YEREMIA 23:29 - Biblía Axweesantá Hhohho' ar Mungú 2004

²⁹ Anuú AAKOÓ MUNGÚ a kah, ‹Axweesante'eé' a adór asla, a adór yuúnduú tlaa/e tsu/uta.›

YEREMIA 23:29 Iomraidhean Croise

YEREMIA 20:9

Ala aníng bara oó', «Aníng umuú AAKOÓ MUNGÚ daxta un baloó ooaaká, sleeme a ilaawatsaaká ar umuuwós,» muunaaeé' in da/aa/anuut baré kwaáo adór asla in baraá faduueé' wa ót, an mak qiítl as mawa ilawaáts, ala ila/aro tin harslaaqaát.

YEREMIA 5:14

Gawaá adoorihe AAKOÓ MUNGÚ, Munguú Aleesleemusmo, i kaahi, «Yeremía, asma muksíng iwa adoosír axweesi, ga/aaweek axweesante'eé' an adór asla tleéhh baraá afkoge, mukwí tari adór migír, inooín asla giri /ák.

HOSEA 6:5

Gawaá adoorihe án kuungá' naa tlaáq ar afér aaruuse, nuna tsuú/ ar axweesantá afkueé', sakwasleemar'eé' i gaansliín adór gwa/aateema.

Luka 24:32

Tiri kilooín yaahamisiyé' tari káh, «Ahaá, muneerén kaa kwatimiítiíke, qoomár loohiro iwa amoorén i axweesi, nee Gooi ngiwa xu'utimiisi?»

Yohana 6:63

Qeeru an kudá' slafíngw hanmiís, slaqwa gár i bu' i káhh. /Aymi'iiká' naa kuungá' i oó' a qeeru, slám a slafiingw.

Tlehhema'aá ya/Abuuse 2:3

Tsángw asla niri ti'iít, tiri partliít, iri dír umuúqo heéwí iwiwiít, oo dir'ín tidá' i dirií'.

Tlehhema'aá ya/Abuuse 2:37

/Aymi'iiká' kiwa axaamiís, muner'ín kari kwatiít ló'wa ale, Petro nee ya/abuusér hatlá' kay yaahamiís tari oó', «Hhaeerén atén adór ta laqaan?»

2 korinto 2:16

Asma dír mukwí qwaqwadiima atén a adór mooyángw baraá gwa'arár daáhh, oo gwa'arár huwahuúw. Ala dír mukdá' ta ba/amiimisi atén a adór mooyángw baraá slafíngw daáhh, oo slafíngw huwahuúw. Ala heé muruuwí gu aleesláw a heemá?

Ebrania 4:12

Asma axweesantá Mungú i sláf. Nee slám i /uuruú koón. Nee i xarásl ló'wa ale tam paángár afe tsár ga bá/. Axweesantá Mungú in dát baraá heé i alé, qeeru nee muuná giri parátl, tam fadu nee waeemoowós giri parátl sleeme. Nee slám axweesantá Mungú inslawoó hee gu sakwasleemút, nee umuúqo gár i slai baraá muunaáwose.

Geehhoeemaá 11:5

Nee bar hee ngi slahh'eemisuú wa slaa', asla in baraá afer'ín wa ti'imít, nee wakuuser'ín tidá' gari /ák. Gawaá adoorihe, bar hee ngi slahh'eemisuú wa slaa', inós kun gaas ar adoorí.