeés.»

DABE 30:1

«Qoomár kuungá' bar baraá tla/ángw xoordudá' i dir'á', kudá' AAKOÓ MUNGÚ Munguúhúng nu i diyaá/, nee bar kaangwí sleémeero naa sláy, tsuuqaaká' nee lo'ooro kiri insleeré', kuká' laarí naa dír geerahúng i qaás as tawa tsawdiinda',

DABE 30:3

daqaní AAKOÓ MUNGÚ, Munguúwók uri ki/is baraá amohhooarók, nee guruuwós iri tláy as kuúng, nee uri ki/is baraá xoorduudá' uy diyaa/i.

DABE 30:5

AAKOÓ MUNGÚ, Munguúhúng nuri huuw baraá yaamuudá' baabi'iihúng naa aaliyé' as kuungá' kiwa ala'. Inós kuungá' nu amohhooárí haniis, nee nuri tlahhas baabi'iihúng ba/a.

DABE 4:7

«Xooro tam ar wák ar ur i káhh ar munguúwós dirós i tseew adór atén nee AAKOÓ MUNGÚ, Munguúrén tir tsewén, qoomár bur alee/isáy firirimaán.