YEREMIA 26:6 - Biblía Axweesantá Hhohho' ar Mungú 2004

⁶ naagáy aníng do'owí un adór kuduú Shilór wa hhitiím, nee gixsarí an adór gixsár taa lu'ús tleéhh dír xoordu sleémeero awa daanduú yaamuwo.› »

YEREMIA 26:6 Iomraidhean Croise

2 WAAWITÁ 22:19

Aníng /aa/eewók iga axaás, asma kuúng tawa hhu'u'uún, nee kuúng taa niinawés dír geeraeene qoomár /aymi'iiká' kiwa axás daanduú yaamuuká' nee yaamuloouseerose, as tawa yaamaá deewa'ame nee lo'o. Kuúng tlabaawók iga feehhamís nee aga ló'wa /aa/amiín. AAKOÓ MUNGÚ adoorí gana káh.

ISAYA 43:28

Gawaá adoorihe aníng geeraharuuseedá' hhohho' an meeta gaás. Aníng múk Yakobo nguri hhaamiís, nee múk Israeli nguri máw kuwa /oosliislin.»

ISAYA 65:15

Mukdá' naa tsawaár umerhúng ganar lu'umis nee Aakoó MUNGÚ kuungá' nun tsuu/, ala sagadiyuuseerós gan umuú /abén i tsaat.

YEREMIA 24:9

Aníng inooín in gár dae tlaaq tleéhh baraá waawuti'iima sleémeero ar daanduú yaamuwo, inooín kiri niqín nee kiri waaqaqaa', nee kiri waaqaseesén nee kiri lu'umis umuúqo dír ngi loohatisi baraá yaamuwo.

YEREMIA 25:18

Ana giiriím ar Yerusalemu, nee gixsadaá Yuda, nee waawitaáín nee geeraharuuser'ín, as kahhó' iwa xaanxay tleehhitiya', nari deewaaiyá', nee tawa gár ta waaqaqai nee ar ta lu'umisi. An adór i dirii'iya' ay laarí.

YEREMIA 29:18

Aníng in aldáh ar slaqwara, nee giyeé nee tiqtír pu/i. Inooín ngiri adór gár ta waki tleéhh baraá waawuti'iima sleémeero ar yaamuwo. Inooín tari gár ta lu'umisi, nee gár waa/oo/amór huwahuuw nee gár ta waaqaaqai baraá xoordu sleémeero kudá' ngay guusi.

YEREMIA 29:22

Mukdá' taa loohatís baraá yaamaá Babuloni Yerusalemúr wá alé, barta lo'ór huwahuuw tari kaahi, ‹AAKOÓ MUNGÚ masók un adór Sedekia nee Ahabu tleehh, kudá' waawutmoó Babuloni a baraá ásltí daá/.›

YEREMIA 42:18

«Anuú AAKOÓ MUNGÚ Aleesleemusmo, Munguú Israeli a kah, ‹Adoodá' buhhtaaeé' nee adoodá' nira qa/iít dír yaamuloouusér Yerusalemu an adoodá' nir buuhh dír kuungá', barnaxes aga tleeré' baraá yaamaá Misri. Kuungá' tari adór gár taa ló'wa aáhh, nee ar dae tlaaq, nee ar ta lu'umisi nee ar ta niqisi. Kuungá' yaamuuká' i baloó malé aanda'aaká.› »

YEREMIA 44:22

AAKOÓ MUNGÚ tlehhmi'iihúng kudá' tlákw sa qitluuwo gina harslaaqaát, nee muruuhúng kudá' ta waki taa tlehhaahhité', gawaá adoorihe yaamu niri deewaiyé', nee niri xaanxay tleehhitiyé' tari adór gár taa lu'ús, tam heé gi hoot i kaahh, adoodá' hám laarí i dirii'iya'.

WA/AA/I 2:15

Muu sleémeero oo baraá loohiro waraáhh tsa/i gin muux as kuúng, tan niqimis nee sage ngin diingimisiyá' as múk Yerusalemu tawa kaahi, «Gixsarí a tidá' aáng tawa kaáhiíke, hhohhoaarto aa harwaaráhh tidá' yaamu sleémeero naa saqwalaala/iyé'?»

WA/AA/I 2:16

Wakuuseerók sleémeero in niqiín, nee in miitleeliín, nee in /atlí /ayiyá', slám i kaahiya', «Aga hhaamiisaán, baalaarí an tidá' taa damraaramaán, hamí aga i hardahaán nee a ga/aawaán!»

DANIELI 9:11

Múk Israeli sleémeero dabeerók gaa sií', kuúng ugwa geexayé', nee axweesantók ngaa iialooesi'iiká. Atén lo'odá' taa gooín baraá dabér Mose, sagadiyusmoowók, taa /ák, asma kuúng ugwa sadakusaán.

SEKARIA 5:3

Aluuwo iri báy, «Gár taa baraá kitaábuuwí gooín a lo'oodá' yaamu sleémeero gi /aay. Bihhaá wák awa kitaábuudae gár taa gooín a adór fisuuse kar qwaareesi iimír hamí ar harqoomoó lo'oodá', bihhaá tsare gár taa gooín a adór mukduú lo'ór lama ga /aa/aáy kur qwaareesi iimír hamí ar harqoomoó lo'oodá'.»

MALAKI 4:6

Nee inós xwayliité nee na/ii'ín gin dinkwaárií ki/is. Bar adooriheeká, án geera naa qaroó hardáh as kuungá' nuwa qwaarees, nee yaamuuhunge.»

YOSHUA 18:1

Alaá xoorór Israeli yaamu ngiwa ót, looár wake nina burumburitiyé' Shilórí ale, heémár Mungú ngiri kiki'iyé'.