YEREMIA 26:2 - Biblía Axweesantá Hhohho' ar Mungú 2004

² «Anuú AAKOÓ MUNGÚ a kah, ‹Sihhiít baraá matla/ángw Doó AAKOÓ MUNGÚ, múk gixsár Yuda kudá' baraaká' wa sluufmamiís kaangwí ti o', muruuwí sleémeero naa kuúng báw, ti o', tam ar wák ma mawaar ooaro.

YEREMIA 26:2 Iomraidhean Croise

YEREMIA 1:17

Hám daxta kuúng Yeremía, ti amohhe'es siinotaywók tseegeek. Tláw tí u babaw ooeek, inooín mi da'ayumitaar, as kahhó' aníng kuúng muwa de'eérí tleés dír geeraaine.

YEREMIA 1:7

Ala AAKOÓ MUNGÚ iri báy, «Ma kaahaar tu niiná, asma amór án kuúng uy qo ya/aawa an daqeér, nee umuúqo gár u bawa an ó'.

YEREMIA 19:14

Naagáy Yeremia iri Tofetír wa tláy amoodá' AAKOÓ MUNGÚ ngway ya/aáw iri aariirín. Inós iri tláy iri sihhiít baraá Doó AAKOÓ MUNGÚ, muu sleémeero guri báy,

YEREMIA 23:28

Aarusmo kudá' tlataawós káh, tlataawós ngi oin, ala kudá' axweesante'eé' ga koóm ngi dahareemisi ar inkihhimu. Muundáy nee aangano iqo tsuwa alqoná'a? Aanuú AAKOÓ MUNGÚ tí ngina oó'.›

YEREMIA 25:2

Yeremia kangwdaádá' guri oó' dír muu sleémeero oo Yuda nee yaamuloouusér Yerusalemu iwa kaahi,

YEREMIA 28:5

Aluuwo aarusmo Yeremia aarusmo Hanania guri ii axweés dír geeraá kaahamuusér Mungú wa ale, nee dír geeraá muu sleémeero kudá' aa sihhiit baraá Doó AAKOÓ MUNGÚ.

YEREMIA 36:10

Naagáy Baruku /aymi'iidaá Yeremia giri baraá kitaábuú wa soomuús dír muu sleémeero iwa axamiisi, gina baraá Doó AAKOÓ MUNGÚ wa soomuús dír kutuwidár Gemaria garmoó Shafani kuduú goousmo. Kutuwirí i didár matla/ángw gawa, dír Afkú /Abén oo Doó AAKOÓ MUNGÚ.

YEREMIA 42:4

Aarusmo Yeremia giri báy, «Aníng kuungá' naa axaás. Ga/aawaak, aníng kuungá' nu aleefiriím dír AAKOÓ MUNGÚ, Munguúhunge as firorhúng tisíng, nee umuúqo gaaro ar AAKOÓ MUNGÚ kuungá' nuwa mu/aywaáts aníng ngi oó'. Aníng gár ni kuungá' wa luu/ i káhh tam ar wák.»

YEREMIA 7:2

«Tláw, sihhiít dír afkú doó Mungú nee axweesantí dahareemiseek, ta o', kuungá' múk Yuda, iia qaasaak kuungaáká' sluufmisuú aa'awá' baraá Doó AAKOÓ MUNGÚ.

YEREMIA 7:27

Naagáy kuúng Yeremia, axweesantí sleémeero an mak dir'ín i ó', ala inooín kuúng u axaasiaaká, in atét ala i ooina'aaká.

ESEKIELI 3:10

Iri male báy, «Heewí, axweesantí ni kuúng babaw sleémeero baraá muunaáwók ti qas, nee iiaárií qaasa hhe'eeseek.

ESEKIELI 33:7

«Heewí, hamí daxta, aníng kuúng ugwa qaás tawa xuumusmoó múk Israeli. Kuúng axweesani bara dir'eé' wa axás, muk'eé' ku gurbú'.

ESEKIELI 40:4

Naagáy iri báy, «Heewí, axáy, ló'wa qaytsiít nee iia qaasa hhe'eeseek. Axáy, ló'wa magaáhh umuú gár ni dirógií laqaama ara hhe'eeseek. Asma kuúng tuna diirií huúw as uwa gaarií laqaam. Múk Israeli ku afoorí ilaharís daanduú tidá' taa aandi.»

Matayo 28:20

Muruudá' sleémeero naa kuungií intsaahhatimís, dir'ínií intsaahhatisak ku oohi. Ga/aawaak aníng a dinkwa nee kuungá' deelo sleémeero ay alhhe'eesoó yaamu.»

Luka 19:47

Nee inós ina baraá Doó Mungú wa intsaahhatimís umuúqo deelooro. Ala kaahamuusér uren ar Mungú nee intsaahhatuusér hara'ayár Mose, nee múk urén oo geeraharuuse loohi kana leelehhiít ar Yesu kur gaasi.

Yohana 18:20

Yesu iri oó', «Aníng ana axweemaamiís dír geeraá muu sleémeero daqisleém. Dír án niwa intsaahhatimaamiis a baraá maraá saaliingw nee baraá Doó Mungú, dír múk Yahudi sleémeero iwa burumburimaamiti. Gár naa axweés ar sufa i káhh.

Yohana 8:2

Looaytleérós matlaatlér boo/e Yesu iri malé kií/ baraá Doó Mungú. Múk yaariír guri i daqáy. Yesu iri iwiít, giri iimu/ún intsaahhatimisuuwo.

Tlehhema'aá ya/Abuuse 20:20

Aníng kuungá' /aymuú nuwa /iít i kaahh. Ala umuúqo gaaro baraá axweesantá Munguhe ana alki/iít, nee ana intsaahhatimís ar geehhoeema laqaá tam baraá maraay, as alee/isayhúng.

Tlehhema'aá ya/Abuuse 20:27

Asma aníng adoodá' sleémeero Mungú i slai dirhúngí alki/iituuwo ngaa mawiiká.

Tlehhema'aá ya/Abuuse 5:25

Siiwadár kilá' heeko wák nay hardáh, iri oó', «Mukdaádá' /isá' taa baraá doó tseegamór i dahasé', haandá' baraá Doó Mungú, ta múk intsaahhatimis.»

Tlehhema'aá ya/Abuuse 5:42

Nee umuúqo daqto baraá Doó Munguhe, nee dír maray'ine, axweesantá Mungú kaa mayká intsaahhatimisuwo, nee alki/ituú Ya/abtór hho' ar Yesu adór inós tar Kristo.

DABE 12:32

«Umuú gár naa kuungá' bawi ti harmagahhe' kawa tlehha' ar ilakaahara, ala ma gaa doogara', laqaá ma /aaresara' baraá hara'ayaarihe.»

DABE 12:5

Ala tlawé' ay didá' AAKOÓ MUNGÚ, Munguúhúng i tsawaari baraá tla/ángw tlahhi'i sleémeero, as umuuwós kuwa xirfayeesa', nee dír hotaawós kawa tlehha', amoodá' an amór kuungá' ta keera'.

DABE 4:2

Hara'aya ma doogara' daanduú tí naa dír kuungá' i ooi, laqaá dír tí naa ooi tam ar wák ma /aareesara'. Hara'ayár AAKOÓ MUNGÚ Munguúhúng tidá' aníng naa kuungií oó' ooharo harmagahhaak.

YOSHUA 8:35

Baraá axweesanaydá' Mose aa gooini tam /aymuú wák oo Yoshua aa soomusiiká i kaahh dír múk Israelírí ale dinkwa nee /ameenaaro nee na/iiwo nee hoomaadá' baraá tla/angw'ín hoota.

Geehhoeemaá 22:19

Nee hee barnaxes garka gaa /aareés dír axweesanoó kitaábuuwí oo aaru'uumaro, daqaní Mungú hariímár heedá' ga hingees baraá xa'anoó slafiingo nee baraá gixsadá' hhoohhooe. Hariímarós ar ta hingeesi an tidá' kangós taa gooín baraá kitaábuwí i alé.