YEREMIA 23:27 - Biblía Axweesantá Hhohho' ar Mungú 2004

²⁷ Ar tlataaín kukae gár ta tlehhiiti a muk'eé' ngun sage qwaareemisiyá', aníng iwa gunqareesiya', ar adoodá' baabi'ii'ín aníng ira gunqareesiyé', nee Ba'ali nguri haratlinti'iyé'.

YEREMIA 23:27 Iomraidhean Croise

2 WAAWITÁ 21:3

Asma inós kiteeridá' waawutmo Hesekia aa feé/ kudá' munguaá hatlá' kiwa gawaá gongoamaá wa sluufmiisi, inós gina male /abeés, kitángw Ba'ali kuwa ilahhooárí hanmiisi guna tleéhh, nee slaqsoó Ashera guna tleéhh adoodá' aáng Ahabu waawutmoó Israeli aa tleéhh. Tam adoorihe Manase tsatse/uú gawaá doori guna sluufmiís, guri sagadiyuús adór Munguú ló' wa aleeró.

YEREMIA 2:32

Xáy, dasír /amatliito'o parootirós gaqo gunqaarésa, laqaá dasír ta duxuuti tlabaawós giqo gunqaarésa? Ala muk'eé' aníng iga gunqaareés har afiqoomár deelór yaariir.

YEREMIA 29:8

Anuú AAKOÓ MUNGÚ Aleesleemusmo, Munguú Israeli a káh, ‹Al/aymár aaruusedár lamuuse ma iiárií qamiimara', nee qwaslaareedá' tu/u/uum tam tlataaín kudá' mi ya/aamara'.

YEREMIA 9:14

Ala inooín muner'ín ngina gawdeesiyé' nee Ba'ali nguri eehariyé' adoodá' kira intsaahhatís nee baabi'ii'ín.› »

Tlehhema'aá ya/Abuuse 13:8

Ala Elima, qwaslaarmoodá' (gídaabár umuuwós an qwaslaarmo), inós tina tlaampa'aamisiyé' nee inooín. Asma inós gár i slai a ga/aawusmoodá' masók haratlintaaoodá' gan máy.

DABE 8:11

«Ti harmagahhe' AAKOÓ MUNGÚ, Munguúhúng mu gunqareesara' as hara'ayaarós kawa meera' ooharo, nee dabeerose nee kaahirose, tí laarí aníng naa kuungá' i hara'ayiím.

DABE 8:14

ma daara/utara, AAKOÓ MUNGÚ, Munguúhúng kuwa gunqaresa', kudá' kuungá' naa baraá yaamaá Misrír wa duux, qoomaadá' kuungá' tawa lawaale.

DABE 8:18

Inslawaak AAKOÓ MUNGÚ, Munguúhúng an kudá' kuungá' naa daqaari'iimár i haniis. Adoorí gana tleéhh as alqadoorós tidá' ngiwa gawdeesi, tidá' aáng aa tleéhh nee baabi'iihúng tam ay laarí.

HAR'OHUUSE 10:6

Múk Israeli tlakweema gina malé tleéhh dír geeraá AAKOÓ MUNGUHE. Inooín munguiidá' ta bay Ba'ali nee Ashtaroti ngina sagadiyuusiyé', nee munguaá hatlá' awa Shamu, nee awa Sidoni, nee awa Moabu, nee awa múk Amoni, nee awa múk Filistiro sleeme. Inooín AAKOÓ MUNGÚ nguna mayé', tam sleeme naa kumiiti'iiká nguwa sagadiyuusiya'.

HAR'OHUUSE 3:7

Múk Israeli adór slasla/aar gana tleéhh dír ilaá AAKOÓ MUNGUHE, AAKOÓ MUNGÚ, Munguúín nguri gunqareesiyé', inooín munguiidá' ta bay Ba'ali nee Ashera ngiri sagadiyuusiyé'.