YEREMIA 25:11 - Biblía Axweesantá Hhohho' ar Mungú 2004

¹¹ Yaamuuká' sleémeero ni taangu tleehhitiyá' nari deewaaiyá', nee xoordaá inslaawaywí waawutmoó Babuloni ngun sagadiyuusiyá' kureeri mibeeri faanqwe.

YEREMIA 25:11 Iomraidhean Croise

2 QOM'I 36:20

Mukdaádá' sleémeero aa /uy tsu/utaaro guri ar tláy ay Babuloni, guri lawaaleerós tleéhh nee lawaalér daaqaywós ay qoomár waawuti'iimár Persia iwa iimu/uún.

ISAYA 5:6

Aníng inós an xaanxaay tleéhh, sabiíbuuwós ku alkwasliiká, laqaá ku kakanusiiká. Fuquráy nee laqayaawo ngun alti'iitiyá'. Huunkáy u ádbáw, miwa gawaawósí tluúw.»

YEREMIA 25:12

Ala qoomár kureeriiká' mibeeri faanqw birna waarahhiyé', waawutmoó Babuloni un slaáhh dinkwa nee xooroorose. Yaamuukaá múk Kaldayo i hhaamiís asma tlakweemaaín kudá', nee yaamuuká' ngay taangu tleéhh ay alhhe'eesay wasle.

YEREMIA 25:38

AAKOÓ MUNGÚ mukós gwa tawo geexáy, adór diraangw mar'irós ngir tawo gixaaxay. Yaamuuín naa deewaaiyé' asma slaqwarár mukdá' gi baramaanuús, nee as buhhtaá xaraaslá' awa AAKOÓ MUNGÚ.»

YEREMIA 27:22

Xooslasíng kan ar tláy ay yaamaá Babuloni nee iri amooqá' i mét ay dír ngay sa daawiit. Daqaní qoomaarí an qoomaadá' ngiwa ki/is nee ngay malé qaás diirí. Anuú AAKOÓ MUNGÚ tí ngina oó'.»

YEREMIA 27:7

Xoordu sleémeero inós ngun sagadiyuusiyá', nee na/iiwose nee nángw naangose, ay dír waawuti'iimarós baraá yaamuwo i fak. Aluuwo inós xoordaá yaariir nee waawituú yaariír ngun lawaalmooín tleehhiyá'.

YEREMIA 28:14

Anuú AAKOÓ MUNGÚ Aleesleemusmo, Munguú Israeli an kah, ‹Aníng taaqwantá muqsli ar lawaali'iima aga qaás gawaá isaá xoordu sleémeero, inooín waawutmo Nebukadnesa oo Babuloni ngu sagadiyusiyá'. Slám ugwa makaá slá/tí haniís as ngiwa sawaawuti'in nee nguwa sagadiyuusiya'.› »

YEREMIA 29:10

«Anuú AAKOÓ MUNGÚ an kah, ‹Alaá kureeraá mibeeraá faanqwe awa hotaahúng baraá yaamaá Babuloniro, aníng ni hardáh, qoomaarihe al'axweesante'eé' tidá' ngiri boo/eés ar nuwa ki/is baraá yaamuuká'.

YEREMIA 4:26

Aníng ana qaytsiít, naxés yaamaá hhape hho' nina adór xaanxay tleehhitiyé' nee gixsadu sleémeerowo naa tangwaá tawo tleehhitiyé' asma buhhtadaá xaraaslá' awa AAKOÓ MUNGÚ.

YEREMIA 4:27

AAKOÓ MUNGÚ i kaahi, «Yaamu sleémeero i xaanxay tleéhh, ala sleémeero i ak hhitiimaaká.

YEREMIA 43:10

Daqaní inooín ki beer, AAKOÓ MUNGÚ Aleesleemusmo, Munguú Israeli i kaahi, ‹Ga/aawaak, aníng sagadiyusmooeé' waawutmo Nebukadnesa oo Babuloni ngu huúw, inós kitaangós kuduú waawuti'iima gu qaas gawaá tlaa/eeká' aníng naa luú/ nee hhaftuú waawuti'iimarós guri hhaaf gawaaká'.

YEREMIA 44:22

AAKOÓ MUNGÚ tlehhmi'iihúng kudá' tlákw sa qitluuwo gina harslaaqaát, nee muruuhúng kudá' ta waki taa tlehhaahhité', gawaá adoorihe yaamu niri deewaiyé', nee niri xaanxay tleehhitiyé' tari adór gár taa lu'ús, tam heé gi hoot i kaahh, adoodá' hám laarí i dirii'iya'.

ESEKIELI 12:19

Múk yaamuuká' baweek, Anuú Aakoó MUNGÚ a kah daanduú yaamuloouusér Yerusalemu, tidá' baraá yaamaá múk Israelír hoota, kaangwí baweek, Muruú /aymar'ín ku /aay ar dae, nee ma'aay kin wahán ar amoqwaqwadiingw, asma yaamuuín nin tawo meetiyá', asma umuú heewo a /aytusmo.

ESEKIELI 29:11

Heé baraadár waaraáhh i kaahh, laqaá makiito'o. Heé baraadá' wa hoót i kaahh ar afiqoomár kureeri mibeeraá tsiyahhe.

ESEKIELI 6:14

Aníng dakw'eé' u tleés gawaaíní aleeró, nee yaamuuín i hhitiím ngiri taangu tleéhh, iimír amór xaanxoó bihhaá basa ay gixsár Ribla bihhaá /iiko, yaamuuín i taangu tleéhh as dír hota mingiwa slayé'. Inooín sleémeero ngiri tsaahhiyá' adór aníng tar AAKOÓ MUNGÚ.»

DANIELI 9:2

anuú Danieli kitaaba'aá hhohho' ina soomuús, ngiri tsaáhh adór AAKOÓ MUNGÚ aa xu'utís dír aarusmo Yeremia daanduú kureeridaá mibeeri faanqwe, kudá' gixsár Yerusalemu kawa hhitin.

TLAHHOÓ LAÁWI 26:32

yaamuuhúng in hhitiím tam wakuuserhúng ar baraadií loohoó slaa' kiwa waa/oo/i.

MIKA 7:13

Ala Mungú yaamu gi hhitín, asma tlehhma'aá tlakw awa múk baraadá' wa hoót.

SEKARIA 1:12

Aluuwo malaykamoodú AAKOÓ MUNGÚ iri ilawaáts, iri oó', «Aá AAKOÓ MUNGÚ Aleesleemusmo, ay xaylá Yerusalemu ka siaiin gurtleemuuwo, nee gixsadaá Yudawo, kudá' taa i buhhahhiín kureeriiká mibeeraá faanqwe.»

SEKARIA 7:5

«Muu sleémeero nee kaahamuusér Munguhe ki beer, ‹Qoomár tawa gwaawiindé' nee tawa tsuunqumiisé' umuúqo slahhángw kooán nee oo faanqwe, baraá kureeriká mibeeri faanqw awa naa waarahhii'i, xáy aníng ina sa gwaawiindí'i?