YEREMIA 28:4 - Biblía Axweesantá Hhohho' ar Mungú 2004

⁴ Sleeme Yekonia garmoó Yehoyakimu, waawutmoó Yuda, dinkwa nee muu sleémeero oo Yuda, kudá' taa loohatís ngu ki/ís. Kár eeít, taaqwantidár waawutmoó Babuloni a geqáw, Anuú AAKOÓ MUNGÚ tí ngina oó'.› »

YEREMIA 28:4 Iomraidhean Croise

IIMU/UUNGW 27:40

Muruú /aymaarók un slasleér ar lawaala, kuúng hhiyaawók un sagadiyús, ala qooma i xeér ar kuúng /uuru kuwa malé sleer Qoomaadae taaqwani an hingés gawaá istoge.»

2 WAAWITÁ 24:14

Muu sleémeero oo Yerusalemu guna ar tláy: Geeraharuuse nee miguuseero, nee múk mura' tlehhtuuwo gu xuú' nee kareerá, dinkwaaro múk taa haasaáng wa huúw a kume mibaangw. Heé aa meet i kaahh aqo har mukduú narkuute liitlakwén baraá yaamuudae.

ISAYA 9:4

Asma taaqwanay'ín kudá' iló', kudá' taa gawaá sum'ii'ínií tsegiít nee hhartadár baramaanuuser'ine iga giqeér, adoodá' múk Midiani aáng kura bál.

YEREMIA 13:19

Gixsadaá Negebu sleémeero kaa afe tsegiít, heé gweeraro gi aleesláw i kaahh. Múk Yuda sleémeero kura tláy baraá loohaay, inooín sleémeero kaa huúw baraá lawaali'iima.»

YEREMIA 2:20

Iimír aáng kuúng taqwantók aga geeqeér nee piíngu kuri kwáhh amór saaw, tari ó', «Aníng kuúng u sagadiyuusaaká.» Gawaá tlom'aá tlede nee umuú gamuú xa'anoó loo/o naa/e munguaá hatlá' ina ii xupaapú' adór tsaatuso'o.

YEREMIA 22:10

Heé aa gwaa' mu sa/aa/amiimara' laqaá ma tsuunqumisaara' as gwa'ararós, ala kudaádá' tar tlay amór saaw na sa/aa/amiimaak, asma inós i malé ki/iiká, yaamuuwós ngiwa malé ari.

YEREMIA 22:24

Daanduú Koniawo, waawutmoó Yuda garmoó Yehoyakimu, AAKOÓ MUNGÚ i kaahi, «Aníng lo'o aga /aáy, tam geeraawo kuúng bar an mungay'eene, kuduú gawaá diitsár dakw'eé' oo doó /iyáy, kudá' ni layárár qamaamiim, aqo un duúx, nee uri amór saáwí kwaáhh,

YEREMIA 24:1

Nebukadnesa waawutmoó Babuloni, Yekonia garmoó Yehoyakimu waawutmoó Yuda guna Yerusalemúr wa loohatís ay yaamaá Babuloni, dinkwa nee geeraharuusér Yuda, nee mukdá' maray tlehhtuwo gi xua, nee kareerahe. Aluudae AAKOÓ MUNGÚ aníng ina iigu'uútuwí laqán. Aníng lakwaantoó tsár oo /aantsír aa hamat una ár kwa qaás dír geeraá Doó AAKOÓ MUNGÚ.

YEREMIA 24:5

«Anuú AAKOÓ MUNGÚ, Munguú Israeli, a kah, ‹Adór /aantsírí kar hhohhó', an adór múk Yuda, kudá' taa loohatís baraá yaamaá Kaldayo aníng ngur ar tawa múk hhohhó'.

YEREMIA 27:8

Ala barnaxes xooro laqaá waawuti'iima dabaawós gaa haniská dír Nebukadnesa waawutmoó Babuloni, inooín aníng i tsuú/ ar slaqwara, nee qwari, nee tiqtír pu/i, ay dír aníng inooín ngay hhaamiis ar dákw Nebukadnesa. Anuú AAKOÓ MUNGÚ tí ngina oó'.

YEREMIA 28:10

Naagáy, aarusmo Hanania taaqwantidá' taa tseék gawaá istá Yeremia gari taataáhh, gari geeqáy.

YEREMIA 28:2

«AAKOÓ MUNGÚ Aleesleemusmo, Munguú Israeli i kaahi, ‹Taaqwantidár waawutmoó Babuloni aga geeqáw.

YEREMIA 29:1

Kaangwí an axweesanoó barwito'odá' Yeremia aa gooín amór Yerusalemúr wa alé dír bariise nee kaahamuusér Mungú, aaruuse nee dír muu sleémeero, kudá' waawutmo Nebukadnesa a yaamaá Yerusalemúr wa loohatís ay Babuloni.

YEREMIA 29:2

Yeremia barwito'o ngiwa gooín a alaá waawutmo Yekonia, nee waawuto'o aayoorós kiwa ar tláy Yerusalemúr wa ale, dinkwa nee mukdaádá' taa karmuumúy, nee mukdá' urén oo Yuda nee oo Yerusalemu, nee mukdá' mura' tlehhituwo gu xuú' nee kareerá.

YEREMIA 30:8

Baalaarí bál birna hardát, anuú AAKOÓ MUNGÚ Aleesleemusmo a kah, aníng taaqwantidár gawaá isaá muk'eé' a giqáw, piínguú kira tsegiít un tlaáq. Inooín dahaaye ngi sangw malé sagadiyuusiaaká.

TLAHHOÓ LAÁWI 26:13

Aníng an AAKOÓ MUNGÚ, Munguúhúng, kudá' kuungá' naa baraá Misrír wa duux as tawa lawaalér múk Misrirooká. Aníng taaqwani aga geeqáw tidá' taa tseék gawaá isoohúng, as kahhó' tawa hota' ar amohhooa.»

NAHUMU 1:13

Ala daxta taaqwanay'ín un giqáw gawaahunge, nee muqslaadá' tundura tsegiit ngari supaapiím.»