YEREMIA 26:19 - Biblía Axweesantá Hhohho' ar Mungú 2004

¹⁹ Xáy, Hesekia waawutmoó Yuda nee mukós sleémeero Mika ngwa gaasií'i? Aasla'áy, kitaangose Hesekia AAKOÓ MUNGÚ guna ilaiwaá/, nee gurhhooár AAKOÓ MUNGÚ gari firín. AAKOÓ MUNGÚ inslawaywós guri warqeés, kudá' geeraawo ngiwa amotlakwér i huwi. Ala atén a baraá tsaxwaá yaariírí diriaán tiwa kiloorén hhaamisaan.»

YEREMIA 26:19 Iomraidhean Croise

2 SAMUELI 24:16

Ala qoomár malaykamo dakós nguwa tleés amór gixsár Yerusalemúrí ale, as ngiwa hhaamisi, AAKOÓ MUNGÚ inslawaywós guna warqeés, malaykamoodá' múk tsuú/ guri báy, «A ido daxta.» Dakók har'ooheek. Qoomaadae malaykamoó AAKOÓ MUNGÚ aa sihhiít dír bihhaá afeenír balaangw muxta ar Arauna heé Yebusi.

2 QOM'I 32:20

Waawutmo Hesekia nee aarusmo Isaya garmoó Amosi, Mungú nguna firiné' nee nguna i /aa/iyé' as ngiwa alee/iisi daanduú muruuwí sleémeerowo.

2 QOM'I 34:21

«Tlawsé', AAKOÓ MUNGÚ yaahasaare' as aníng, nee as mukwí aa meet baraá Israeliro nee Yudawo, daanduú axweesanoó baraá kitaábuú dabe taa sláy, asma AAKOÓ MUNGÚ aa daa/atúy buhhtaawo as atén, asma baabi'iirén axweesantós ngaa ya/ani'iiká ar adoodá' ir qoon kara gooín baraá kitaábuuwí.»

TI'INAANGW 32:14

AAKOÓ MUNGÚ inslawaywós kudá' tlákw guri máy, kudá' geeraawo i tleehhamór wa slai dír mukós.

ISAYA 26:21

Asma ga/aawaak, AAKOÓ MUNGÚ ni tláy dirós tidá' i dirii'i, as yaamuloouusér yaamuuká' ngiwa muxi as tlakweemaaín, tam tseerduudá' taa ku'umamiís hhape sleeme gi gu/uká, tam tu'uudá' sleeme hhape gi tuuntukká.

ISAYA 37:1

Waawutmo Hesekia kaangwí nguwa axaás, tlabaawós gina feehhamiís as gurhaami. Guniyadu giri tsiít, iri dáh baraá doó AAKOÓ MUNGÚ.

ISAYA 37:4

Dooqa AAKOÓ MUNGÚ, Munguúwók /aymi'iidaá geeraharusmoodá' gaa qo axaás, kudá' aakoowós waawutmoó Ashuru naa ya/aáw as Munguú slaáf nguwa niqisi. Nee doóqa AAKOÓ MUNGÚ Munguúwók inós gu iigahhaat daanduú /aymi'iidá' aa axaasi. Gawaá adoorihe mukwí aa meet aleefiriimang.› »

YEREMIA 26:15

Kár ala, adoorí xu'uti hhe'eesaak, barnaxes aníng iga gasé', kuungá' kiloohúng taa lo'ór ar eeré', as tseerér heé dakuús wásl kawa ku'usé', nee gixsarí aga lo'ór ar eeré', nee múk baraakae. Asma ar tsuwa ló', aníng AAKOÓ MUNGÚ ina ya/aáw as kaangwí ta axasé' nguwa baraá iaahúngí oo'.»

YEREMIA 26:3

Doóqa inooín sleémeero ta axaas, nee tlakweemaaín kiri máy. Adoorí birnga tleehhiyé' daqaní inslaway'eé' daanduú amotlakwér ni huwa as tlehhmi'ii'ín kudá' tlakw naa tlehhaahhitiyé' u warqeés.›

YEREMIA 44:7

«Ala hám daxta anuú AAKOÓ MUNGÚ, Munguú Aleesleemusmo, Munguú Israeli a kah, ahaá waáy, baré kuungá' ti kiloohúng amotlakweerí yaariírí huwaahubá' adoorír alé, baré ti kiloohúng hhaamisá', kuungá' hhawaate nee /ameenaaro, masoomba nee na/aá qaweerowo, tam panmo iri meetiiká baraá yaamaá Yudawo?

AMOS 7:3

Aakoó MUNGÚ guruuwós iri tláy, iri oó', «Adoorí i tleehharutká.»

HABAKUKI 2:10

As adoodá' xoordaá yaariir kiwa tsu/aa/iín, do'ók ugwa mureekesár eér, nee slafiingók kuri kilók qwaarés.

SEKARIA 7:2

Múk Beteli, Sharesa nee Regen-meleki nee múk hatlá' kina ya/aáw, as gurtlemuú AAKOÓ MUNGÚ nguwa firina'.

FAARO 16:38

Asma mukwí ngina huwiyé' dír kitángw ilahhooár AAKOÓ MUNGÚ. Gimáy, xooslarír mukwí taa tsuú/ as tlakweemaaín taataahheek, kwahhuteek as kawa daqa niinawes as tawa muruú kitángw ilahhooa kur tuuntukun. Gaarí an gurbu'utá múk Israeli sleémeero.»

Matayo 23:35

Gawaá adoorihe tseerdu sleémeero awa múk hota ganaá', kudá' taa yaamií ku'uús, nu i ki/iyá', iimír tseerér Abeli wa tleemu kudá' hota ganaá', tam ay tseerér Sakariuú Barakia, kudá' taa gasé' tla/ángw kitángw ilahhooa nee Doó Mungú.

Tlehhema'aá ya/Abuuse 5:39

Ala barnaxes amór i dahh a amór Mungú, hhitimaro a aleesleera'aaká. As adoorí kuungá' mutunduwa tsaáhh tawa adór múk nee Mungú slaqwá'.» Axweesanaywós kuri ya/án.

Geehhoeemaá 16:6

Asma inooín tseerér mukdá' hhohhó' oo Mungú, nee ar aaruuse kana ku'uús, nee hám kuúng inooín iga tseerér i hanís kawa wahi. Nee adoorí a adór hariim dir'ine.»