YEREMIA 26:20 - Biblía Axweesantá Hhohho' ar Mungú 2004

²⁰ Heeko wák i deer oo aa aari gaa ar umuú AAKOÓ MUNGÚ, inós a Uria garmoó Shemaya, kuduú gixsár Kiriat-yearimu. Inós ina aariirín daanduú gixsarí nee yaamuukae adoorí hamí Yeremia i tlehhiiti.

YEREMIA 26:20 Iomraidhean Croise

1 WAAWITÁ 18:10

Gám adór AAKOÓ MUNGÚ, Munguúwók ir hotaatina, waawutmo kuúng una leelehhiít baraá xoordu sleémeero nee baraá waawuti'iima sleémeero ar aa máy i káhh. Tam qoomár burkwa báy, ‹Ayaarene i kaahh,› Ahabu xooroodá' gan lo'ór /aymiis ar kuúng tuwa ariiká.

2 WAAWITÁ 23:37

Yehoyakimu tlakweema gina tleéhh dír geeraá AAKOÓ MUNGUHE adoodár baabi'iiwós sleémeero naa tleehhiyé'.

YEREMIA 2:30

Aníng mukók una muúx ala naa ya/ani'iiká, inooín dakuúsar'ín ngiri si'iyé', aaruuserhúng kana tsuú/ ar lawluuhúng adór dirángw slahhaá' kawriro.

YEREMIA 36:19

Naagáy mukdá' urén Baruku nguri bayé', «Kuúng tláw nee Yeremia nahhaaté', dír tay nahhta' tam heé wák mingiwa xuú'.»

YOSHUA 15:60

Gixsadaá hatlá' awa taa haniís a Kiriat-ba'ali, inós sleeme kan babay Kiriat-yearimu, nee Raba. Gixsaduuká' kaa haniís a tsár dinkwa nee ayeemoine.

YOSHUA 18:14

Digmuuín ina bihhaá hatlá' xuú', nari /uwár harweerín ay basa amór tlom'idá' naa bihhaá baskú wa geetiné' awa ti ga/aawá' nee Bet-horoni, iri kumiít ay Kiriat-ba'ali tidá' ta babay Kiriat-yearimu. Gixsarí i dabaá tlahhoó Yuda. Gaarí an wa/aamér digmuuín ira uhín bihhaá /uwawo.

YOSHUA 9:17

Bál tám múk Israeli tana tláy dír xafay'ín wa alé, tay hardáh ay dír gixsadudaá múk Gibeoni. Gixsaduín a Gibeoni nee Kefira, nee Be'eroti nee Kiriat-yearimu.

1 SAMUELI 6:21

Mukwí iri ya/abín amór múk Kiriat-yearimu, tari oó', «Xoorór Filisti sandakmooduú AAKOÓ MUNGÚ ngwa ki/isiyé', qwalaasaré' aweeraré', leehhare', kuungá' ar tlawaak.»

1 SAMUELI 7:2

Sandakmo iri hotaatín deelór yaariire baraá Kiriat-yearimúr wa ale, ay kureeri mibeeri tsár. Nee múk Israeli AAKOÓ MUNGÚ guri i /aa/amín.