YEREMIA 28:13 - Biblía Axweesantá Hhohho' ar Mungú 2004

¹³ «Tláw, Hanania ádbeemuú aweek ku beer, anuú AAKOÓ MUNGÚ an kah, ‹Kuúng gár taa geeqeér a taaqwantá xa'ano, ala aníng taaqwantá muqsli an tleéhh.›

YEREMIA 28:13 Iomraidhean Croise

2 QOM'I 10:11

Huwár kuungá' baabuúeé' nay tsa/aás ka ur, ala huwár aníng nuy tsa/aas ka iloo' ta tidár baabuúeene. Baabuúeé' kuungá' nuna muúx ar qawaay, ala aníng kuungá' nun muúx ar xiiraawe.› »

WARA'AMI 107:16

Inós afkú doó muqslír sirdaa/aat gu aleesláy nguwa geeqay, nee muqsladá' tira tsegiít ngiwa tlaaqi.

WARA'AMI 149:8

Waawitaáín ku tseegi ar muqsla, nee geeraharuuser'ín kawa tseegi ar qutúr.

ISAYA 45:2

Aníng kuúng un geerahaár, tlom'i ngiri alqoomeés dír geeraawoge, afér muqslár sirda/aten an giqáw, muqslár afér mari tsegit ngiri tla/eeri tlaáq.

YEREMIA 27:15

AAKOÓ MUNGÚ i kaahi, «Aníng aaruuseerí nga ya/aawiiká, ala inooín aaru'uuma ngin kaahiyá' ar umuueé'. Gawaá adoorihe in amór saáwí guús, kuungá' a hhaandá' dinkwa nee aaruuserhúng tidá' nu lámtí aariirima.»

YEREMIA 27:2

iwa kat, «AAKOÓ MUNGÚ aníng ina báy, ‹Yeremía, hima nee taaqwani tleehheek ki dahás baraá istók.

WA/AA/I 1:14

«Tlakweemaaeé' sleémeero gina burumburaarín, giri gawaaeénií qaás, giri dinkwárí tseék ar dakós, ngiri gawaá istaeéní tarereé', aníng iri al'iloouyé', Aako aníng iga qaás gawaá dabaá múk aníng tlaampa'aasaro ni aleeslawaaká.

WA/AA/I 2:14

Aaruuserhúng gár daanduhunge aa aán, a iigu'utuú lama nee oo al/ayma. Tlakweemaahúng ngaa geehhoeesi'iiká, as kahhó' kiwa meera'. Ala aarír lama ngina kuungá' babayé', tidá' kuungá' nu qwaareemiis.

ESEKIELI 30:18

Amór Tahafnesi tlaatla/aangw in xweera tleehhiit, qoomár bar aleesleemuú múk Misri ugwa hhitiím, nee daara/aangós kudá' úr un suqúw. Huunkáy yaamaá Misri giri tuuntuuk nee dasuuwós kuri loohatis.

DABE 28:48

Gawaá adoorihe, kuúng daxta wakuusmoowók kudá' AAKOÓ MUNGÚ ni amorógi tleesi un sagadiyús, qwari uri didií gaas nee waxeero nee /aankwetsuwo, nee umuúqo gaaro kari dakús, kuúng turi himuú muqslírár tseek ay dír tay hhaan.