YEREMIA 23:4 - Biblía Axweesantá Hhohho' ar Mungú 2004

⁴ Aníng de'eemuusér hatlá' ar gi amohhe'eemiis an sláw, inooín niri malé da'ayumitiaaká, laqaá niri malé amoqwaqwadina'aaká, nee tam ar wák i qwatká.» Anuú AAKOÓ MUNGÚ tí ngina oó'.

YEREMIA 23:4 Iomraidhean Croise

ISAYA 11:11

Slám baalaadae Aako dakós gu malé tlees as mukós kudá' meet baraá Ashuru nguwa ki/isi, nee kuduú baraá Misri, nee baraá Patrosi, nee oo baraá Kushi, nee oo baraá Elamu, nee oo baraá Babuloni, nee oo baraá Hama'ati, nee kudaá baraá ayeemoodaá afaá tlawi.

YEREMIA 30:10

AAKOÓ MUNGÚ i kaahi, «Kuungá' ma da'ayumitaara' kuungaásingá' tlahhoó Yakobo awa sagadiyuuser'eé', kuungá' Israeli, ma amoqwaqwadimara'. Asma aníng kuungá' nu amór saáwá ba/amís, nee na/iihúng ngi ba/amís baraá yaamaá ki loohatisi. Kuungá' múk Yakobo ni watlá' tari hotá' ar wayda. Heé kuungá' nu dae tsaát i kaahh tamu wák.»

YEREMIA 31:10

Kuungá' xoórdu, axweesantá AAKOÓ MUNGÚ iiárií qaasaak, ilahaniisaak dír ayeemaá sawene, kudaá iisaapoó tlawi, tawa kata', ‹Aníng muk'eé' oo Israeli una diyaá/, ala daxta un burumbuúr nee un geerahaár, adór de'eemusmo bee/aangós ngur geeraharhaahari.›

YEREMIA 33:26

daqaní aníng xwaylár Yakobo nee Daudi sagadiyusmooeé' aga sií', nee heé wák u tsawaaraaká oo xwaylár Abrahamu, nee Isaka nee Yakobo ga sawaawuti'iím. Asma aníng muk'eé' un diihhooárí ki/ís nee nguri gurtláw.› »

ESEKIELI 36:11

Muu nee makaywo in ló'wa tlahhás. Nee kuungá' tlóm'i, tundu male hoot adoodár aáng wa ale. Muruú hhó' ngu ló'wa tleéhh adoodá' aáng ba/a. Daqaní kuungá' a tsahhá' adór aníng tar AAKOÓ MUNGÚ.

TLAHHOÓ LAÁWI 26:9

Aníng kuungá' nu i qaytsiít nuri na/aá yaariír i haniís nee tari doogiindá', aníng alqador'eé' ngiri gawdeés dirhunge.

MIKA 4:4

Ala umuúqo heewo iri iwiwiit baraá mahhtuú xa'anoó sabiíbuuwós wa ale, nee mahhtuú /aantsírós. Nee tam heé gi baloó dae tsaát i kaahh, asma AAKOÓ MUNGÚ Aleesleemusmo kaangwí ngwaa oó'.

MIKA 5:2

«Ala kiíng, gixsár Betilehemu, ar baraá Efrata, tam ti niinawe baráa tla/ángw gixsadaá yaariir awa tlahhoó Yudawo, ala baraawoge geeraharusmoó wák ngu sláw oo múk Israeli gu sawaawuti'iím. Iimu/úngw tlahhaywós oo iimír aáng, inós oo iimír qaro.»

MIKA 7:14

Aakoó Mungú, mukók de'eemeek ar hhartók, daqtók tidá' taa tsawát. Inooín tam ta kilooín hooti baraá sla/atá wa alé, ala yaamuuín kaa harweér nee yaamaá gitsór hhó' koomá'. Daqtók i qawór eer baraá qawtantadá' hhoo' ar baraá yaamaá Bashani nee Gileadi, adoodár aáng wa alé.

SEFANIA 3:13

Mukduú Israeli aa meet gár tlaakw ngi baloó tleehhiaaká, tam lama ngi baloó ooiaaká. Nee heé al/aymusmo baraá tla/angw'ine u baloó sleeraaká, Slám heé gi dae tsaát i kaahh.»

FAARO 31:49

Mose kuri báy, «Ataá sagadiyuuseerók mukduú slaqwara sleémeero ugwa faaraán, kudá' atén taa geeraharaharaán, naxés tam heé wák oo kaáhh i kaahh.

Yohana 17:12

Qoomár án niwa dinkwár i dirii' nee inooín, aníng iga xuúm ar /uuruú umuuwók kudá' naa hanís, ngiri amohhe'eemiís. Ala tam baraaine heé wák aa qwaar i kaahh, aqo har heedá' taa qwanáy i harafaár iimír iimu/uungo, as Gooi iwa bo/.

Yohana 18:9

/Aymi'iiká' gina káh as /aymuuwí iwa boo/i, kudá' aa geerií oó', «Baabá, baraá kudá' sleémeero naa hanisi, oo aa qwaar i kaahh tumu wák.»

1 Petro 1:5

Kuungá' tundun de'én nee /uuruú Mungú ar loohír haratlintaao, as ba/amadá' taa qaroó amohhe'eés kawa ilaota', tidá' tindi geehhooeesi bál deelór alhhe'eesaywo.