YEREMIA 23:8 - Biblía Axweesantá Hhohho' ar Mungú 2004

⁸ Ala inooín bar lo'o ka /aay tan ooi, ‹Adoodár AAKOÓ MUNGÚ ir hotaatin, kudá' múk Israeli ngwa /iikú wá duux, nee gwa baraá yaamu sleémeeró wá geerahaar, amoodá' aáng ngay diyaá/. Aluuwo inooín tari baraá yaamuuín wa hoot.› »

YEREMIA 23:8 Iomraidhean Croise

ISAYA 11:11

Slám baalaadae Aako dakós gu malé tlees as mukós kudá' meet baraá Ashuru nguwa ki/isi, nee kuduú baraá Misri, nee baraá Patrosi, nee oo baraá Kushi, nee oo baraá Elamu, nee oo baraá Babuloni, nee oo baraá Hama'ati, nee kudaá baraá ayeemoodaá afaá tlawi.

ISAYA 14:1

AAKOÓ MUNGÚ múk Yakobo gu malé gurtláy, nee xoorór Israeli gari malé tsawaar. Inooín giri ki/is baraá yaamuuín kudaá kilá', xoordaá hatlá' niri haragwaaiyá' dír múk Yakobo, tari alhoot.

YEREMIA 16:14

AAKOÓ MUNGÚ i kaahi, «Gawaá adoorihe, ga/aawaak, deelo ni hardát ar muu iwa ooiiká, ‹Adoodá' AAKOÓ MUNGÚ ir hotaatin kudá' múk Israeli ngwa duux baraá yaamaá Misriro.›

YEREMIA 16:15

Ala inooín tan ooi, ‹Adoodá' AAKOÓ MUNGÚ ir hotaatina, kudá' múk Israeli ngwa baraá yaamaá /iíkwá watlis, nee baraá yaamu sleémeero kudá' ngi diyaá/.› Asma aníng ngin watlís baraá yaamuuín awa kilá', kudá' naa baabi'ii'ínií haniís. »

YEREMIA 23:3

Naagáy aníng bee/angw'eé' kudá' aa meet un burumbuúr baraá yaamu sleémeerowo, amoodá' ngway diyaá/, ngiri ki/ís baraá qawtanti'ín. Inooín niri laqwaaliyá', niri dooginá'.

YEREMIA 29:14

Aníng kuungá' i sleerá'. Aníng diihhooarhúng ngi ki/ís, nee nuri burumbuúr baraá xoordu sleémeerowo, nee umuú diiro amoodá' nay diyaá/. Nuri ki/ís amoodá' nay diyaa/i, amoodár yaamaá nuy loohatís. Anuú AAKOÓ MUNGÚ tí ngina oó'.›

YEREMIA 30:10

AAKOÓ MUNGÚ i kaahi, «Kuungá' ma da'ayumitaara' kuungaásingá' tlahhoó Yakobo awa sagadiyuuser'eé', kuungá' Israeli, ma amoqwaqwadimara'. Asma aníng kuungá' nu amór saáwá ba/amís, nee na/iihúng ngi ba/amís baraá yaamaá ki loohatisi. Kuungá' múk Yakobo ni watlá' tari hotá' ar wayda. Heé kuungá' nu dae tsaát i kaahh tamu wák.»

YEREMIA 30:3

Asma ga/aaweek, deelo i hardát ar muk'eé' oo Israeli nee oo Yuda nguwa diihhooár i ki/is. Aníng inooín in ki/ís baraá yaamuudá' naa taati'ii'ín i haniís, nee inooín ngiri aaliyá'. Anuú AAKOÓ MUNGÚ tí ngina oó'.»

YEREMIA 31:8

Qaytsité', muk'eé' ngu yaamaá bihhaá /iikú wa ki/ís. Aníng inooín in burumbuúr baraá hhapeemo sleémeerowo, múk taampu nee oo taqooraay ta dinkwa nee inooín. /Ameenár tsiihaawe nee ar xwaylár sla'a. Boo/oó yaariír oo muu ni diirií kii/.

YEREMIA 32:37

ga/aaweek, aníng inooín in baraá yaamu sleémeeró wa burumbuúr, amoodá' ngay guús as buhhtaaeé' nee xarasleemaeé' as niwa qa/iít. Inooín in malé diirí ki/ís. Aníng inooín ngiri waydúr hootiís.

YEREMIA 8:3

Panaay sleémeero oo daa'awtá mukwí tlákw umuú dír i dirii'i gwa'ara kari fitlín ta slafiingo. Anuú AAKOÓ MUNGÚ Aleesleemusmo tí ngina oó'.»

ESEKIELI 28:25

«Anuú Aakoó MUNGÚ a kah, Án múk Israeli un burumbuúr nee nguri dinkwárí ki/ís baraá xoordu sleémeero amoodá' ni diyaya/atiyé'. Gawaá adoorihe múk xoordaá hatlá' gari tsaahh adór aníng tir hhoohhoó'. Múk Israeli tari hoot baraá yaamuudá' aníng naa sagadiyusmooeé' Yakobo ii haniís.

ESEKIELI 34:13

Aníng i duúx baraá tla/ángw xoordaá hatlá' wa ale kudá' sawen, nee ngiri huuw baraá yaamuuín kudaá kilá' i ale. Nguri de'eém gawaá tlom'aá Israelír wa ale, bihhér duxe, nee baraá yaamu sleémeero kudá' muu i hooti.

ESEKIELI 36:24

Aníng kuungá' nu duúx baraá tla/ángw xoordú wa alé, nee nuri burumbuúr baraá yaamaá dah'iimár wa alé, nuri ki/ís baraá yaamuuhúng awa kilá'.

ESEKIELI 36:35

Muu iri ooi, ‹Yaamuká' aáng adór xaanxaay, hamí daxta a adór asalmooduú Edeni, nee gixsadudá' aáng naa deewaiyé', kudá' tawa lóh niri sluhhuutiyé', hamí daxta ki hoot nee muu, slamí kaa harweér ar koo/ír gawit.›

ESEKIELI 37:25

Inooín tari hoot baraá yaamaá baabi'ii'ín kudá' naa haniís dír Yakobo. Inooín nee na/ii'ine nee na/aá nangw'ine, tari baraaká' wa hoot ay alhhe'eesay wasle, Daudi sagadiyusmooeé' giri sawaawuti'ín daqisleeme.

ESEKIELI 39:28

Daqaní ngiri tsaahhiyá' adór aníng tar AAKOÓ MUNGÚ, Munguúín, asma aníng ina tlatlahhaás baraá tla/ángw xoordaá hatlá', nee ngiri male ki/ís baraá yaamuuín. Tam heé wák u geexawaaká baraá tla/ángw xoordaá hatlá'.

Yoeli 3:7

Ala daxta án muk'ee' ngun ki/ís as niwa ti'iitiya' amoodá' kuungá' ki weerisi'i, aníng li/ayhúng ngu gawaahúngí ki/ís, asma tidá' sleémeero taa inooín i tlehhé'.

MIKA 7:15

Aakoó Mungú, muruú waa/oo/amo tleehheek dirén i alé, adoodár aáng kura tléhh atén tiwa baraá yaamaá Misrír wa dúx.

SEFANIA 3:20

Qoomár aníng kuungá' burna baraá yaamuuhúngií ki/ís, bál burna dinkwaárií burumbuúr, Baalaadae aníng kuungá' nun iia tleereés nuri xirfayeés. Baraá tla/ángw xoordu sleémeerowo, awa baraá yaamuwo. Bál diihhooarhúng birnga ki/ís, kuungá kilá' ilahunge kari aandá'. Anuú AAKOÓ MUNGÚ tí ngina oó'.»