YEREMIA 23:32 - Biblía Axweesantá Hhohho' ar Mungú 2004

³² Eeít, anuú AAKOÓ MUNGÚ a kah, ‹Aaruuseedá' a i haraatláw, tidá' tlataaín awa lamtá aaririim dír muk'eé', nee muk'eé', ngwa qwaareesiyé' ar lamtaín, nee tlooraaín. Ala aníng iga ya/aawiiká, nee sleeme gár ngaa báw i káhh.› Gawaá adoorihe, gár mukwí nguwa gaa buiya' i káhh, Anuú AAKOÓ MUNGÚ tí ngina oó'.»

YEREMIA 23:32 Iomraidhean Croise

YOBU 13:4

Kuungá' lama an slikiindá' ar di/i, kuungá' sleémeero a qwaslaarér gaa wasl.

ISAYA 3:12

Baraá kángw muk'eene, inooín kin baramaanuus nee na/ii, nee /ameena gin sawaawuti'iín. Aá muk'eé', kuungá' tunduu qwaareemiis geeraharuuserhúng, nee loohír kuungae hariim eeharto ngin hhitiitiná'.

ISAYA 9:15

Sage an bariisér ilaiwa/amér koom, hhayshe an aaruuseedá' lamtá intsaahhatimisá'.

YEREMIA 23:13

Baraá tla/ángw aaruusér Samariaro gár ló'wa buhhtamis aga ár. Inooín nina aariiriné' ar umuú Ba'ali, muk'eé' oo Israeli nguri qwaareesiyé'.

YEREMIA 23:16

AAKOÓ MUNGÚ Aleesleemusmo i kaahi, «Axweesantá aaruusedá' kuungá' ma iiárií qamimara'. Inooín harahhifór lama ngi kaahiyá', gár i kaahiya' a tlataaín awa tawo, ala kangwdá' i amor'eé' dahhiiká.»

YEREMIA 23:25

Aníng axweesantá aaruuseedá' lamtá aaririim ar umuueé' aga axaás tidá' tawa kaahi, ‹Aníng aga tlatitiím, aníng aga tlatitiím.›

YEREMIA 23:31

Ar looeemawo anuú AAKOÓ MUNGÚ a haraatláw dír aaruseedá' tlororoo' ar kah, AAKOÓ MUNGÚ i kaahi, laatí aníng nga ya/aawiiká.

YEREMIA 29:31

«Ya/abtoorí huweek dír muu sleémeero kuduú baraá looháy dirií', Anuú AAKOÓ MUNGÚ daanduú Shemaya oo Nehelamuwo a kah, ‹Shemaya ina kilós aariirín aníng ngwa ya/aawiiká, nee kuungá' lamtós kari haratlintié'.›

YEREMIA 7:8

«Ga/aawaak, kuungá' axweesanoó lama una harahhifé'.

WA/AA/I 2:14

Aaruuserhúng gár daanduhunge aa aán, a iigu'utuú lama nee oo al/ayma. Tlakweemaahúng ngaa geehhoeesi'iiká, as kahhó' kiwa meera'. Ala aarír lama ngina kuungá' babayé', tidá' kuungá' nu qwaareemiis.

WA/AA/I 3:37

Heé gaa ga oó' iri tleehharút a heemá bar Aako gaa ooiiká?

SEFANIA 3:4

Aaruuseerós a múk hasliitaaká nee a al/aymuuse. Kaahamuuseerós muruudá' hhohhó' oo Mungú ngwaa meetagaasiyé', dabér AAKOÓ MUNGÚ ngiri hhitiné'.

SEKARIA 10:2

Asma munguaá hatlá' gár i axweesiya' a muruú tawo, nee qwaslaarér isaá ar'aa'ar gár aa aán lama. Iigu'utuuser'ín tlataá lama ngin alki/itiyá', nee gurkwa/asár al/ayma. Gawaá adoorihe, muu in tawo tonganuus adór bee/aangw, inooín i slahhahhaiyá' asma iwa de'eemusmoó kon'aaká.

Matayo 15:14

Mawaagáy. Muksíng a taampu awa tampaá hatlá' geeraharahará'. Taampa bar taampár hatlá' ngi geeraharahát, tsaraawo ta al /e/etín baraá bohoongw.»

2 korinto 1:17

Ala kuungá' ka ga/eera', aaiieé' kuká' aníng ngiwa adoorír slaá', aníng iga alqaytsitiikáhe? Laqaá a gídaabáhe aníng a adór heé aa haratlintii'iikáhe, kudá' káh «Eeít», ala laatí inós i kaahi, «Aasla'áy».

DABE 18:20

Ala aarusmoó axweés ar umuú munguaá hatlá', laqaá oo umuueénár axweés slám aníng ugwa ádbawiika, arusmoowí in gwaa' sleeme.

Geehhoeemaá 19:20

Makiito'oodá' kari óh dinkwa nee aarusmooduú lama. Aarusmoowí a kudá' tlehhema'aá waa/oo/amo gaa tlehhiit geeraá makiito'oodá' wa ale. Nee slám inós muu guna al/agín ar tlehhemi'iiwós kudá'. Múk taa al/aáy a kudá' layár makiito'o gaa ilaoh nee oo murslaaqatuú makiito'oodá' gwa i tumbarara'aat. Kuká' tsaraawo kiri slafi kwaáhh baraá tlawtadá' asla iwa ohahiin ar kiberiíti.