YEREMIA 26:4 - Biblía Axweesantá Hhohho' ar Mungú 2004

⁴ «Inooín ki beer, AAKOÓ MUNGÚ i kaahi, ‹Barnaxes aníng iga iiárií qasi'iiká, nee daber'eé' tidá' naa qaás aga eehadi'iiká,

YEREMIA 26:4 Iomraidhean Croise

1 WAAWITÁ 9:6

Ala bar aga warqeeré', aníng eeharahaduuwo iri meerá', kuúng nee na/iiwoge, hara'ayar'eé' nee kaahir'eene kiri meeré' ooharo, tidá' naa dír geerahúngí qaás, slám tari tleerá' munguaá hatlá' kiri sagadiyusá' nee kiri sluufmisá',

ISAYA 1:20

Bar aga sié', tay dee/aanuté', tundu qwaarees ar paánga, asma AAKOÓ MUNGÚ tí gana oó'.»

YEREMIA 17:27

Ala barnaxes kuungá' aníng iga iiárií qasi'iiká, nee deelór hhoohhoo' ar Sabaáto bar aga harmagahhi'iiká, nee huwa loohisooro aga meeri'iiká, nee kawa ar darta ar afér gixsár Yerusalemu bál deelór Sabaátoro, naagáy, aníng afér gixsár Yerusalemu a ásltí oohiís, nee maraá waawitá sleémeero kudá' baraá Yerusalemu giri /ák, nee heé asltadá' gaasaro ga aleesláw i kaahh.»

YEREMIA 22:5

Ala barnaxes aga iialooeesi'iiká baraá axweesante'eé' tihe, anuú AAKOÓ MUNGÚ lo'o aga /aáy adór yaamuuká' ngir taangu tleéhh. Anuú AAKOÓ MUNGÚ tí ngina oó'.› »

YEREMIA 32:23

Inooín niri dahiyé', yaamu ngiri oohiyé', ala tidá' kuúng kaa beér nga iiárií qaasi'iiká, tam hara'ayarók nga oohi'iiká. Tidá' kuúng kaa beér ngaa tleehhi'iiká. Gawaá adoorihe, kuúng kiri amotlakweérí húp.

YEREMIA 44:10

Tam ay laarí inooín taa niinaweesi'iká, laqaá ti da'ayumitiiká, laqaá daber'eé' kaa eehariiká nee kaahir'eene, tidá' naa dír geeraahúng i qaás nee dír geeraá baabi'iihúng.

YEREMIA 44:23

Kuungá' gár adoorí nusa sleér asma mooyángw tsuú' kuwa da/a/aandé', nee AAKOÓ MUNGÚ una sadakusé', nee afoorós kawa iialooeesi'iiká nee dabeerós kawa oti'iiká, nee kaahirose nee lamabu'uungose, tam amotlakweerí kuungá' nuri sleér adoorí laarí tay dir'a'.»

YEREMIA 7:14

Gawaá adoorihe kangwdá' naa /imiís dír Shilo un /imiís dír Do'owí taa umuuér ateét, Do'owí kuungá' ta harahhifa', diirí naa kuungá' i haniís nee xwaylitérhúng.

DABE 11:32

Ti ló'wa harmagahhe' kaahi nee hara'ayaro sleémeero boo/esa' ar ilakaahara, nee tidá' aa oó' handá' aníng laarí nga dirhúng i qaás.»

DABE 31:20

Asma qoomár aníng inooín bira huúw baraá yaamaá diihhooár ilwa nee dane, kudá' aníng naa lo'ór wa /aáy ngiwa haniis dír baabi'ii'ín, ala inooín tan /ayín, nee tan aax, tari wahhadiit. Aluuwo inooín tari warqáy, munguaá hatlá' kiri haratlintii', aníng iri si'iyá' nee alqador'eé' ngiri geexayá'.

DABE 4:44

Gaarí an dabeedá' Mose aa haniís dír xoorór Israeli.

DABE 4:8

Laqaá xoorór ur tam ar wák i káhh ar kaahi nee hara'ayár ganaa' ar adór tí ga koom, tí aníng naa dirhúngí intsaahhatís laarí.

Ebrania 6:18

Gawaá adoorihe Mungú muruuwí tsár gwa oó', al'axweesantós nee lo'o. Muruuwí i baloó warqayká, nee Mungú lama ga baloó ooiiká daanduú muruuwihe. Ateéká' inós ugwa i guwaan, muruuwí atén tin ló'wa gurkwa/amis, as harahhifoodá' taa geeraarén i qaás kawa slawaan.