YEREMIA 23:5 - Biblía Axweesantá Hhohho' ar Mungú 2004

⁵ AAKOÓ MUNGÚ i kaahi, «Ga/aawaak, baala ni hardát ar aníng harma/itá hota ganaa' ngiwa doó Daudi wa duux, inós iri waawuti'ín ar sagalooa, inós giri geerahaar ar sakwasleemár ganaa' nee ar hotaá ganaa'á' baraá yaamuwo.

YEREMIA 23:5 Iomraidhean Croise

2 SAMUELI 23:3

Munguú múk Israeli iri oó', tlaa/ár múk Israeli ina beér, ‹Hee bar muu ngwa sawaawuti'ín ar gan'amu, baraá waawuti'iimarose bar Mungú ngwa ilaiwaá/,

WARA'AMI 45:4

Baaliím, geera i kumiiteek ar /uuruuwók, looeema aleekalaa/eek nee tsaeema nee gan'amu, ar /uuruwoge muruú waa/oo/amo oo dae tlaáq u tléhh.

WARA'AMI 80:15

Nee hatlituudá' taa hátl ar dakók oo doó /iyáy, nee yaeemidá' kuúng taa tsawát kawa amohhe'eemis as iwa gawduur.

WARA'AMI 99:4

Kuúng, waawutmoó aleesleemuú koóm, kuúng barqaanti aga hiingés, slám sakwasleemár ganaa' ana tléhh, nee hotángw ganaá' nguna húp dír múk Israeli.

ISAYA 33:5

AAKOÓ MUNGÚ aa xirfuút asma inós i gáwtí dirii', Inós Siyoni gan dalaa/ ar sakwasleemár ganaa' nee hotaá ganaa'á'.

ISAYA 4:2

Baalaadae harma/itá AAKOÓ MUNGÚ i hhoohhoouúr iri xirfút, nee panaydá' aa meet oo múk Israeli mamaá yaamu kin ar daara/án nee tiri diidi'iimisiyá'.

ISAYA 42:6

Anuú AAKOÓ MUNGÚ, aníng kuúng una ateét ar hotaá ganaa'á', ugwa dawa óh nee u de'eém. Ar kuunge aníng alqado a tleéhh dír muu sleémeero, kuúng u gwa/aateema tleéhh dír xoorduuwo.

ISAYA 45:24

Inooín daanduueene tan ooi, «Gan'amu nee /uuru i dír AAKOÓ MUNGÚ kilós i dirii'iyá'.» Kudá' sleémeero ngwaa buhhtisiye' nin hardihiyá' kiri mureekees.

ISAYA 52:13

Ga/aawaak, sagadiyusmooeé' i daqaari'iit ku iia tleerees nee kuri gáwtí tlees nee ilaiwa/amér ur ga sláy.

ISAYA 53:10

Tam adoorihe AAKOÓ MUNGÚ guna slaá' nguwa slahh'eemisi, guri gurhaamír ar áy. As hhiintluuwós nguwa duúx tawa ilahhooár tlakweés hingeesa, xwaylarós ga ar adór kar hota tleér. Inós an kudá' sla'aarír AAKOÓ MUNGÚ ga boo/eés.

ISAYA 53:2

Inós ina dír geeraá AAKOÓ MUNGÚ wa uraaráy adór xa'anoó dutlutluú/. Adór dee/aarmoó xa'ano oo baraá yaamaá kaahaar. Ga/aawaak, inós slaqsoó hhoohhoó' laqaá gitsee/aá hhoohhoo' gi konká as kahhó' kuwa iiqaytsit. Hhohhoaari tam ar niiná ar kuwa waatlakwes i káhh.

ISAYA 9:5

Asma xooslaá slaqwara sleémeero awa hee i kon qoomár slaqwaraaro, nee tlabaá taa baraá tseereérár tiloók, kaa amohhe'eés kiwa hhaamisi, i migír tleehhitiyá' oo ta ásltár oohisi.

ISAYA 9:6

Asma na/aay kwaa xwaylúy as atén, na/oó garma kunguna haniís. Inós aleesleemuú waawuti'iima gu kón. Umuuwós kuri bay, Hara'ayusmoó waa/oo/amo, Munguú /uuruú koóm, Baabuú alhhe'eesay wásl, Waawutmoó Wayda.

ISAYA 9:7

Axweesanoó aleesleemuú koóm nee wayduuwós i alhhe'eesoó kon'aaká, baraá kitángw Daudi oo Aleesleemu nee waawuti'iimarós, Gin gawdees nee gin kumitiis ar sakwasleemár ganaa' nee hotaá ganaa'á', iimír hamí ay alhhe'eesay wasle. AAKOÓ MUNGÚ Aleesleemusmo adoorí gan tleehh.

YEREMIA 22:15

Xáy, kuúng kawa xu', tuna waawutmoó wa qaási as do' kuwa tlehh ar xaa'aá sahhta? Baabuúwók ina /ayín nee iri wahán, muruú ganaá' guri tlehhiít, iri hoót ar hotaá ganaa'á'. Umuú gaaro iri ya/aán dirose.

YEREMIA 22:3

Anuú AAKOÓ MUNGÚ a kah, ‹Muruú ganaá' nee oo qoóm tlehhiitaak. Heé taa daqaari'iima hayóh /iisaak dabaá múk /aytuuseero. Muu mu slahh'eemisaara' nee dahaayeero, tam na/aá panaay nee kwaeeliwo. Tam tseerdaá múk dakuús wásl mi diirí ku'umiisara'.

YEREMIA 22:30

AAKOÓ MUNGÚ i kaahi, «Heewí kaangwí ti gooiin tawa adór heé na/aá koomaaká, a heé gaa tleehharo ga aleeslawaaká baraá hotaawose. Asma baraá xwaylarose hee i kaahh oo kitángw waawuti'iimár Daudi gu i iwiít, nee oo xoorór Yuda ga sawaawuti'iím.»

YEREMIA 23:6

Qoomár waawuti'iimarose múk Yuda ku ba/amis, nee múk Israeli i saxareemár hoot. Inós umuuwós ku bay, ‹AAKOÓ MUNGÚ an gan'amuurén.›

YEREMIA 29:11

Asma anuú AAKOÓ MUNGÚ a xuú' gár ni kuungá' i qoomeemeés i deer. Gár nuy qoomeemeés a wayda, ala a amotlakweerooká, kuungá' masók harahhifo a sleerá' aluuwo.

YEREMIA 30:3

Asma ga/aaweek, deelo i hardát ar muk'eé' oo Israeli nee oo Yuda nguwa diihhooár i ki/is. Aníng inooín in ki/ís baraá yaamuudá' naa taati'ii'ín i haniís, nee inooín ngiri aaliyá'. Anuú AAKOÓ MUNGÚ tí ngina oó'.»

YEREMIA 30:9

Aqo AAKOÓ MUNGÚ, Munguúín ngun sagadiyuusiyá', nee waawutmoó tlahhoó Daudi kudá' ni tsawaar ngun sagadiyuusiyá'.»

YEREMIA 31:27

Anuú AAKOÓ MUNGÚ a kah, ga/aaweek, deelo ni hardát ar aníng yaamaá Israeli nee awa Yuda ngiwa hatsiis muu nee makaywo ar adoodá' dahaasusmo ir dahaasaasin.

ESEKIELI 21:27

Hhituru'uuma! Hhituru'uuma! Tam gár wák ar ni meetiis i káhh baraá gixsarihe. Ala geeraá tihe heedaádá' naa ya/aamár muxtaárí haniís ni hardah, as sakwasleema ngiwa tleehhi, kudá' aníng ni gixsarí haniis.»

ESEKIELI 34:16

«Bee/angwdá' aa qwaar un leelehhtuú áw, nee kudaádá' tawo hi'iimiít un amór dó' i ki/ís. Kudaádá' aa qeqtin un tlaawiím, nee kudá' litlakwén aníng in /uurií qaás. Ala bee/ángw slaqo hhó' nee kudá' /uuruú koóm un hhaamiís. Aníng bee/aangw un de'eém adoodá' kus hariím.

ESEKIELI 34:29

Aníng in qamaá xawuú koomá' i sláw as qwari mingiwa hhaamiís baraá yaamuwo, laqaá mikiwa malé waaqaá' nee xoordaá hatlá'.

ESEKIELI 45:8

Gaarí an dír aalír geeraharusmoó Israeli. Gawaá adoorihe geeraharusmo muk'eé' gu /aytárí tleehhiiká, ala masók inós muu aqo gu máy kuwa yaamií qasiisi adoodá' xoorór Israeli kawa hariím.»

DANIELI 9:24

«Afiqoomár wiikadaá mibeeri faanqw, kaa qaás as mukók nee daanduú gixsarók tidá' hhoohhoo' as dakuús kawa faaki, tlakweema kiwa gurtlay, nee gan'amuú alhhe'eesáy wasle kunguwa huwi iigu'utu nee aaru'uuma kiwa dugunó i qaasi, nee didá' ló'wa hhoohhoo' kawa di/tí qaasi.

HOSEA 1:11

Múk Yuda nee múk Israeli ta haragwaa' diinkwárí alé, geeraharusmooín oo wák kuri tsawaar, inooín nay diihhe'eesiyá' baraá yaamuudae. Asma deeloodár Yesre'eli ka ló'wa ur.

HOSEA 3:5

Aluuwo múk Israeli i kii/, AAKOÓ MUNGÚ Munguúín kway leelehhiit, nee Daudi waawutmooín. De'emaá alhhe'eesaywo niri ki/iyá' amór AAKOÓ MUNGÚ nee hhooeemawós ar ilaiwa/ame.

AMOS 9:11

«Baalaarihe aníng doó Daudi kudá' aa huu' u tleéhh, nee koo/idá' aa hhitirut an tleéhh, aníng sluhhaywós kudá' aa huhu'un u sihhtís, gixsadá' an malé tleéhh ngay adoodár aángií ki/ís.

MIKA 5:3

Gawaá adoorihe Aakoó Mungú mukós gu ala máy alee/iisaro, ay dír qooma i xeer, qoomár /ameenír baraá slahh'amuú xwaylár i dirii', garma nguwa xwayluur. Daqaní hhaeewós kudá' naa meetiye' niri ki/iyá' amór muk'ín oo Israeli.

SEKARIA 3:8

Yoshúa, kaahamusmoó úr oo Mungú, iia qaaseek, kuúng nee kaahamuuseedár hatlá' algadiyuusá', asma mukwí a layár ganaa', asma ga/aaweek, aníng sagadiyusmooeé' kudá' ta bay, Halmi ngu huúw.

SEKARIA 9:9

Kuungaá múk gixsár Siyoni qwalaala/é', kuungaá múk gixsár Yerusalemu baraa/é'. Ga/aawaak waawutmoohúng ni amorhúng i hardah, nin hardah ar bara/ nee arba/ati, ku tsatsa'aár, aa tsa/án gawaá daqwaay, gawaá gwarendmoó daqwaay, na/oó daqwaay.

Matayo 2:2

Iri ó', «Waawutmooduú múk Yahudi taa laqwaál i amá? Asma atén tsatsee/irós ana araán da/aáw wa ale. Nee atén nguna xirfayeemisuú awaán.»

Yohana 1:45

Filipo Natanaeli guri ár, guri báy, «Kudá' gooír Mose nar aaruuse i kat, atén ugwa araán. Inós a Yesu, garmoó Yosefu, heé gixsár Nasareti.»

Yohana 1:49

Natanaeli iri oó', «Intsaahhatusámo, kuúng a Garmoó Mungú. Slám kuúng an Waawutmoó múk Israeli.»

1 Korinto 1:30

Ala kuungá' a baraá Kristo Yesu i dir'á'. Adoorí heé gaa tleehh a Mungú. Mungú Kristo Yesu guna sagalooarén tleéhh. Slám inós a gan'amuurén, nee hhohhoaarirén nee gweermoorén.

Ebrania 8:8

Asma Mungú adór mukós ira dakuús gaa ár, iri oó', «Aako i kaahi. Ga/aawaak, deelo i hardát ar aníng alqadór /aben ngiwa tleehh nee múk Israeli, tam nee múk tlahhoó Yuda sleeme.

Geehhoeemaá 19:11

Aluuwo doori ngiri ár naa gweeriitiyé'. Nee faraásír /awaak ngiri baraadá' wa ár. Nee heé faraásidá' gaa i tsa/an ku bay Heé inkihhím nee Heé Looeemaá káh. Inós sakwasleema ga tleehh nee slaqwara ar gan'amu.