YEREMIA 26:9 - Biblía Axweesantá Hhohho' ar Mungú 2004

⁹ Ahaá waáy, masa aariín ar umuú AAKOÓ MUNGÚ tawa kat, ‹Do'owí i adór kuduú Shilo tleehhiit, nee gixsarí i deewa'amérí mét, múk baraaká' wa hoót i kaahh?› » Muu sleémeero Yeremia guri harweér baraá Doó AAKOÓ MUNGÚ wa aleeró.

YEREMIA 26:9 Iomraidhean Croise

2 QOM'I 25:16

Ala qoomár heé Mungú axweesantí ngiwa hhe'eesiiká, waawutmo Amasia guri báy, «Xasliít kuúng, a xaylá kuúng tuwa hara'ayusmoó waawutmoó wa qaás? Hamí an slá'a tuwa gaasi?» Aarusmoodá' iri xasliít, iri malé oó', «Aníng a xuú' adór Mungú ngira ístí tsaát kuúng uwa hhaamiis as adoorí taa tléhh, slamí hamí hara'ayar'eé' aga sí'.»

ISAYA 29:21

Mukdá' baraá kwasleemaro axweesanoó múk hhitatiím, mukdá' gan'amuú hee gu warqeés ar lamemooín, mukwí sleémeero ku qwaarees.

YEREMIA 32:3

Asma Sedekia waawutmoó Yuda Yeremia guna tseék iwa kaahi, «Ahaá waáy, kuúng mas aariiriín tawa kat, AAKOÓ MUNGÚ i kaahi, ‹Ga/aaweek, gixsarí a haniís gawaá dabaá waawutmoó Babuloni, inós gari hayoh.

YEREMIA 33:10

AAKOÓ MUNGÚ i kaahi, «Baraá gixsarí kuungá' tawa kata'a, muu i kaahh laqaá makaay, eeít gixsár Yuda nee baraá lohdaá gixsár Yerusalemu, tidá' múk koomaaká laqaá makaay, baraakae

YEREMIA 36:29

Nee daanduú waawutmo Yehoyakimu waawutmoó Yudawo ta o', anuú AAKOÓ MUNGÚ a kah, kuúng kitaábuudá' una dá/, a didií kat, ahaá waáy gár kángw waawutmoó Babuloni ngusa gooín, iwa kaahi, ‹Yaamuuká' gi hhitín, muu nee makaywo giri hhaamiis.›

YEREMIA 9:11

AAKOÓ MUNGÚ i kaahi, «Aníng gixsár Yerusalemu a ufuú tse/ewasi tleéhh, tay dír qatuú intsaawe. Gixsadaá Yuda in xaanxay tleéhh, heé gi hoót iri qwaar.

WA/AA/I 4:13

Tí sleémeero ina tleehharút as tlakweemaá aaruuseerós nee dakuúsár kaahamuuseerós. Inooínaadá' múk hhó' ngwa tawo tsu/iye' baraá tla/ángw gixsa.

AMOS 5:10

Kuungá' múk kuqá' naanaqaám un ahhitá', nee heé looeemaá axweés una artá wa meeré' baraá doó kwasleemaro.

MIKA 2:6

Muu aníng in babay, «/Aymi'iisíng awa sakwasleema mingi atén babawaar, kangwsíng ta kat mu alki/iitaar. Asma Mungú atén ti mureekeesiiká.

Matayo 21:23

Yesu iri dáh baraá Doó Mungú. Kaahamuusér uren ar Mungú nee bariisér múk Yahudi Yesu kuri i daqáy qoomár iwa intsaahhatimisi, kuri báy, «Muruuwí aleesleemuú kur tlehhit a gaalá? Nee heé aleesleemuuwí ngwa kuúng i haniis a heemá?»

Matayo 27:20

Kaahamuusér uren ar Mungú nee bariise boo/aay kuri harakeemiís as Baraba kunguwa duuxi, nee Yesu kuwa gaasi.

Marko 15:11

Ala kaahamuusér uren ar Mungú boo/oó muu gway fuqunií qás as Baraba kuwa gweeri.

Yohana 8:20

Yesu axweesanaywí guna axweés qoomár iwa baraá Doó Mungú wa intsaahhatimisi, didá' sandakmoó ilahhooa i dirii'. Ala heé Yesu ooharo gwa qiitl i kaahh, asma qoomaarós aa xeeriiká.

Yohana 8:59

Inooín tlaa/e kiri sleemiís as kuwa tlaquuti. Ala Yesu iri nahhaát, iri ti'iít baraá Doó Munguhe.

Tlehhema'aá ya/Abuuse 13:50

Ala múk Yahudi /ameenadá' uren, tidá' Munguú ilaiwawaa/, nee múk urén oo gixsa, kina dukún, muu kuri harakeemiís, as Paulo nee Barnaba kiwa guusi. Paulo nee Barnaba kiri tsee/áy duúx baraá yaamuuín kudae.

Tlehhema'aá ya/Abuuse 21:30

Gixsa sleémeero iri amoqwát, múk baraá gixsa sleémeero iri amoodií ta'aaín, Paulo kuri óh, kuri duuruxún, kuri duúx baraá Doó Munguhe, hamtidár kilae afér do' kari tseék.

Tlehhema'aá ya/Abuuse 22:22

Paulo kuna iiárií qaás ay dír /aymuuwí. Alaá /aymuuwí ooaro nguwa hhe'eés, muu iri tseeamín ar afór ló' wa ur, ta kaahi, «Heewí hingeesaak baraá yaamuwo! I harinká iwa hooti!»

Tlehhema'aá ya/Abuuse 3:11

Heedaádá' taa hungu/uús, tari al dinku'uús nee Petro nee Yohane. Muu sleémeero giri i burumburiít didár islangwdá' ta bay islángw Solomon, muu iri ló' wa waa/oo/amín.

Tlehhema'aá ya/Abuuse 5:12

Ya/abuuse layu nee muruú yaariír oo waa/oo/amór koóm guna tlehhít baraá tla/ángw muko, nee mukdá' aa haratlintii' sleémeero tana burumburimiít baraá matla/ángw Solomon.

Tlehhema'aá ya/Abuuse 5:28

«Atén kuungá' naa ló'wa hara'ayiimániíke niwa kaahaan kuungá' ma intsaahhatimisara' ar umuuwí. Ala hám qaytsité', intsaahhatimisuuhúng Yerusalemu gaa dalaá/, nee kuungá' tseerér heehúng kudá' ngi gawaarén i huwtá wa sla'á'.»

Tlehhema'aá ya/Abuuse 6:14

Asma aga axaasaán i kaahi, ‹Yesu Nasareti diirí ga hhitín nee uunuudá' Mose naa atén i hara'ayín gi warqees.› »

YOSHUA 18:1

Alaá xoorór Israeli yaamu ngiwa ót, looár wake nina burumburitiyé' Shilórí ale, heémár Mungú ngiri kiki'iyé'.