YEREMIA 24:1 - Biblía Axweesantá Hhohho' ar Mungú 2004

¹ Nebukadnesa waawutmoó Babuloni, Yekonia garmoó Yehoyakimu waawutmoó Yuda guna Yerusalemúr wa loohatís ay yaamaá Babuloni, dinkwa nee geeraharuusér Yuda, nee mukdá' maray tlehhtuwo gi xua, nee kareerahe. Aluudae AAKOÓ MUNGÚ aníng ina iigu'uútuwí laqán. Aníng lakwaantoó tsár oo /aantsír aa hamat una ár kwa qaás dír geeraá Doó AAKOÓ MUNGÚ.

YEREMIA 24:1 Iomraidhean Croise

2 WAAWITÁ 24:10

Qoomaadae slaqwaruusér Nebukadnesa waawutmoó Babuloni ina haratleér amór gixsár Yerusalemu, gari harwét.

2 QOM'I 36:10

Alaá kurkú wák iwa waaraáhh waawutmo Nebukadnesa mukós guna ya/aáw Yehoyakini kuwa huwi baraá yaamaá Babuloni dinkwa nee xosluudá' tlaxo uren ar Doó AAKOÓ MUNGÚ. Sedekia hhiyoó Yehoyakini guri waawutmoó Yuda nee oo Yerusalemúr wa qaás.

ISAYA 13:1

Kaangwí a iigu'utuú aarusmo Isaya, garmoó Amos aa ár daanduú Babuloniro.

YEREMIA 13:19

Gixsadaá Negebu sleémeero kaa afe tsegiít, heé gweeraro gi aleesláw i kaahh. Múk Yuda sleémeero kura tláy baraá loohaay, inooín sleémeero kaa huúw baraá lawaali'iima.»

YEREMIA 27:20

tidá' waawutmo Nebukadnesa oo Babuloni aa geexáy qoomár Yekonia garmoó Yehoyakimu, waawutmoó Yuda nee mukdá' ta ilaiwawa/i sleémeero oo Yuda nee oo Yerusalemu, kiwa Yerusalemúr wa loohatís.› Anuú AAKOÓ MUNGÚ tí ngina oó'.

YEREMIA 28:4

Sleeme Yekonia garmoó Yehoyakimu, waawutmoó Yuda, dinkwa nee muu sleémeero oo Yuda, kudá' taa loohatís ngu ki/ís. Kár eeít, taaqwantidár waawutmoó Babuloni a geqáw, Anuú AAKOÓ MUNGÚ tí ngina oó'.› »

YEREMIA 29:1

Kaangwí an axweesanoó barwito'odá' Yeremia aa gooín amór Yerusalemúr wa alé dír bariise nee kaahamuusér Mungú, aaruuse nee dír muu sleémeero, kudá' waawutmo Nebukadnesa a yaamaá Yerusalemúr wa loohatís ay Babuloni.

YEREMIA 29:2

Yeremia barwito'o ngiwa gooín a alaá waawutmo Yekonia, nee waawuto'o aayoorós kiwa ar tláy Yerusalemúr wa ale, dinkwa nee mukdaádá' taa karmuumúy, nee mukdá' urén oo Yuda nee oo Yerusalemu, nee mukdá' mura' tlehhituwo gu xuú' nee kareerá.

YEREMIA 37:1

Waawutmo Nebukadnesa oo Babuloni, Sedekia garmoó Yosia guri waawutmoó múk Yuda wa qaás kitángw Konia garmoó Yehoyakimu.

ESEKIELI 17:4

Halmír gáwtí dirii' ló'wa alé gay tú/, gari húp baraá yaamaá múk halaanu'uumár tlehhiít, gari qás baraá gixsar'ín ar wák i aleeró.

ESEKIELI 19:9

Ar loohír muqslír afa mogoolmoowo inós kuna óh, ngway huwiyé' ay yaamaá Babuloni. Amoodaádae ngway dahaasiyé' baraá doó tsegma as /orotloorós makawa malé axaás gawaá tlom'aá Israeliwo.

AMOS 3:7

Ar tsuuwa ló', Aakoó MUNGÚ gaa ga tawo tleehhiiká, bar naaqoorós ngaa geehhooeesiiká dír sagadiyuuseerós tidár aaruuse.

AMOS 7:1

Aakoó MUNGÚ ina iigu'utií laqán. Aníng niri qaytsiít, AAKOÓ MUNGÚ una ár i daqtá ingigitá tlehhiit qoomár gitso iwa harma/aama/, tidá' muu aa tsaát as hikwaá doó waawutmo. Qoomaadá' an tidá' gitso iwa malé harma/aama/.

AMOS 7:4

Aakoó MUNGÚ ina malé iigu'utúy laqán. Aníng niri qaytsiít, AAKOÓ MUNGÚ asla gana ateét as sakwasleema. Asltadá' iloodaá tlabeemo gina /ák, tam yaamaá kaahaar sleeme gina iimu/uún /aymaaro.

AMOS 7:7

AAKOÓ MUNGÚ ina male iigu'utúy laqán. Aníng niri qaytsiít, Aako aa sihhiít bihhaá koo/ír taa qoomeés ar hhutlmoó taa saga muqslír i tseék, inós hhutlmoowí gu kón.

SEKARIA 1:20

Naagáy AAKOÓ MUNGÚ kareeruú tsiyáhh oo muqslár kwahhuút nguri laqán.

SEKARIA 3:1

Aluuwo baraá iigu'utuueene Yoshua kaahamusmoó úr oo Mungú nguri ár, aa sihhiít geeraá malaykamoó AAKOÓ MUNGÚ, Neetlaangw sleeme aa sihhiít bartá dakós oo doó /iyáy as nguwa sakwasleemuuti.