YEREMIA 25:9 - Biblía Axweesantá Hhohho' ar Mungú 2004

⁹ aníng daxta xoordu sleémeero awa /iikú dahhá', dinkwa nee sagadiyusmooeé' Nebukadnesa, waawutmoó Babuloni, ngin huúw as yaamuuká' ngiwa ii haraatlaya' nee múk baraakií dirií', dinkwa nee xoordaá inslaawaay sleémeero. Inooín aníng in hhaamiís ló'wa alé, nee ngiri gár dae tlaaq tleéhh, kiri waaniqín, nee kiri waaqaqaa' ay alhhe'eesay wasle.

YEREMIA 25:9 Iomraidhean Croise

2 WAAWITÁ 24:2

AAKOÓ MUNGÚ guri xoordií tleés, xoorór Babuloni nee ar Aramu, nee ar Moabu, nee ar Amoni, yaamaá Yuda kiri i haratláy, nee yaamuudá' kiri hhaamiís adoodá' aáng AAKOÓ MUNGÚ aa oó' ar afér aaruuseerós.

2 QOM'I 29:8

Gawaá adoorihe AAKOÓ MUNGÚ múk Yuda nee oo Yerusalemu guna i daa/atúy buhhtaawo, nee tidá' Mungú ngay tleéhh, muu guri kwisltís, nee sleémeero giri dae tsát, kiri niqimís. Tí sleémeero kuungá' aga aandé' ilaahunge.

2 QOM'I 36:21

Adoorihe axweesantá AAKOÓ MUNGÚ tidá' aa oó' ar loohír aarusmo Yeremia iri bó/, tidá' kah, «Yaamaá i hootiya' i tawo iwiitiyá', ki doosliiká ay kureeri mibeeri faanqw, ar adoodá' kureeraá Sabaáto awa taa boo/eesiiká.»

AXWEESANOÓ SAGALOOA 21:1

Inslawoó waawutmo baraá dabaá AAKOÓ MUNGUHE a adór kutlá ma'aay, gun warqeemiis amór ngur slai,

ISAYA 10:5

AAKOÓ MUNGÚ i kaahi, «Ashuru a adór guhhláy'eé' oo mukdá' naa i buúhh ngur muux.

ISAYA 13:3

Aníng muk'eé' kudá' naa tsawaár ugwa ádbáw nee muk'eé' kuduú miguuse ugwa ateét, kudá' aníng i xirfayeesá' nee baraa/á', as kahhó' buhhtaaeé' ngiwa boo/eesiya'.

ISAYA 39:7

Slám baraá daaqaywoge, bahh'ale kunár tláy baraá yaamaá Babuloni, kuri karmumúy as tawa gadiyuusi baraá doó waawutmoó Babulonír wa ale.› »

ISAYA 44:28

Aníng an kudá' Koreshi gu babáw, «Kuúng an de'eemusmoó muk'eé', kuúng tidá' aníng ni qomeemees an boo/és. Aníng an kudá' gixsár Yerusalemu ga babáw, ‹Kiíng Yerusalemu, ti male /abees tlehhmuwo.› Nee daanduú Doó Munguhe an kah, ‹Iihhafiirír Doó Mungú ka malé iihhaaf.› »

YEREMIA 1:14

AAKOÓ MUNGÚ iri báy, «Slaqwaruusér /iikú daahh múk yaamuuká' hoót sleémeero gu hhaamís.

YEREMIA 1:15

Asma aníng waawuti'iima sleémeero ar bihhaá /iya nee tlahhi'ii'ine ngi tleés. Waawitaáwós sleémeero nin hardah, umuú waawutmowo kitaangós oo waawuti'iima guri qaas dír afér gixsár Yerusalemu, koo/irós badu sleémeerowo kari harweer nee gixsadaá Yuda sleémeero kiri harweer.

YEREMIA 10:22

Iia qaasaak, afo taa i hardát, tsimaahhír xoorór yaamaá /iikú daahh ni hardát, gixsadaá Yuda giri xaanxay tléhh, tari dír hotángw intsaawe.

YEREMIA 12:14

AAKOÓ MUNGÚ i kaahi, «Aníng gár ni oo' i deer dír inslaawoó múk Israeli, kudá' yaamaá naa muk'eé' haniís nga hhitine'. Ga/aaweek, Mukwí tlákw aníng un hingeés baraá yaamuuine. Tam múk Yuda un hingeés baraá yaamuuine.

YEREMIA 18:16

Yaamuuín nga yaamaá dae tlaaqá' tleehhiyé', ki niqín daqisleém. Umuúqo heewo oo aa baraadár waaraahhi in waa/oo/, saga guri muumukuus.

YEREMIA 2:15

Inós kuna i /oroótl nee direeri, inooín naa /orootliyé' ar afór uren. Yaamuuwós nga deeli tleehhiyé', nee gixsaduuwós nga sluhhay tleehhiyé', múk baraadá' wa hoót i kaahh.

YEREMIA 20:4

Asma AAKOÓ MUNGÚ i kaahi, ‹Qaytsiít aníng kuúnguú kilá' u de'eérí tleés, mulqeerók kari dae tláq. Inooín kin tsuu/ ar paánga, nee wakuuser'ín dír ilaawók wa alé. Múk Yuda sleémeero un haniís baraá dabaá waawutmoó Babuloni, inós bahh'ale gin loohatis ay Babuloni, nee bahh'ale gin tsuu/ ar paánga.

YEREMIA 24:9

Aníng inooín in gár dae tlaaq tleéhh baraá waawuti'iima sleémeero ar daanduú yaamuwo, inooín kiri niqín nee kiri waaqaqaa', nee kiri waaqaseesén nee kiri lu'umis umuúqo dír ngi loohatisi baraá yaamuwo.

YEREMIA 25:8

«Gawaá adoorihe, anuú AAKOÓ MUNGÚ Aleesleemusmo a kah, ‹Kuungá' axweesante'eé' kawaqo si'ii'i iiárií qaasaro,

YEREMIA 29:18

Aníng in aldáh ar slaqwara, nee giyeé nee tiqtír pu/i. Inooín ngiri adór gár ta waki tleéhh baraá waawuti'iima sleémeero ar yaamuwo. Inooín tari gár ta lu'umisi, nee gár waa/oo/amór huwahuuw nee gár ta waaqaaqai baraá xoordu sleémeero kudá' ngay guusi.

YEREMIA 35:11

Ala qoomár Nebukadnesa waawutmoó Babuloni, yaamuuká' ngiwa i haraatláy, atén tay ooaán, ‹Qwalaasé', a tlawaán Yerusalemu, as slaqwaruusér múk Kaldayo nee ar Aramuwo kawa ilaguwaan. Hám daxta an hootaán baraá yaamaá Yerusalemúr wa aleeró.› »

YEREMIA 36:2

«Kitaábu tataahheek axweesantadá' naa kuúngí aaiím sleémeero gooimeek, tidá' naa káh daanduú Israeli, daanduú múk Yuda nee daanduú xoordaá hatlá' sleémeero, tidá' naa aaiím iimidá' axweesani ngiwa iimu/uúm nee kuúng, qoomár waawutmo tawa Yosia ay laarí.

YEREMIA 36:29

Nee daanduú waawutmo Yehoyakimu waawutmoó Yudawo ta o', anuú AAKOÓ MUNGÚ a kah, kuúng kitaábuudá' una dá/, a didií kat, ahaá waáy gár kángw waawutmoó Babuloni ngusa gooín, iwa kaahi, ‹Yaamuuká' gi hhitín, muu nee makaywo giri hhaamiis.›

YEREMIA 4:7

Adór dirángw naa baraá nahhaatarós wa ti'iit. Kudá' xoordu gi hhaamiís taa amohhe'eés. Inós naa dír kitaangós wa tláy as yaamuuwók ngiwa hhitin. Gixsaduuwók ngiwa taanguy nee heé baraadá' hoót iri qwaar.

YEREMIA 40:2

Geeraharusmooduú xuumuuse Yeremia guri ar tláy guri báy, «AAKOÓ MUNGÚ, Munguúwók yaamuuká' gina amotlakweérí káh.

YEREMIA 43:10

Daqaní inooín ki beer, AAKOÓ MUNGÚ Aleesleemusmo, Munguú Israeli i kaahi, ‹Ga/aawaak, aníng sagadiyusmooeé' waawutmo Nebukadnesa oo Babuloni ngu huúw, inós kitaangós kuduú waawuti'iima gu qaas gawaá tlaa/eeká' aníng naa luú/ nee hhaftuú waawuti'iimarós guri hhaaf gawaaká'.

YEREMIA 46:20

Yaamaá Misri a adór damár buka, ala seehhamoó /iikú daáhh gan kiihh.

YEREMIA 49:19

Ga/aawaak, adoodá' diraangw nir baraá darmuú Yordanír wa /akuuti ay baraá tla/ángw daqtá bee/aangw, an adoodá' aníng múk Edomu ngur guus baraá yaamuuín wa alé. Aníng geeraharusmooeé' oo aníng i iialooeemiís un tsawaár, nee nguri qaás. Asma heé adór aníng a heemá? Heé aníng i sakwasleemuút a heemá? De'eemusmoó aníng i tlaampa'aás a gaalá?

YEREMIA 6:1

Múk Benyamíni, ti'iité' baraá Yerusalemuro, ta'aaimé' amór amohhooa. Tarumbeéta ufahhaak baraá gixsár Tekoaro, laya laqaamaak amoqár Bet-hakeremu. Asma amotlakwe ni bihhaá /iikú wa hardát dinkwa nee qwanoó ure.

YEREMIA 8:16

Afór farsuín aga axaasaán baraá Dani, kididihoó farsuín oo slaqwara yaamu sleémeero gaa diingiís. Nin hardihiyá' as yaamu nee umuú gaaro ngiwa hhitina', gixsa nee mukose ngiwa hhitina'.

ESEKIELI 12:20

Gixsadaá múk koomá' ki hhaamiis, yaamu niri deewaaiyá'. Kuungá' ka tsahhá' adór aníng tar AAKOÓ MUNGÚ.»

ESEKIELI 16:40

«Wakuuseerók in slaqwaruusér i ya/áp as tiwa i haratlay, tiri gaas ar tlaa/e, nee tiri tlaaq ar paangaduuín.

ESEKIELI 21:11

Kaa duúq nee kaa /awaakeés as kawa qaasi gawaá dabaá tsu/utusmo.

ESEKIELI 26:7

«Anuú Aakoó MUNGÚ a kah, waawutmo Nebukadnesa oo múk Babuloni, waawutmoó waawitá ngu /iikú wa huúw, nee farsuuwós nee gaardaá slaqwaraaro nee slaqwaruuseedá' faras gwa i tsa/aandi, nee slaqwaruusér yaariire, Tiro ngin i haratlayá' ngiri haraweeliyá'.

ESEKIELI 36:5

«Ala hám daxta aníng taa ló'wa buhhtís, aníng xoordaá hatlá' i sakwasleemuút, kawa ure múk Edomu. Inooín adoodá' yaamuueé' ngiwa kooín tleehhiyé' ngina saqwalaala/iyé', aníng iri waaqaaiyé'.

DANIELI 5:18

«Aá waawutámo, Munguú úr baabuúwók Nebukadnesa guna waawti'iimárí haniís nee uraay nee xirif nee aleesleemuwo.

HABAKUKI 1:12

«Kuúng, AAKOÓ MUNGÚ, Munguúeé' Kudá' hhoohhoó', kuúng an daadeer iimír iimu/uungw wasle, nee an baloó alhhe'eesoó koondaaká. Kuúng AAKOÓ MUNGÚ, múk Kaldayo nguna tlés amooréní ale as tiwa sakwasleemuutiya'. Kuúng Tlaá/a, mukdá' ugwa aleesleemuú hanís as atén tiwa muxiya'.

HABAKUKI 1:17

«Xáy, mukduú baraá baratsufayín i dirií' ngu duuxiiaakáhe? Xáy! Aqo xoordu kin tsu/aa/ína ay alhhe'eesay wasle? Ki baloó gurtlaykáhe?»

DABE 28:37

Kuúng tari heé ta aahhi nee heé ta niqin ar axweesanoó bó/ nee oo ta waaqaai baraá tla/ángw muu sleémeero oo yaamuudá' AAKOÓ MUNGÚ kuúng uy huwi.