YEREMIA 25:3 - Biblía Axweesantá Hhohho' ar Mungú 2004

³ «Iimír kurkú mibaá nee tám oo waawuti'iimár Yosia garmoó Amoni, waawutmoó Yuda, ay laarí, kureeri a mibeeri tsár nee tám, baraá kureeriikae aníng axweesantá AAKOÓ MUNGÚ ana axmaamiís nee umuúqo looár tlawa ngin dirhúngí aaiím ala kuungá' a axmaamisa'aaká.

YEREMIA 25:3 Iomraidhean Croise

IIMU/UUNGW 22:3

Abrahamu matlaatlér boo/e iri tláy, daqwaywós guri amohhe'eés, daaqoó tsár nee garmaawós Isaka giri báy, «Ti amohhe'ese' aaií wa alé.» Migiruú ilahhooár da/a guri amohhe'eés, nari tlayé' nee mukós kwihe ay amoodá' Mungú aa oó' dirósí ale.

1 WAAWITÁ 22:3

Ahabu sagadiyuuseerós gari báy, «Xáy kuungá' a xuaa'akáhe adór Ramot-Gileadi tar toorén? Ahaá baré a tawo iwiwiitaán, gusé' a hayoohaán dír wawutmoó Aramuwo.»

2 WAAWITÁ 17:13

Tam adoorihe AAKOÓ MUNGÚ aaruuse nee iigu'utuuse gana ya/aáw as múk Israeli kuwa nanaaqi nee oo Yudawo, iwa kaahi, «Lohduhúng kwisingá' tlakw mawaak, hara'ayar'eé' iiárií qaasaak, nee daber'eé' eeharaak, tidá' aníng aáng na hara'ayiím dír baabi'iihúng, nee tidá' na hara'iyiím ar loohír sagadiyuser'eé' ar aaruuse.»

2 QOM'I 24:19

Tam adoorihe AAKOÓ MUNGÚ aaruuse gana amor'ínií ya/abiít tawa ki/i amoorós, ala muu aaruuseedá' gaa iiárií qaasiiká.

2 QOM'I 34:1

Waawutmo Yosia waawuti'iimár Yuda ngiwa iimu/ún kureeriiwós a dakaát, ina waawuti'ín baraá Yerusalemúr wa alé, kureeri mibeeri tám nee wak.

2 QOM'I 34:3

Kurkú dakaát baraá waawuti'iimarose, qoomaadae inós a masoomoó niiná, inós Munguú baabuúwós Daudi guna leeleéhh ar muunaáwós sleémeero. Kurkú mibaá nee tsare wa/aameedár gawaá gongoama' ar munguaá hatlá' kiwa sluufmiisi gana iimu/ún hingeemisuwo, nee slaqsi'iidaá Ashera, nee kudá' taa hhasliít, nee kudá' taa kwahhuuti.

2 QOM'I 34:8

Kurkú mibaá nee dakaát baraá waawuti'iimaro, alaá yaamu ngiwa hhohhoeés, nee doó Munguhe, waawutmo Yosia muu tám guri ya/aáw doó AAKOÓ MUNGÚ, Munguúwós, kuwa iisluki. Mukdá' a Shafani garmoó Asalia, nee Ma'aseya ga/aawusmoó gixsa, nee Yoa garmoó Yoahasi kuduú goousmo.

2 QOM'I 36:15

AAKOÓ MUNGÚ, Munguú baabi'ii'ín, umuú daqto ya/abuuseerós gana amor'ín i ya/abiít, asma mukós nguwa gurtlay nee didár hootawose.

WARA'AMI 81:13

A gár hhoo' geera bar muk'eé' kangw'eé' ngwa iiárií qaás, nee múk Israeli bar loohir'eé' ngaa slaiyé'.

TI'INAANGW 8:20

Aluuwo AAKOÓ MUNGÚ Mose guri báy, «Matlo matlaatlér boo/e tseewa tláw ta hardát dír Farao qoomár inós bir baraá yaaér káy, nee ku beer, AAKOÓ MUNGÚ i kaahi, ‹Muk'eé' geemaweek, i tlay án iwa sluufmisuú aya'!

ISAYA 55:2

Ahaá waáy gár peésarhúng kas hhitiindá' as gár /aymaarooká, nee tawa gadiyus daanduú gár guruú dalaa/akahe? Aníng kángw kilá' wa iiárií qaasaré', kuungá' daqaní muruú /aymár hhó' u /agá', nee muruú wahhaár kuri saqwalaala/a.

YEREMIA 1:2

Yeremia axweesantá AAKOÓ MUNGÚ ngiwa axaás, Yosia garmoó Amoni, waawutmoó Yuda qoomaadae kureeri ngaa /aáy a mibaá nee tám baraá waawuti'iimaro.

YEREMIA 11:7

Asma baabi'iihúng ina ló'wa gurbuú' qoomár ngiwa duúx baraá yaamaá Misrír wa aleeró, nee ana kumamiít nanaqaango ay laarí niwa kah, ‹Afór'eé' iialooeesaak.›

YEREMIA 19:15

AAKOÓ MUNGÚ Aleesleemusmo, Munguú múk Israeli, i kaahi, «Qaytsiít aníng muruudá' tlákw naa axweemamiís daanduú gixsarihe nee ayeemaá inslaawaywós sleémeerowo ngu huúw, asma inooín sager'ín ngina gawdeesiyé' nee axweesante'eé' ngi axamisiiaaká.»

YEREMIA 22:21

AAKOÓ MUNGÚ ina axweés nee kuungá' qoomár tawa baraá diihhooa, ala kuungá' tari oé', «U iiárií qaasanaaká.» Adoorí an adoodá' tar hotaatinda' iimír tawa masoomba. Kuungá' afór AAKOÓ MUNGÚ aga iialooesi'iiká.

YEREMIA 25:4

Tam AAKOÓ MUNGÚ aaruuserós ngi amorhúngí ya/abaabiti umuú daqto, kuungá' axweesantadá' aga iiárií qasi'iiká, laqaá tam axaasaro aga slai'iiká.

YEREMIA 26:5

nee axweesanoó sagadiyuuser'eé' tidár aaruuse bura axasé', tidá' naa amorhúngí ya/ababiít umuú daqto, tam handá' iga iiárií qasi'iikahe,

YEREMIA 29:19

Adoorí an tleéhh asma kuungá' axweesante'eé' tidá' naa aaiím ar loohír sagadiyuuser'eé', tidár aaruuse aga axasi'iiká, kuungá' ana ló'wa sié'.› Anuú AAKOÓ MUNGÚ tí ngina oó'.

YEREMIA 32:33

Inooín aníng ina alaá xu'usiyé' iga i qayti'iiká, tam aníng inooín iga intsaahhatimisi umuú daqto, ala axweesante'eé' nga iiárií qaasi'iiká, sleeme intsaahhasar'eé' ngaa ilaoohi'iiká.

YEREMIA 35:14

Hara'ayaadá' Yonadabu garmoó Rekabu, aa na/iiwós i hara'ayín ar difaái ngiwa wahiaaká nga boo/eesiyé'. Inooín difaái ka wahanká tám ay laarí, asma hara'ayadár baabuúín ngina iialooeesiyé'.› Ala tidá' aníng ni kuungá' i axweemamiís umuú daqto, kuungá' iga iiárií qasi'iiká.

YEREMIA 35:15

Umuú daqto nuna sagadiyuuser'eé' ya/abiít ar aaruuse, umuú daqto ngina ya/abiít, niwa káh, ‹Umuú heewo tlehhmi'iiwós kudá' tlakw ngi may, tlehhmi'iiwós ngi qwatsi, nee slaqsa'aá hatlá' munguaá eeharto nee sluufmisuuwo ngi may. Adoorí bara tlehhé', a hotá' baraá yaamuudá' naa baabi'iihúng i haniís.› Kár ala kuungá' iia aga qasi'iiká, laqaá tidá' naa káh aga iialooeesi'iiká.

YEREMIA 36:1

Kurkú tsiyáhh oo waawuti'iimár Yehoyakimu, garmoó Yosia waawutmoó Yuda, Yeremia axweesantír AAKOÓ MUNGÚ gana axaás, i kat,

YEREMIA 36:2

«Kitaábu tataahheek axweesantadá' naa kuúngí aaiím sleémeero gooimeek, tidá' naa káh daanduú Israeli, daanduú múk Yuda nee daanduú xoordaá hatlá' sleémeero, tidá' naa aaiím iimidá' axweesani ngiwa iimu/uúm nee kuúng, qoomár waawutmo tawa Yosia ay laarí.

YEREMIA 44:4

Tam adoorihe aníng sagadiyuuser'eé' ar aaruuse ya/abtooro aga mawiiká, niwa kah, ‹Muruuwí ta waki mu tlehhiitara, kwí aníng ni ahhiit!›

YEREMIA 7:13

AAKOÓ MUNGÚ i kaahi, ‹Hám daxta muruuwí kuwa qo tlehhahhiti'i, nee qoomár nuwa i axweemaamiís iga iiárií qasi'iiká, tam qoomár nuwa ateetaatiím aga ooiindi'iiká.

YEREMIA 7:25

Iimír bariiserhúng ngiwa duúx baraá yaamaá Misrír wa alé ay laarí aníng sagadiyuuser'eé' ar aaruuse aga baloó mawiiká ngiwa amor'ín i ya/abiit umuú daqto.

ESEKIELI 33:4

Hee bar afoodár tarumbeéta gaa waaqaá', nee gurbu'utí gaa iiaárí qaasiiká, nee wakuuse niri hardát guri gás, inós slafiingós i gawaá dabaawós i dirii'.

SEKARIA 1:4

Kuungá' ma adór baabi'iihúng tleehhitaara', kudá' aaruuseedár aáng aa beér, lohduuhúng kudá' tlakw mawaak nee tlehhmi'iihúng kudá' tlakwe.› Ala naa axasi'iiká, tam anuú AAKOÓ MUNGÚ iga ilaiwa/i'iiká.

Marko 1:35

Nee matlaatlér boo/e iri tláy iri ti'iít ay dír muu iwa kahhi, iri firín didaádá' wa ale.

Yohana 8:2

Looaytleérós matlaatlér boo/e Yesu iri malé kií/ baraá Doó Mungú. Múk yaariír guri i daqáy. Yesu iri iwiít, giri iimu/ún intsaahhatimisuuwo.

Yohana 8:47

Heé Mungú axweesantá Mungú gaa iiárií qamín. Ala kuungá' a axamisa'aaká, asma kuungá' a múk Munguheeká.»

2 Timoteo 4:2

Ya/abtoorí alki/iiteek, masók tu amohhoó' qoomár hariima nee qoomár hariimaakahe. Tlakweemaá muu geehhooutiseek, iigahhamiiteek, naanaqeek ar qitla sleémeero, nee kiwa intsaahhatimis.