YEREMIA 29:13 - Biblía Axweesantá Hhohho' ar Mungú 2004

¹³ Bira leelehhité' i sleerá', qoomár bar iga leelehhité' ar munerhúng sleémeero.

YEREMIA 29:13 Iomraidhean Croise

1 WAAWITÁ 2:4

as AAKOÓ MUNGÚ al'axweesantós ngiwa boo/eesi, /aymuuwós kudá' naa oó' daanduueene tidá' iwa oó', ‹Barnaxes daaqaywók birta harmaagaáhh baraá hotaaine, tawa dir'eé' wa hooti ar inkihhimu, ar muner'ín sleémeero nee qeeruuín sleémeero, daqaní kuúng hee u baloó dakuská oo iwiít baraá kitángw waawuti'iimár múk Israeli.›

2 WAAWITÁ 23:3

Waawutmo iri sihhiít dír bihhaá uhmo, al'axweesani gari qaás dír AAKOÓ MUNGÚ, ar AAKOÓ MUNGÚ nguwa eehari, nee hara'ayaarós ngiwa oohi, nee lamabu'uungós nee kaahirose ar muunaáwós sleémeero nee ar qeeruuwós sleémeero. /Ayma'aá taa gooín baraá kitaábuuduú alqado ngiwa eehari. Muu sleémeero al'axweesantadá' gari ya/án.

1 QOM'I 22:19

Gimsé', daxta AAKOÓ MUNGÚ, Munguúhúng, leelehhaak ar inslawayhúng nee ar munerhúng sleémeero. Tlawsé', doó AAKOÓ MUNGÚ tleehhaak, as kahhó' sandakmoó alqado oo Mungú nee xosluudá' hhohho' kawa qaasi baraá do'oduú AAKOÓ MUNGÚ.»

1 QOM'I 28:9

Daudi Solomon guri báy, «Kuúng garmaaeé' Solomon, Munguú baabuúwók xueek, inós sagadiyuuseek ar muunaáwók sleémeero nee ar tsáp. Asma AAKOÓ MUNGÚ inslawoó muu sleémeero gun tsee/aarín, nee umuúqo gár ta qoomeemesi gan tsatsahhán. Barnaxes kuúng inós ugwa leeléhh u sleér, ala bar ugwa sí', inós un geexáy ay alhhe'eesay wasle.

2 QOM'I 22:9

Waawutmo Ahasia guri ló'wa leeleéhh, kuri yaamaá Samariár i áy, aa nahhaát amoodá' i alé, kunguri huúw amór Yehu, kway gaás. Inós kway foól, asma ta kaahi, «Inós a nángw naangoó waawutmo Yehoshafati, kudá' AAKOÓ MUNGÚ gwaa leeleehhh ar muunaáwós sleémeero.» Hee i kaahh tumu wák doó Ahasiawo oo waawuti'iima ga aál.

2 QOM'I 31:21

Umuú gadiyér aa qo tleehhi baraá doó Munguhe ar adoodá' dabe nee hara'aya ngir kat, as geeraharu'uumár Munguúwós ngiwa eehari, gadiyeé gana tleéhh ar muunaáwós sleémeero, nee gari aleesláy.

WARA'AMI 119:10

Aníng kuúng u leelehhiít ar muunaáeé' sleémeero. Mi tawo mawaar hara'ayarók mawa geexáw.

WARA'AMI 119:145

Un i /aa/amiím ar muunaáeé' sleémeero, iiárií qaasáng, AAKOÓ MUNGÚ, daqaní aníng kaahirók a eehár.

WARA'AMI 119:2

Múk amohhoó' a kudá' axweesantá Mungú ngi iialooeemisá', kudá' ngu leelehhiitá' ar muner'ín sleémeero.

WARA'AMI 119:58

Hhooeemaawók ngi ló'wa firiím ar muunaáeé' sleémeero. Aníng gurtlawáng adoodá' kara ó'.

WARA'AMI 119:69

Daara/uuse i lámtí tláq, ala aníng hara'ayarók aga óh.

WARA'AMI 145:18

AAKOÓ MUNGÚ ku tseéw dír kudaádá' sleémeero ngu ateetima'a, kudaádá' sleémeero ngu ateetimá' ar looeema.

WARA'AMI 32:6

Daxta umuúqo heé inkihhime, kuúng u firín qoomár tuwa slaslay. Qoomár tsaxwaá yau niwa doowatsiné', ala inós ma'aay ngu i hardihiaaká.

WARA'AMI 91:15

Aníng bira ateét, u iiárií qaás, aníng a dinkwa nee inós baraá slahh'amaayeero, un ba/amís ngway xirfayeés.

ISAYA 45:19

Aga axweesiiká ar naaqo baraá yaamaá giwtír wa ale. Aníng xwaylár Yakobo aga bawiiká, ‹Aníng leelehharé' tawo ale.› Aníng a AAKOÓ MUNGÚ kudá' looeemaá káh aníng muruú ganaá' un oiím.»

ISAYA 65:10

Yaamaá Sharoni tari dír qawór bee/aangw nee xatstá Akoni tari dír hikwa i tlahhamisiya', as daanduú muk'eé' kudá' iga leeleehh.

YEREMIA 24:7

Aníng in tsaahhárí haniís adór aníng tar AAKOÓ MUNGÚ. Inooín tari muk'eé', aníng tari Munguúín, asma inooín nin amor'eéní ki/iyá' ar muner'ín sleémeero.›

YEREMIA 3:10

Tam adoorihe hhaeeín awa Yuda kudaá al/aymuuse naa amor'eénií ki/i'iiká ar muner'ín sleémeero, aqo har hhahhafiingw kilós. Anuú AAKOÓ MUNGÚ tí ngina oó'.»

YEREMIA 50:4

AAKOÓ MUNGÚ, Munguú Israeli i kaahi, «Qoomaadae nee daqtadae, múk Yuda ta buruumburiit dinkwaárí ale nee tari kii/ ar /aa/e tawa anuú AAKOÓ MUNGÚ, Munguúín leelehhiiti.

HOSEA 5:15

Aníng an kií/ dír kitangw'eé' tin paraátl dir'ine, ay dír tlakweemaaín ngay gwadidina' aníng iri leelehhtuú ayá', slahh'amu giri intsaahhatis aníng iri leelehhiyá' tawa kaahi.

Yoeli 2:12

AAKOÓ MUNGÚ i kaahi, «Ala tam hamí, amor'eé' ki/aare' ar munerhúng sleémeero, nee ar gwaawito nee ar /aa/e, nee ar tsuunqumis.

Matayo 7:7

«Firiiriimé', kuungá' tundu qáy, leelehhiitaak kuungá' a sleerá', ateetimé' afkú dó' wa ale, piindo ka qo duux.

Tlehhema'aá ya/Abuuse 8:36

Tari kumiít loohiro, tari hardáh dír ma'aay i dirii'iya'. Heedaádá' iri oó', «Qaytsiít, ma'aay diirihe i dayá'. Gár aníng i il/aam a milá, ar tis baatisiiká?» [