YEREMIA 25:34 - Biblía Axweesantá Hhohho' ar Mungú 2004

³⁴ Tsuunqumisé', kuungaásingaá de'eemusér muk'eé', nee /aa/é'! Baraá da/arár wa gwaangwaraa'amiité', kuungaá de'eemusér bee/aangw! Deelór kuungá' tunduwa tsu/i, nee tunduwa diyaa/i naa hardát. An pahhá' adór xooslár hhohho'.

YEREMIA 25:34 Iomraidhean Croise

2 QOM'I 36:10

Alaá kurkú wák iwa waaraáhh waawutmo Nebukadnesa mukós guna ya/aáw Yehoyakini kuwa huwi baraá yaamaá Babuloni dinkwa nee xosluudá' tlaxo uren ar Doó AAKOÓ MUNGÚ. Sedekia hhiyoó Yehoyakini guri waawutmoó Yuda nee oo Yerusalemúr wa qaás.

WARA'AMI 2:9

In naasuúr ar hhartá muqsli, kiri parhhamís adór xooslmoó tleei.› »

ISAYA 10:12

Qoomár Aako bar gadiyeérós sleémeero ngaa boo/eés gawaá daanduú tloomár Siyoniro nee Yerusalemuro, inós saga gawduú waawutmoó Ashuru nee daara/aangose gi sakwasleemuut, nee adoodá' tiwa kilós xirfayeemisi.

ISAYA 2:16

Nee gawaá daanduú miringe sleémeero ar yaamaá Tarshishi, nee gawaá daanduú miringe sleémeero tidá' hhohhoe.

ISAYA 30:14

Tsatiitarós a adór gwa'arár hutlaay, adór hutloó aa suwaawa'aat, tam qaambeesamoó asltá ya/aám i kaahh, laqaá oo ta ma'ár islaakwi baraá hhalaango i kaahh.»

ISAYA 33:1

Tsaxwaawók kuúnguusíng hhitaatiím, ala kuúng taa hhitinká. Tsaxwaawók kuúnguusíng al/agaagiím ala kuúng taa al/ayiiká, bál bar aga hhe'és hhitaaro, kuúngú kilá' turi hhitín bal bar muu al/agingo ugwa hhe'és, kuúnguú kilá' turi al/aay.

ISAYA 34:6

AAKOÓ MUNGÚ i paángár kón, aa da/atuúr tseerero, wayo ngaa oohiyé' tseerdu a adór kuqaá deeloó bee/aangw nee oo aara, tlawaanqa a tidár guumbayayáuú gwaandaawe. Asma AAKOÓ MUNGÚ amór Bosraro i ilahhooár muruú ta tsu/i ga hanmiis, tsu/utár yaariir baraá yaamaá Edomuwo i deer.

ISAYA 34:7

Sare/ kun tsuu/ dinkwa nee inooín, awér batlaay nee ar urene kiri tsuu/, yaamuuín niri naa/iyá' tseerduuwo, hhaper'ín iri wahhát as di/i.

YEREMIA 18:22

Masók /aa/e ki axaas baraá maray'ine, qoomár daqtá malguuse bara dir'íní gaanslár húp. Asma inooín bohoongw ngwa fooliyé' as aníng iwa oohiya'. Tsaaxwel ngwa qaasiyé' as ya'aaeé' kiwa ohin.

YEREMIA 22:28

Xáy, heewí ta bay Konia a adór hutloó aa gwaái kudá' ta waaqaaqai nee kuri kwaáhh tsee/ií alé? Ahaá waáy, inós nee na/iiwose gár kisa amór saáw i kwaáhh, baraá yaamaá i xuiiaaká?»

YEREMIA 23:1

Tsaxwaaín de'eemuusedá' bee/ángw hhaamimiis, nee gu baraá qawtantaeé' wa diya/aam.

YEREMIA 25:12

Ala qoomár kureeriiká' mibeeri faanqw birna waarahhiyé', waawutmoó Babuloni un slaáhh dinkwa nee xooroorose. Yaamuukaá múk Kaldayo i hhaamiís asma tlakweemaaín kudá', nee yaamuuká' ngay taangu tleéhh ay alhhe'eesay wasle.

YEREMIA 25:23

Nee yaamuloouusér Dedani, nee ar Tema, nee ar Busi, nee muu sleémeero kudá' sagér deeqwaquút, nee soqoorír gixaaxáw tla/ángw saga.

YEREMIA 25:36

/Aa/aá de'eemuuse iiárií qaasaak, nee uuír geeraharuusér bee/aango. Asma AAKOÓ MUNGÚ qawtanti'ín gaa hhitín.

YEREMIA 27:7

Xoordu sleémeero inós ngun sagadiyuusiyá', nee na/iiwose nee nángw naangose, ay dír waawuti'iimarós baraá yaamuwo i fak. Aluuwo inós xoordaá yaariir nee waawituú yaariír ngun lawaalmooín tleehhiyá'.

YEREMIA 3:19

Aníng ngiwa xuu' geeraawo, kuúng un adór na/ay'eé' tleéhh, yaamaá sla'atimiisá' ngiri kuúngií haniís, aalír ló'wa hhoohhoo' baraá xoorduuwo, ngiwa xuu' geeraawo kuúng in baabuúwógár atét, nee kuúng in baloó meeraaká eeharto.

YEREMIA 48:26

AAKOÓ MUNGÚ i kaahi, «Múk Moabu xufitisaak, asma inooín tina xirfayeemisiyé' as aníng iwa si'iyé'. Gawaá adoorihe, múk Moabu ta gwaagwara'amiit baraá wa/arii'ín wa ale, nee inooín kiri waaqaseesén.

YEREMIA 48:38

Gawaá daandeemaá maraá Moabuwo nee baraá lohdaá urene gár hatlá' i káhh aqo har tsuunqusmo kilós. Asma aníng múk Moabu ugwa kwaáhh adór xooslmoó hee aa sií'. Anuú AAKOÓ MUNGÚ tí ngina oó'.

YEREMIA 50:27

Slaqwaruuseerós tidár adór awe tsu/aak, mawaak i /eetiye' dír tsu/uta. Tsaxwaaín asma deelor'ín naa hardát, qoomar'ín ar muxta naa xeér.

YEREMIA 6:26

Tlabaá guniyadu dahasaak, muk'eé', nee ta gwangwara'amitá' baraá da/arár wa aleeró. Tsuunqumisé' ar /aa/aá uren, adór heé na/aywós oo wák aa gwaa'. Asma heedá' nu hhaamiís ni gaanslár hardah.

WA/AA/I 4:21

Qwalaala/é' nee qaseesemé' daxta, kuungaá Edómu, kuungaásingá' yaamaá Usír hootá', ala xooslmoowuú sakwasleema kungu dirhúng i haniis sleeme as kuwa wata', tay oonimitá' tlabaahúng kay kwakwahhá'.

ESEKIELI 34:20

«Gawaá adoorihe, anuú Aakoó MUNGÚ nun adoorí babáw, Anuú kilá' kángw bee/ángw aa wahhdiit nee kudá' slaqo tlákw un tsaát.

DANIELI 11:8

Munguii'ín kudaá hatlá' giri gagaar ay Misri, nee kudá' taa weeqatisi nee xoosladá' taa tleéhh ar peésa nee ar sahaábuwo. Kureeraá hhawa'aakahe waawutmooduú basa i haratlayká amór waawutmoó /iya.

HOSEA 8:8

Xoorór Israeli kaa guú/, hamí ta baraá tla/ángw xoordaá hatlá' adór xooslmoó ado wásl.

AMOS 5:11

Kuungá' múk narkuute un baramaanuumamisá' nee ohmér yaariir ar angaáno an ohahiindá'. Maraay ina tlehhité' ar tlaa/aá taa tlaáq, ala kuungá' baraá maraysíng i hota'aaká. Kuungá' qamaá sla'atamisá' awa sabiíbu ina mak doslé', ala kuungá' difaáir'ín a wata'aaká.

SEKARIA 10:3

AAKOÓ MUNGÚ i kaahi, «Aníng aga daa/atúw buhhtaawo gawaá daanduú de'eemuuse aníng geeraharuuse a slaáhh, asma AAKOÓ MUNGÚ Aleesleemusmo daqtós ga amohhe'ees. Inós doó Yuda guri adór farásír ilakahaar tleehh baraá slaqwaraaro.

SEKARIA 11:3

Tsuunqusmoó de'eemuuse iiárií qaasaak, asma xirfuuín kwa hhitín, afór /orootlór diraangw iiárií qaasaak, darmuú yaaér Yordani kwaa hhitín.

Yakobo 5:5

Kuungá' baraá slafingwhunge ana hoté' ar hheehha nee ar qwal/uú ilatleeri. Kuungá' munerhúng ana wahhaareemisé' as deeloodá' tunduwa tsu/i.