YEREMIA 25:18 - Biblía Axweesantá Hhohho' ar Mungú 2004

¹⁸ Ana giiriím ar Yerusalemu, nee gixsadaá Yuda, nee waawitaáín nee geeraharuuser'ín, as kahhó' iwa xaanxay tleehhitiya', nari deewaaiyá', nee tawa gár ta waaqaqai nee ar ta lu'umisi. An adór i dirii'iya' ay laarí.

YEREMIA 25:18 Iomraidhean Croise

1 WAAWITÁ 8:24

Al'axweesantá taa ó' dír baabuúeé' Daudi aga boo/eés, tidá' taa ó' sleémeero laarí aga boo/és ar aleesleemuuwók oo kilá'.

2 WAAWITÁ 22:19

Aníng /aa/eewók iga axaás, asma kuúng tawa hhu'u'uún, nee kuúng taa niinawés dír geeraeene qoomár /aymi'iiká' kiwa axás daanduú yaamuuká' nee yaamuloouseerose, as tawa yaamaá deewa'ame nee lo'o. Kuúng tlabaawók iga feehhamís nee aga ló'wa /aa/amiín. AAKOÓ MUNGÚ adoorí gana káh.

2 QOM'I 29:8

Gawaá adoorihe AAKOÓ MUNGÚ múk Yuda nee oo Yerusalemu guna i daa/atúy buhhtaawo, nee tidá' Mungú ngay tleéhh, muu guri kwisltís, nee sleémeero giri dae tsát, kiri niqimís. Tí sleémeero kuungá' aga aandé' ilaahunge.

ESRA 9:7

Iimír baabi'iirene tam ay laarí ateékaá mukók kuúng una sadakumamisaán, as tlakweemaarene atén nee waawitarene, nee kaahamuuseerene, taa qaás gawaá dabaá waawituú xoordaá hatlá', tari tsuú/, tiri loohatís, daqaari'iimaarén kari haasaáng wa ar tláy, tiri ló'wa mureekeés adoorí laarí tay diriiaan.

NEHEMIA 9:36

Ga/aaweek, atén a lawaale laarí, atén a lawaale baraá yaamuudá' taa baabi'iirén i hanís as mamuuwós kiwa saqwalaala/i nee qeemuuín kudá' hhoe.

WARA'AMI 60:3

Ala mukók ugwa al'iiloouúr, as buhhtaawók atén tari adór múk taa difaáír waahaás, atén tari oonimiitaán.

ISAYA 40:23

Inós waawitá gun gáwtá wa aweeriis. Geeraharuuse gawaá daanduú yaamuwo a adór gár tawo.

ISAYA 65:15

Mukdá' naa tsawaár umerhúng ganar lu'umis nee Aakoó MUNGÚ kuungá' nun tsuu/, ala sagadiyuuseerós gan umuú /abén i tsaat.

YEREMIA 1:10

Qaytsiít, laarí aleesleemu ngwa haniís daanduú xoorduwo nee waawuti'iimaro as kiwa tu/uun nee kiwa giqeer, aleesleemuú kiwa hhitiin nee kiwa qwaares, nee aleesleemuú kiwa tlehh nee kiwa sihhtis.»

YEREMIA 13:3

Aluuwo axweesantá AAKOÓ MUNGÚ ngiri sagaáwa tsár wa axaás i kat,

YEREMIA 13:9

«Anuú AAKOÓ MUNGÚ a kah, ‹Adoorí an adoodá' sagagawduú múk Yuda ngur hhitiim, nee daara/ángw úr oo múk Yerusalemu ngur hhaamiis.

YEREMIA 24:9

Aníng inooín in gár dae tlaaq tleéhh baraá waawuti'iima sleémeero ar daanduú yaamuwo, inooín kiri niqín nee kiri waaqaqaa', nee kiri waaqaseesén nee kiri lu'umis umuúqo dír ngi loohatisi baraá yaamuwo.

YEREMIA 25:11

Yaamuuká' sleémeero ni taangu tleehhitiyá' nari deewaaiyá', nee xoordaá inslaawaywí waawutmoó Babuloni ngun sagadiyuusiyá' kureeri mibeeri faanqwe.

YEREMIA 25:9

aníng daxta xoordu sleémeero awa /iikú dahhá', dinkwa nee sagadiyusmooeé' Nebukadnesa, waawutmoó Babuloni, ngin huúw as yaamuuká' ngiwa ii haraatlaya' nee múk baraakií dirií', dinkwa nee xoordaá inslaawaay sleémeero. Inooín aníng in hhaamiís ló'wa alé, nee ngiri gár dae tlaaq tleéhh, kiri waaniqín, nee kiri waaqaqaa' ay alhhe'eesay wasle.

YEREMIA 26:6

naagáy aníng do'owí un adór kuduú Shilór wa hhitiím, nee gixsarí an adór gixsár taa lu'ús tleéhh dír xoordu sleémeero awa daanduú yaamuwo.› »

YEREMIA 44:22

AAKOÓ MUNGÚ tlehhmi'iihúng kudá' tlákw sa qitluuwo gina harslaaqaát, nee muruuhúng kudá' ta waki taa tlehhaahhité', gawaá adoorihe yaamu niri deewaiyé', nee niri xaanxay tleehhitiyé' tari adór gár taa lu'ús, tam heé gi hoot i kaahh, adoodá' hám laarí i dirii'iya'.

ESEKIELI 30:7

Yaamaá Misri i xaanxay tleehhitiyá' adór ayeemoodaá xaanxaay. Nee gixsaduuwós i taangu tleehhitiyá' adór gixsadaá taa daá/.

DANIELI 9:12

Axweesantók tidá' taa ó' aga gawdés daandemoorene, nee dír waawitaárene, as gixsár Yerusalemu kawa ló'wa sláhh, ak alé ta gixsadaá hatlá' sleémeero awa daanduú yaamuwo.

AMOS 2:5

Gawaá adoorihe asla a qaás gawaá múk Yuda, asla koo/ír gawit ar Yerusalemu gari /ák.»

AMOS 3:2

iwa kaahi, «Baraá tla/ángw xoordu sleémeero awa baraá yaamuwo kuungá' kiloohúng nun xuú'. Gawaá adoorihe aníng kuungá' nun muúx asma tlakweemaahúng sleémeero.»

MIKA 6:16

Adoorí in tleehharút asma kuungá' hara'aydaá tlakw awa waawutmo Omri ina oté', nee tlehhmi'i sleémeero awa doó garmaawós, waawutmo Ahabu, ina eehadé'. Kuungá' loohir'ín kari eehadé'. Gawaá adoorihe aníng yaamuuhúng i hhitiím, nee kuungá' tari waaqa'atitá'. Múk xoordaá hatlá' sleémeero nuri waaqaa'.»

YOSHUA 6:18

Ala kuungá' ti harmagahhe', gaa ló' ma baloó taatahhara' baraá muruudá' ta hhitina, as kahhó' xafoó Israeli kuwa hhitinká.

1 Petro 4:17

Asma qooma naa xeér ar sakwasleema iwa iimu/uun dír múk Mungú wa ale. Ala barnaxes sakwasleema in iimu/uún dirén wa ale, ala alhhe'eesaywós a adoomá dír mukdaádá' Ya/abtór hho' ar Mungú gaa si'i?