YEREMIA 27:22 - Biblía Axweesantá Hhohho' ar Mungú 2004

²² Xooslasíng kan ar tláy ay yaamaá Babuloni nee iri amooqá' i mét ay dír ngay sa daawiit. Daqaní qoomaarí an qoomaadá' ngiwa ki/is nee ngay malé qaás diirí. Anuú AAKOÓ MUNGÚ tí ngina oó'.»

YEREMIA 27:22 Iomraidhean Croise

2 WAAWITÁ 25:13

Múk Kaldayo uhmoodá' sirdaa/aát, kuduú baraá doó AAKOÓ MUNGÚ, kuna naasúy giqaango dinkwa nee kitaangós nee tlahhsár taa tleéhh ar muqslír sirdaa/aat, tidár baraá doó AAKOÓ MUNGÚ nee muqslaadá' sirda/aten kari ar tláy ay yaamaá Babuloni.

2 QOM'I 36:21

Adoorihe axweesantá AAKOÓ MUNGÚ tidá' aa oó' ar loohír aarusmo Yeremia iri bó/, tidá' kah, «Yaamaá i hootiya' i tawo iwiitiyá', ki doosliiká ay kureeri mibeeri faanqw, ar adoodá' kureeraá Sabaáto awa taa boo/eesiiká.»

ESRA 1:11

Xoslu sleémeero awa sahaábu, nee awa peésa dinkwaaro a kume kooán nee tsiire tsiyáhh. Kuká' sleémeero Sheshbasa gina ar tláy qoomár mukdá' ta lohaatís iwa ti'imiiti Babulonír wa ale ay yaamaá Yerusalemu.

ESRA 7:19

Nee xosluudá' tinda kuúngí haniís as gadiyér Doó Munguúwók, kuúng ki hanís dír Munguú baraá Yerusalemu.

ESRA 7:9

Inós ti'inaangw nguwa iimu/ún yaamaá Babuloniro a bál slahhángw geera tawa wak, inós iri hardáh Yerusalemu bál slahhángw kooán tawa wak, asma inós kuna aleeslawtís nee Mungú.

AXWEESANOÓ SAGALOOA 21:30

Sagalooa i káhh tam tsaahha i káhh sleeme, laqaá tam gurbua i káhh sleeme ar ta tleehhi a dimbé nee tidá' AAKOÓ MUNGÚ i slai.

YEREMIA 20:5

Slám daqaari'iima sleémeero baraá gixsarihe, nee slaasláwarós sleémeero, nee muruudá' sleémeero oo afhhamít, dinkwa nee qaasidár waawituú Yuda taa tatsi, aníng an haniís dír wakuuser'ín, nee umuú gaaro kari ar tláy ay Babuloni.

YEREMIA 27:21

«Iia qaasaak kángw anuú AAKOÓ MUNGÚ Aleesleemusmo, Munguú Israeli ni kah daanduú xoosladá' taa geexayi baraá Doó AAKOÓ MUNGÚ, nee baraá doó waawutmoó Yuda, nee baraá gixsár Yerusalemu.

YEREMIA 27:7

Xoordu sleémeero inós ngun sagadiyuusiyá', nee na/iiwose nee nángw naangose, ay dír waawuti'iimarós baraá yaamuwo i fak. Aluuwo inós xoordaá yaariir nee waawituú yaariír ngun lawaalmooín tleehhiyá'.

YEREMIA 29:10

«Anuú AAKOÓ MUNGÚ an kah, ‹Alaá kureeraá mibeeraá faanqwe awa hotaahúng baraá yaamaá Babuloniro, aníng ni hardáh, qoomaarihe al'axweesante'eé' tidá' ngiri boo/eés ar nuwa ki/is baraá yaamuuká'.

YEREMIA 32:5

Sedekia kun ar tláy ay yaamaá Babuloni, inós iri hoot amoodá' wa alé ay dír aníng ngway artá aw. Tam geeraawo Sedekia ti muxiia nee múk Kaldayo i baloó baalinká. Anuú AAKOÓ MUNGÚ tí ngina oó'.› »

YEREMIA 34:2

Anuú AAKOÓ MUNGÚ, Munguú Israeli, a kah, «Tláw, waawutmo Sedekia oo Yuda ku beer, ‹Anuú AAKOÓ MUNGÚ gixsarí a qaás baraá dabaá waawutmoó Babuloni, nee gari daa/ ar asla.

YEREMIA 34:3

Kuúng a baloó kotsoqotká dirose, ala looeemaawo, kuúng tu oh, turi baraá dabaawós i qaas. Iltók nee tós ti doogiyá', nee tari axwesá' nee inós, aluuwo kuúng turi ar tláy ay Babuloni.›

YEREMIA 34:5

Ala kuúng a gwá' ar wayda, adoodá' baabi'iiwók kira mooyángw tsuú' i da/aa/án, nee adoodá' waawitaádá' diroge aa giirin kura mooyángw tsuú' i da/aa/án, kuúng sleeme tu adoodá' /iis. Kuúng tu sa tsuunqumiis, nee tawa kaahi, ‹Ooyeey, waawutmoorén aa gwaá'!› Asma anuú AAKOÓ MUNGÚ kangwí nguna oó'.»

DANIELI 5:23

Tam muruuwí sleémeero ugwa xui. Ala kuúng kitángw Aakoó doori kuwa xirfayes, kuúng tina kilók urés, xooslaá Doó Mungú kiri léhh kiri difaáirár xúf, kuúng nee bariiseroge nee tlaawaywoge nee /ameenarók tidá' quturmo wasle. Kuúng munguaá taa tléhh ar peésa nee sahaábu nee muqslír sirdaa/aat, nee muqsli, nee xaai nee tlaa/e kiri xirfayemiís, munguaá xumisa'aaká, nee i axamisi'aaká laqaá gár i xuiya' i káhh. Ala Munguúdá' slafiingók gu taami koóm nee kudá' lohduuwók gi xuú', ugwa ilaiwa/amér i tlehhká.

DANIELI 9:2

anuú Danieli kitaaba'aá hhohho' ina soomuús, ngiri tsaáhh adór AAKOÓ MUNGÚ aa xu'utís dír aarusmo Yeremia daanduú kureeridaá mibeeri faanqwe, kudá' gixsár Yerusalemu kawa hhitin.