YEREMIA 27:20 - Biblía Axweesantá Hhohho' ar Mungú 2004

²⁰ tidá' waawutmo Nebukadnesa oo Babuloni aa geexáy qoomár Yekonia garmoó Yehoyakimu, waawutmoó Yuda nee mukdá' ta ilaiwawa/i sleémeero oo Yuda nee oo Yerusalemu, kiwa Yerusalemúr wa loohatís.› Anuú AAKOÓ MUNGÚ tí ngina oó'.

YEREMIA 27:20 Iomraidhean Croise

2 WAAWITÁ 24:12

Waawutmo Yehoyakini oo Yuda dabaawós giri haniís dír waawutmoó Babuloni, inós dinkwa nee aayoorose, nee sagadiyuuseerose, nee mukdá' oo urén baraá waawuti'iimarós, nee mukdá' urén oo doó waawutmo. Inós Yohayakini nguwa tseék baraá Babuloni, kureeriiwós a dakaát baraá waawuti'iimaro.

2 QOM'I 36:10

Alaá kurkú wák iwa waaraáhh waawutmo Nebukadnesa mukós guna ya/aáw Yehoyakini kuwa huwi baraá yaamaá Babuloni dinkwa nee xosluudá' tlaxo uren ar Doó AAKOÓ MUNGÚ. Sedekia hhiyoó Yehoyakini guri waawutmoó Yuda nee oo Yerusalemúr wa qaás.

2 QOM'I 36:18

Xoosla sleémeero ar uren nee ar ninakwe ar doó Mungú, nee daqaari'iimár Doó AAKOÓ MUNGUHE, nee daqaari'iimár waawutmoowo, nee daqaari'iimár geeraharuuseero, sleémeero gari huúw ay yaamaá Babuloni.

ISAYA 34:12

Yaamuudae tari ooi, «Waawutmo i kaahh tam geeraharusmoó daadáw i kaahh.»

YEREMIA 22:28

Xáy, heewí ta bay Konia a adór hutloó aa gwaái kudá' ta waaqaaqai nee kuri kwaáhh tsee/ií alé? Ahaá waáy, inós nee na/iiwose gár kisa amór saáw i kwaáhh, baraá yaamaá i xuiiaaká?»

YEREMIA 24:1

Nebukadnesa waawutmoó Babuloni, Yekonia garmoó Yehoyakimu waawutmoó Yuda guna Yerusalemúr wa loohatís ay yaamaá Babuloni, dinkwa nee geeraharuusér Yuda, nee mukdá' maray tlehhtuwo gi xua, nee kareerahe. Aluudae AAKOÓ MUNGÚ aníng ina iigu'uútuwí laqán. Aníng lakwaantoó tsár oo /aantsír aa hamat una ár kwa qaás dír geeraá Doó AAKOÓ MUNGÚ.

YEREMIA 27:21

«Iia qaasaak kángw anuú AAKOÓ MUNGÚ Aleesleemusmo, Munguú Israeli ni kah daanduú xoosladá' taa geexayi baraá Doó AAKOÓ MUNGÚ, nee baraá doó waawutmoó Yuda, nee baraá gixsár Yerusalemu.

YEREMIA 29:2

Yeremia barwito'o ngiwa gooín a alaá waawutmo Yekonia, nee waawuto'o aayoorós kiwa ar tláy Yerusalemúr wa ale, dinkwa nee mukdaádá' taa karmuumúy, nee mukdá' urén oo Yuda nee oo Yerusalemu, nee mukdá' mura' tlehhituwo gu xuú' nee kareerá.

YEREMIA 35:1

De'emaá waawutmo Yehoyakimu garmoó Yosia, waawutmoó Yuda, Yeremia axweesantá AAKOÓ MUNGÚ gana axaás, i kat,

DANIELI 1:2

Aako Mungú Yehoyakimu waawutmoó Yuda guna máy kuwa oohi nee waawutmoó Babuloni, nee xooslaá Doó Mungú giri bahh ar tláy ay baraá yaamaá Shinari, ay baraá doó munguúwós. Xosluudá' gari baáts baraá doó munguúwós.

Matayo 1:11

Yosia ina laqwaál Yekonia nee hhaeewós, qoomár múk Israeli kuwa loohatís baraá yaamaá Babuloni.

Matayo 1:12

Nee alaá muu kuwa loohatís baraá Babuloni, Yekonia ina laqwaál Shealtieli. Shealtieli ina laqwaál Serubabeli.

Matayo 1:17

Gawaá adoorihe iimír Abrahamu wa tleemu ay Daudi a qari mibaá nee tsiyáhh. Nee iimír Daudi wa tleemu ay qoomár loohatimisuú muu baraá yaamaá Babuloni a qari mibaá nee tsiyáhh. Nee iimír loohatimisuú muu baraá yaamaá Babuloni ay Kristo kuwa laqwaál a qari mibaá nee tsiyáhh.