YEREMIA 25:6 - Biblía Axweesantá Hhohho' ar Mungú 2004

⁶ Kuungá' munguiidaá hatlá' mi eeharaharaara', laqaá mi sagadiyuusara', nee Mungú mu buhhtamisara' ar slaqsi'iihúng, kudá' taa dabaahúngár tlehhé' oo adór Mungú. Kuungá' AAKOÓ MUNGÚ bura ilaiwawa/é' daqaní kuungá' tundu muxiiká.

YEREMIA 25:6 Iomraidhean Croise

1 WAAWITÁ 14:22

Múk Yuda tlakweema gina tleéhh dír geeraá AAKOÓ MUNGUHE. Inós nguri dá/tár ayé' as tlakweemaaín kudá' yaariir ta awa baabi'ii'ine.

2 WAAWITÁ 17:35

AAKOÓ MUNGÚ aáng alqado gana oó' dir'ín, giri báy, «Munguaá hatlá' mi haratlintatiaara' nee mi i tumbarara'amitara', nee mi sagadiyuusara', laqaá mi ilahhooár muruú ta tsú/i hanmiisara'.

TI'INAANGW 20:23

Slaqsi'iidaá munguaá hatlá' awa taa tleéhh ar peésa nee sahaábuwo mi koomara' dinkwa nee aníng.

TI'INAANGW 20:3

«Munguaá hatlá' mi koomaar, aqo har aníng kilooeé'.

YEREMIA 32:30

Asma múk Israeli nee oo Yuda gár hatlá' dír ilaaeene ni tlehhaahhitiya' i káhh, aqo har tlakweema kilooín iimír masoombi'iimar'ine. Inooín gár naa tleehhiyé' i káhh, aqo har aníng ina buhhtamiisiyé' ar gadiyér dabaaín. Anuú AAKOÓ MUNGÚ tí ngina oó'.

YEREMIA 35:15

Umuú daqto nuna sagadiyuuser'eé' ya/abiít ar aaruuse, umuú daqto ngina ya/abiít, niwa káh, ‹Umuú heewo tlehhmi'iiwós kudá' tlakw ngi may, tlehhmi'iiwós ngi qwatsi, nee slaqsa'aá hatlá' munguaá eeharto nee sluufmisuuwo ngi may. Adoorí bara tlehhé', a hotá' baraá yaamuudá' naa baabi'iihúng i haniís.› Kár ala kuungá' iia aga qasi'iiká, laqaá tidá' naa káh aga iialooeesi'iiká.

YEREMIA 44:7

«Ala hám daxta anuú AAKOÓ MUNGÚ, Munguú Aleesleemusmo, Munguú Israeli a kah, ahaá waáy, baré kuungá' ti kiloohúng amotlakweerí yaariírí huwaahubá' adoorír alé, baré ti kiloohúng hhaamisá', kuungá' hhawaate nee /ameenaaro, masoomba nee na/aá qaweerowo, tam panmo iri meetiiká baraá yaamaá Yudawo?

YEREMIA 44:8

Ahaá waáy, gár muner'eé' kas duxuunda' as munguaá hatlá' kiwa fiririindá', kudá' taa dabaahúng ar tlehhité', nee kiwa mooyángw tsuú' i da/a/aanda', munguaá yaamuuká' ta hota' awa múk Misri? Xáy, kuungá' tunduwa hhaamisi an sla'á'a nee tawa múk ta lu'umisi nee tari múk ta waaqaaqai nee xoordu sleémeero awa daanduú yaamu?

YEREMIA 7:6

Kuungá' bar dahaaye a baramaanusa'aaká nee na/aá panaywo, nee /ameenár kwaeeli, nee múk dakuús wásl tsu/utaro bura meeré' baraá yaamukae, nee sleeme munguaá hatlá' eeharahaduuwo bira meeré' as tawa qwada'aaká,

YEREMIA 7:9

Kuungá' a fisisiindá', a tsu/utá', a fuqusá', lo'ór lama an /agá', mooyángw tsuú' un da/a/aandá' dír Ba'ali, nee munguaá hatlá' awa xuaawaslen kiri eehadé'.

HOSEA 1:7

Ala múk Yuda u gurtláw. Aníng AAKOÓ MUNGÚ, Munguúín, in ba/amís. Slám i ba/amisaaká ar ga/ale, laqaá ar paánga, laqaá ar slaqwara, laqaá ar faras, laqaá ar múk faras ngwa i tsa/an.»

DABE 13:2

nee layduudá' aa káh laqaá muruú waa/oo/amo bira tleehharuút, nee bar inós kuungá' naa báy, ‹Munguaá hatlá' eeharaak nee ki sagadiyuusá',› munguaá kuungá' ta xua'aaká,

DABE 28:14

nee barnaxes kuúng aga warqeeriiká baraá axweesantí laarí naa ooi baraá umuúqo gaaro, nee bara warqeeriiká amór bartá doó /iyáy laqaá as doó basáy ar munguaá hatlá' kiwa sluufmisuú eer.

DABE 6:14

Munguaá hatlá' mi sluufmisuú awaara', kudaá xoordudá' naa harweeriye',

DABE 8:19

Ala kuungá' AAKOÓ MUNGÚ, Munguúhúng bura gunqaaresé', nee munguaá hatlá' kiri sagadiyusé', nee kiri sluufmisé', aníng kuungá' laarí nun gurbuú' ar looeemawo, kuungá' a hhaandá'.

YOSHUA 24:20

Kuungá' barnaxes AAKOÓ MUNGÚ ugwa gunqaaresé', munguaá /eetuuse kiri sagadiyusé', inós aqo nun al warqáy, nuri slahh'eemiis, nuri xooro qwaarees kitangw nuwa hhooeemáy tlehhahhiít.»