YEREMIA 28:10 - Biblía Axweesantá Hhohho' ar Mungú 2004

¹⁰ Naagáy, aarusmo Hanania taaqwantidá' taa tseék gawaá istá Yeremia gari taataáhh, gari geeqáy.

YEREMIA 28:10 Iomraidhean Croise

1 WAAWITÁ 22:11

Baraá tla/angw'ine aarusmoó wák, Sedekia garmoó Kena'ana, xareemaá muqsla gina tleéhh, iri oó', «AAKOÓ MUNGÚ i kaahi, ‹Xareemikae kuúng múk Aramu un alií ki/ís nee kuri hhaamís.› »

YEREMIA 27:2

iwa kat, «AAKOÓ MUNGÚ aníng ina báy, ‹Yeremía, hima nee taaqwani tleehheek ki dahás baraá istók.

YEREMIA 28:2

«AAKOÓ MUNGÚ Aleesleemusmo, Munguú Israeli i kaahi, ‹Taaqwantidár waawutmoó Babuloni aga geeqáw.

YEREMIA 28:4

Sleeme Yekonia garmoó Yehoyakimu, waawutmoó Yuda, dinkwa nee muu sleémeero oo Yuda, kudá' taa loohatís ngu ki/ís. Kár eeít, taaqwantidár waawutmoó Babuloni a geqáw, Anuú AAKOÓ MUNGÚ tí ngina oó'.› »

YEREMIA 37:19

Aaruuseerók tidá' ugwa i aaraariin i amá, tidá' ugwa baabeer, ‹Waawutmoó Babuloni kuúng u iharaatlayká laqaá yaamuuká'?›

ESEKIELI 30:18

Amór Tahafnesi tlaatla/aangw in xweera tleehhiit, qoomár bar aleesleemuú múk Misri ugwa hhitiím, nee daara/aangós kudá' úr un suqúw. Huunkáy yaamaá Misri giri tuuntuuk nee dasuuwós kuri loohatis.

MALAKI 3:13

AAKOÓ MUNGÚ i kaahi, «Kuungá' muruú gawdén daanduueene ugwa axwesé'. Ala kuungá' a katá', ‹Gár naa kaahaán daanduuwoge a milá?›