YEREMIA 27:19 - Biblía Axweesantá Hhohho' ar Mungú 2004

¹⁹ Asma daanduú uheemiwo, nee impuudá' muqslár sirbo/e, nee kiteeridá' xoosla kay qamaamin, nee xoosla sleémeero tidá' taa geexáy baraá gixsarí aleeró,

YEREMIA 27:19 Iomraidhean Croise

1 WAAWITÁ 7:23

Aluuwo tlahhsár ma'aay ar muqslír sirdaa/aat ar ta weeqatís gari tleéhh. Didá' gaa harwet gana tleéhh, saweemaá baraay a miíta tsár, nee gawa tlenaangós a harqoomoó miíta tsiyáhh nee tlaqi, nee harweeramoorós a miíta mibaá nee tám nee gár niina.

1 WAAWITÁ 7:27

Gaardaá faanqw awa muqslaadá' da/aten gina tleéhh, umuú gaáriro tlenaangós a miíta tsár ga nakaa/, bihheerós aqo malé adoodá', tlenaangós oo gawa a miíta wak nee gár niiná.

2 WAAWITÁ 25:13

Múk Kaldayo uhmoodá' sirdaa/aát, kuduú baraá doó AAKOÓ MUNGÚ, kuna naasúy giqaango dinkwa nee kitaangós nee tlahhsár taa tleéhh ar muqslír sirdaa/aat, tidár baraá doó AAKOÓ MUNGÚ nee muqslaadá' sirda/aten kari ar tláy ay yaamaá Babuloni.

2 WAAWITÁ 25:17

Umuú uhmoowo tlenaangós a miíta dakaát, gawaá ságw uhmoowo muqslár sirdaa/aat ar tlenaango miíta wak nee gár hhaawaaká i deer. Umuú ságw uhmoowo kuna harweér qaaliro ar slaqsa'aá mamaá komamaánga sleémeero ar muqslír sirdaa/aat.

2 QOM'I 36:18

Xoosla sleémeero ar uren nee ar ninakwe ar doó Mungú, nee daqaari'iimár Doó AAKOÓ MUNGUHE, nee daqaari'iimár waawutmoowo, nee daqaari'iimár geeraharuuseero, sleémeero gari huúw ay yaamaá Babuloni.

WA/AA/I 1:10

Wakuuse daber'ín gaa looloqós, gawaá muruudá' sleémeero tlaxo gawdén. Inós xoordu gaa aán niwa daraahiya' didá' hhoohhoo', mukdá' kuúng taa sí' niwa dahiya' baraá alqaatír mukók.

DANIELI 1:2

Aako Mungú Yehoyakimu waawutmoó Yuda guna máy kuwa oohi nee waawutmoó Babuloni, nee xooslaá Doó Mungú giri bahh ar tláy ay baraá yaamaá Shinari, ay baraá doó munguúwós. Xosluudá' gari baáts baraá doó munguúwós.