YEREMIA 27:18 - Biblía Axweesantá Hhohho' ar Mungú 2004

¹⁸ Barnaxes inooín an aaruuse, nee kinga ya/aáw nee AAKOÓ MUNGÚ, gimáy, inooín AAKOÓ MUNGÚ Aleesleemusmo ngu harhheehhe'eesiye', as xoslaadá' aa met baraá Doó AAKOÓ MUNGÚ, nee baraá doó waawutmoó Yuda, nee baraá gixsár Yerusalemu, makawa ar tláy ay yaamaá Babuloni.

YEREMIA 27:18 Iomraidhean Croise

IIMU/UUNGW 20:17

Abrahamu Mungú guri firín, Mungú Abimeleki nee aamaarós nee sagadiyuuseerós giri hungu/uús as niwa malé laqwaaliya'.

1 WAAWITÁ 18:24

Daqaní kuungá' Munguúhúng ku firiindá', nee aníng AAKOÓ MUNGÚ u firiím. Munguúdá' firo ngaa mu/aywaats ar asla, inós an Munguú ló'.» Sleémeero tari oó', «Gár ló' aga ó'.»

1 WAAWITÁ 18:26

Aaruuseedár Ba'ali awuuín nguri tsawaariyé', nguri amohhe'eesiyé', Ba'ali nguri iimu/uné' firooro, iimír matlaatlér wa ale ay /ameetleemu. Nina ni/iné' nee kitangwduú ilahhooa taa tleéhh nguna harweeditiyé', tawa kaahi, «Ba'aáli, atén ti iiaárií qas!» Ala afór taa axaás i káhh, laqaá heé gaa mu/aywaats i kaahh.

2 QOM'I 32:20

Waawutmo Hesekia nee aarusmo Isaya garmoó Amosi, Mungú nguna firiné' nee nguna i /aa/iyé' as ngiwa alee/iisi daanduú muruuwí sleémeerowo.

YEREMIA 15:1

Naagáy AAKOÓ MUNGÚ aníng iri báy, «Tam geera Mose nee Samueli i sihhitiia dír geeraaeé' as iwa firina', tam adoorihe aníng mukwí u baloó gurtlawaaká. Dir'eene amór saaw tay hiinges, diirihe ni quutliye'.

YEREMIA 18:20

Xáy, hhooeema kin búi ar tlakweema? Ala iga bohóngwí fooliyé'. Inslaweek adoodá' aníng kuúng uwa firiím, as kiwa gár hhoó' i tlehh, mikiwa sláy nee buhhtaawók.

YEREMIA 42:2

tari amór aarusmo Yeremia káy, nguri bayé', «Na'amaamís, firoorén iiárií qaaseek nee ateéká' aga meetaan ti aleefiriin dír AAKOÓ MUNGÚ, Munguúwoge, (Asma atén aáng ti ló'wa úr, ala hám a peeroó tawo, adoorí hamí kuúng kar ga/eera.)

YEREMIA 7:16

Ala kuúng Yeremia, mukwí mu aleefirimaar, sleeme án mi i /aa/amimaar as inooín, nee mi aleefiririmaar, nee án mi harhheehhe'eemisaar as inooín, asma aníng kuúng u iiárií qaasaaká.

ESEKIELI 14:14

tam geera Noa, nee Danieli, nee Yobu in baraá yaamuuká' i diri'iia, inooín mukwí /iisaro ngu aleeslay'aaká, aqo har slafingw'ín ngun ba/amisiyá', as gan'amuuín kudá' i koná'. Anuú Aakoó MUNGÚ tí aga oó'.

ESEKIELI 22:30

Heé koo/i ga tleéhh nee oo sihhiít didaádaá fee/it dir'eene, as yaamu ngiwa harmagaahhi as miwa hhitiím, una leeleéhh baraaine, ala uga slawiiká tam oo wák.

MALAKI 1:9

Ala daxta aníng kuungá' nu firiím, gurhhooár Mungú na firiimaak, as tiwa gurtlay. Barnaxes muruú adoosíng i baraá dabaahúng daahh, xáy, Mungú nuqo hhoeemií tleéhhi?

1 SAMUELI 12:19

Muu sleémeero Samueli kuri báy, «Ti aleefiriin, ataá lawaaleerók dír AAKOÓ MUNGUHE, Munguúwók, as mawa qatlaán, asma tlakweemaarén iga doogaán, sleémeero ar tlaákwarí waawutmo kuwa gurií ba/aán.»

1 SAMUELI 12:23

Tam adoorihe amór bartá aninge, aníng AAKOÓ MUNGÚ muwa tlakweemií tleéhh ar kuungá' nuwa maw aleefirooro, ala nun intsaahhatís baraá lohaá hhoe nee awa ganaa'ae.

1 SAMUELI 7:8

Xoorór Israeli Samueli guri beér, «Miti mawaar alefirooro dír AAKOÓ MUNGÚ, Munguúrene, as atén tiwa ba/amisi dír dabaá mukuú Filistiro.»