YEREMIA 29:10 - Biblía Axweesantá Hhohho' ar Mungú 2004

¹⁰ «Anuú AAKOÓ MUNGÚ an kah, ‹Alaá kureeraá mibeeraá faanqwe awa hotaahúng baraá yaamaá Babuloniro, aníng ni hardáh, qoomaarihe al'axweesante'eé' tidá' ngiri boo/eés ar nuwa ki/is baraá yaamuuká'.

YEREMIA 29:10 Iomraidhean Croise

2 QOM'I 36:21

Adoorihe axweesantá AAKOÓ MUNGÚ tidá' aa oó' ar loohír aarusmo Yeremia iri bó/, tidá' kah, «Yaamaá i hootiya' i tawo iwiitiyá', ki doosliiká ay kureeri mibeeri faanqw, ar adoodá' kureeraá Sabaáto awa taa boo/eesiiká.»

2 QOM'I 36:22

Kurkú geera oo waawuti'iimár Koreshiwo waawutmoó yaamaá Persia as axweesantadá' AAKOÓ MUNGÚ aa oó' ar afkú aarusmo Yeremia iwa bo/, AAKOÓ MUNGÚ muunuú waawutmo Koreshi oo Persia guri gwarangwaár, inós afo gari ilahaniís baraá waawuti'iimarós sleémeero, barwiito'o gari gooín sleeme, iwa kaahi,

ESRA 1:1

Kurkú geera oo waawuti'iimár Koreshi, waawutmoó yaamaá Persia, as axweesantadá' AAKOÓ MUNGÚ aa oó' ar afkú aarusmo Yeremia iwa bo/, AAKOÓ MUNGÚ muunuú waawutmo Koreshi oo Persia guri gwarangwaár, inós afo gari ilahaniís baraá waawuti'iimarós sleémeero, sleeme gay gooín, iwa kaahi:

ESRA 1:2

«Waawutmo Koreshi oo Persia i kaahi, AAKOÓ MUNGÚ, Munguú doori, waawuti'iima sleémeero ar yaamu ngaa aníng i haniís. Aníng iga waawuti'iimár yaamu sleémeerowí haniís. Aníng iga ádbáy nguwa dó' i tleehh baraá Yerusalemu, tidár baraá yaamaá Yuda.

WARA'AMI 102:14

Sagadiyuuseerók Siyoni ga slá', Inós handá' tam tangwaá taworo. Gur'er'ín gaa tlés, tam aa ló' wa hhitiruuti.

YEREMIA 25:11

Yaamuuká' sleémeero ni taangu tleehhitiyá' nari deewaaiyá', nee xoordaá inslaawaywí waawutmoó Babuloni ngun sagadiyuusiyá' kureeri mibeeri faanqwe.

YEREMIA 25:12

Ala qoomár kureeriiká' mibeeri faanqw birna waarahhiyé', waawutmoó Babuloni un slaáhh dinkwa nee xooroorose. Yaamuukaá múk Kaldayo i hhaamiís asma tlakweemaaín kudá', nee yaamuuká' ngay taangu tleéhh ay alhhe'eesay wasle.

YEREMIA 27:22

Xooslasíng kan ar tláy ay yaamaá Babuloni nee iri amooqá' i mét ay dír ngay sa daawiit. Daqaní qoomaarí an qoomaadá' ngiwa ki/is nee ngay malé qaás diirí. Anuú AAKOÓ MUNGÚ tí ngina oó'.»

YEREMIA 27:7

Xoordu sleémeero inós ngun sagadiyuusiyá', nee na/iiwose nee nángw naangose, ay dír waawuti'iimarós baraá yaamuwo i fak. Aluuwo inós xoordaá yaariir nee waawituú yaariír ngun lawaalmooín tleehhiyá'.

YEREMIA 29:28

Asma inós afo gana ilahaniís baraá Babuloni iwa kaahi, ‹Loohayhúng oo har afiqoomár niinaweeká,› iri oó', ‹Marayhúng tleehhaak, hooté', qamu dooslaak, balanghúng dahaasak nee /ayimé'.› »

YEREMIA 29:32

Gawaá adoorihe, anuú AAKOÓ MUNGÚ a kah, ‹Shemaya oo Nehelamu u slaáhh dinkwa nee xwaylarose. Dír xwaylarose oo slafíngwí meét i kaahh tam oo wák oo diihhooadá' ni muk'eé' tleehh ga ár.› Asma muk'eé' nguna dukiyé', anuú AAKOÓ MUNGÚ iwa si'iya', anuú AAKOÓ MUNGÚ tí ngina oó'.»

YEREMIA 30:3

Asma ga/aaweek, deelo i hardát ar muk'eé' oo Israeli nee oo Yuda nguwa diihhooár i ki/is. Aníng inooín in ki/ís baraá yaamuudá' naa taati'ii'ín i haniís, nee inooín ngiri aaliyá'. Anuú AAKOÓ MUNGÚ tí ngina oó'.»

YEREMIA 33:14

AAKOÓ MUNGÚ i kaahi, «Baala i hardát ar aníng al'axweesante'eé' tidá' naa oó' dír múk Israeliwo nee múk Yuda ngiwa boo/ees.

ESEKIELI 11:17

«Gimáy, daxta baweek, Anuú Aakoó MUNGÚ a kah, Aníng kuungá' nu burumbuúr amoodá' ta hota'a. Nu burumbuúr amór yaamuudá' nay diyaa/i, nuri ki/ís baraá yaamaá múk Israeli.

DANIELI 9:2

anuú Danieli kitaaba'aá hhohho' ina soomuús, ngiri tsaáhh adór AAKOÓ MUNGÚ aa xu'utís dír aarusmo Yeremia daanduú kureeridaá mibeeri faanqwe, kudá' gixsár Yerusalemu kawa hhitin.

SEFANIA 2:7

Yaamusingaá bihhaá tlawi, múk Yuda kudá' aa meet giri sawaawuti'ín, bee/angw'ín ngun baraadá' wá de'ená', qoomár tsiindowo nay qaatiyá', baraá maraá Ashkeloni, asma AAKOÓ MUNGÚ, Munguúín gin gurtláy, giri malé diihhooárí ki/is.

SEKARIA 1:12

Aluuwo malaykamoodú AAKOÓ MUNGÚ iri ilawaáts, iri oó', «Aá AAKOÓ MUNGÚ Aleesleemusmo, ay xaylá Yerusalemu ka siaiin gurtleemuuwo, nee gixsadaá Yudawo, kudá' taa i buhhahhiín kureeriiká mibeeraá faanqwe.»

SEKARIA 7:5

«Muu sleémeero nee kaahamuusér Munguhe ki beer, ‹Qoomár tawa gwaawiindé' nee tawa tsuunqumiisé' umuúqo slahhángw kooán nee oo faanqwe, baraá kureeriká mibeeri faanqw awa naa waarahhii'i, xáy aníng ina sa gwaawiindí'i?

RUTI 1:6

Naomi iwa baraá Moabu, gana axás adór AAKOÓ MUNGÚ mukós oo baraá Yuda ngura qeemuú bu'úngw hhó' i haniís. Tiri amohhe'és iwa tleer yaamaá Moabú wa alé dinkwa nee tlaawoó daaqaywós.