YEREMIA 26:16 - Biblía Axweesantá Hhohho' ar Mungú 2004

¹⁶ Naagáy, geeraharuuse nee muu sleémeero, kaahamuusér Mungú nee aaruuseero kiri báy, «Heewí dakuúsár aa tleéhh ar iwa gaasár wa harin i káhh, asma nina dirén i axweés ar umuú AAKOÓ MUNGÚ, Munguúrén.»

YEREMIA 26:16 Iomraidhean Croise

ESTA 4:14

Asma kiíng hamí bara xaslít, múk Yahudi ale/isaay nee ba/ama gin loohír hatlár sláy, kiíng tari qwát dinkwa nee múk doó baabuúwók, ala heé ga xuú' a heemá kiíng waawuti'iima gár kasa sleér tam an qoomár adór tí.»

WARA'AMI 94:16

Xáy, heé bartaeé' ngi áw a heemá qoomár múk tlákw bura siaán? A heemá heé gayuueé' dír múk tlakweemaá tlehhiita?

AXWEESANOÓ SAGALOOA 16:7

Hotaá hee bar AAKOÓ MUNGÚ ngwa sla'atisiyé', tam nee wakuuseerós tiri slaiyá'.

YEREMIA 26:11

Qoomaarihe kaahamuusér Mungú, nee aaruuse, niri axweesiyé' dír geeraharuuse nee muu sleémeero kiri báy, «Heewí gár kuwa hariím a gaasa, asma muruudá' aa aarín daanduú gixsarihe, adoodá' kuungá' kilá' iaahunge kura axasé'.»

YEREMIA 34:10

Muu sleémeero nee geeraharuuser'ín, kudá' alqadoodá' ngaa ya/ane' tari kaahi slayé', as lawaale kawa gweeri ar hhawaate nee /ameenaaro, nee tawa kumiitiiká muu lawaalér wa ohiingo. Inooín muu kuri gweér.

YEREMIA 36:19

Naagáy mukdá' urén Baruku nguri bayé', «Kuúng tláw nee Yeremia nahhaaté', dír tay nahhta' tam heé wák mingiwa xuú'.»

YEREMIA 36:25

Tam qoomár Elnata, Delaya nee Gemaria waawutmo nguwa ló'wa firiné' as kitaábuudá' munguwa daá/, inooín gaa iiárií qaasiiká.

YEREMIA 37:15

Geeraharuusedá' mune gari tsú/ dír Yeremia kuri muúx, nguri dahaasiyé' baraá doó tseegamo. Do'oduú goousmo Yonatan kudá' taa doó tseegamo tleéhh.

Matayo 27:54

Geeraharusmooduú askaári nee mukdá' Yesu xuuma, kunseelidá' kawa axaás, nee muruudá' aa tleehharuuti, tari ló'wa da'ayuút, tari oó', «Ar ló', heewí a tsuwá Garmoó Mungú.»

Luka 23:41

Asma sakwasleemarí atene a hariima. Asma tí taa slawaán a tidá' atén wa hariim asma tlehhemi'iirén. Ala kwí gár tlaakw aa tleéhh i káhh.»

Luka 23:47

Nee geeraharusmoó askaári adoodá' ngiwa ár, Mungú guri xirfayeemiís iri oó', «Ar ló', heewí i dakuúsár konká.»

Tlehhema'aá ya/Abuuse 23:29

Aníng ana tsaáhh adór inós gár tlaakw aa tleéhh ir káhh ar gwa'arár wa hariim, laqaá tam tseegamo. Ala gár kuwa sakwasleemuút a garka tiwa slaslay'aaká baraá daber'ine.

Tlehhema'aá ya/Abuuse 23:9

Tsimaahhi iri ló' wa tláhh. Intsaahhatuusér hara'ayár Mose bahh'alé, tidár bartá múk Farisayo, tana sihhiít, kuri lo'wa aleekalaá/, tari oó', «Atén tlakweemaá ta ara'araan dír heewihe i kahhiyá'. Hám wané kwaa tsuwa i axweés nee qeeru laqaá nee malaykamo.»

Tlehhema'aá ya/Abuuse 25:25

Ala aníng ana tsaáhh adór gár tlaakw aa tleéhh ir káhh ar gwa'arár wa hariim. Slám inós waarahhamaá amór waawutmoó múk Roma ngiwa firín, aníng ana slaá' nguwa amoorósí huuw.